Edhekiɛl 3:20 - JAM DE NHIALIC 2011

²⁰ “Na cï raan piɛth luɔi de piathëpiɔ̈u pɔ̈l ku looi karɛc, ku jɔ yen tääu tërac, abï thou të kën yïn en jɔ̈ɔ̈ny. Abï thou në biäk de karɛcke, yɛn cïï këpiɛth cï looi bï tak, ku yɛn bï gääk de thonde tääu në yïyeth.

Edhekiɛl 3:20 ပူးပေါင်းရင်းမြစ်များ

2 Lëk 24:2

Acï këpiɛth looi ë Bɛ̈nydït nɔm, në biäk tɔ̈u ë Jeɣoyada bɛ̈ny de kake Nhialic ke ŋoot ke pïïr.

2 Lëk 25:15

Kënë acï Bɛ̈nydït bɛ̈n tɔ göth, ago tiët tuöc Amadhia, go ë tiët lɛ̈k en an, “Eeŋö tɔ yïn lam yiëth ke alɛi, yiëth kën kɔcken lëu në kuny në riɛl cath ke week?”

Diɛt 119:165

Kɔc nhiaar löŋdu adekï nɔm lääu, ku acïn kë duëër keek tɔ wiɛ̈ɛ̈k.

Diɛt 125:5

Ku të lui yïn kɔc rac këtuc luöiyë këtuc kɔc ee lööŋku rɛɛc aya. Mät abï tɔ̈u ke Yithriɛl.

Diɛt 36:3

Jamden aa rac ëbɛ̈n ku athiäŋ ke tör, acïn këpiɛth ku këde pɛlënɔm yek bɛ looi.

Kɛ̈ŋ 25:12

Pïŋ de jäny ë raan pɛlënɔm ee ciët yöŋ de adhääp ku kaläk de naamden.

Yith 64:6

Wok de gup awɛ̈ɛ̈c wodhie, cakaa nɔn ye luɔidan piɛth ŋoot ke rac. Në biäk de awɛ̈ɛ̈ckuɔ, wok cï ciët yïth ke tiim ee biɔɔr ku gɔp yom keek.

Yith 8:14

Në biäk bïï yen aa tëɣeric arëët, Yɛn cït kuur ee kɔc tɔ kɔ̈th, ku Yɛn cït wïn ë dɛ̈p bï kɔc ke ciɛɛŋ de Juda ku kɔc ke ciɛɛŋ de Yithriɛl dɔm ku kɔc ke Jeruthalem.

Jeremia 34:16

Ku ëtɛ̈ɛ̈n we cï wenïïm bɛ waar, ku cäkkï ya be riëëu. Week wedhie, wek cï lïïm bɛ pɔ̈k nïïm ciëën, lïïm cäk keek kɔn gäm nɔm lääu, këdɛn ë kɔɔrkï, ku acäk keek bɛ tɔ ee lïïm ë riɛl.

Jeremia 6:21

Ka Yɛn bï ee kɔckë tɔ kɔ̈th ku wïïkkï. Kɔc ë dhiëth mïth abïk thou në mïthken, ku yen ee thon de määthken ku kɔc thiääk në keek.”

Edhekiɛl 14:3

“Mɛnh ë raan, kɔckë acïk kepiɔ̈ɔ̈th gäm yiëth ku tɔkï yiëth wɛt keek në rɛ̈ɛ̈cic. Yek tak bä ke gäm këdɛn kɔɔrkï?

Edhekiɛl 18:24

‘Ku na päl raan ee kapiɛth looi luɔidɛn de piathëpiɔ̈u, ku ciɛk luɔi de karɛc cït karɛc ye kɔc ee karɛc looi ke looi, bïï ceŋ ke pïïr aya? Ei! Acïn töŋ de kapiɛth wään ye looi bïï bɛ tak. Abï dhil thou në biäk de ciɛ̈n adöt ku në baŋ de karɛcke.

Edhekiɛl 18:26

Të pɛ̈l ë raan ee këpiɛth looi luɔi de piathëpiɔ̈u, ku gɔl luɔi de karɛc, na le thou, aa thou në biäk de kërɛɛc cï looi.

Edhekiɛl 3:18

Na luɛɛl en an raan ee karɛc looi abï thou, ku kɛ̈në jɔ̈ɔ̈ny ke bï pïïrdɛn de luɔi de karɛc waar, ke bï wëike kony, abï thou ke ŋoot ke de guöp awɛ̈ɛ̈c, ku yɛn bï gääk de thonde tääu në yïyeth.

Edhekiɛl 33:18

Na cï raan piɛthpiɔ̈u luɔidɛn piɛth pɔ̈l ku gɔl luɔi de karɛc, ke abï thou në biäkde.

Edhekiɛl 33:6

Ku na cï tïït kɔc ke ater tïŋ ke ke bɔ̈ ku cïï kaaŋ koth, ke kɔc ke ater abïk bɛ̈n bïk kɔc de gup awɛ̈ɛ̈cë bɛ̈n nɔ̈k, ku yɛn bï gääk tääu në tïït yeth në biäk de thon ee kɔckë.

Edhekiɛl 7:19

Abïk Adhɛ̈pken ku atekken cuat wei në kuɛɛr yiic, cï ka rɛɛc, në biäk cïï atekken ku adhɛ̈pken, keek bï kony të le Bɛ̈nydït agönh de wäl piny. Acïn kë bïk looi në yen bïï ke kueth në ka kɔɔrkï, ku nɔn thiëëŋ kek keyiic. Adhääp ku ateek acï keek lɛɛr awɛ̈ɛ̈c yiic.

Danyel 9:18

Piŋ wothook, Nhialic, ku woi wook, ku tïŋ nuan nu wok thïn, ku nuan cï pänydït muk rinku yök. Yïn lɛ̈ŋku ku acie biäk de piathëpiɔ̈nda ee luɔi ee yïn piɔ̈u kok.

Lebai 19:17

Du mɛnhkui ee maan guöp në yïpiɔ̈u, ye jɔ̈ɔ̈ny në yic, ago nɔm ciën gääk wekë yen ëtök.

Dhep 1:6

ku riääk kɔc ee röt dak ciëën ku cïkï Ya be kuany cök, kɔc cie bɛ̈n ku thiëckï Yɛn bä ke wat.

Math 18:15

Ku na mɛnhkui, të cï en yï wäc këdäŋ, ke yï lɔ, lɛ̈kë yen kë cï wööc tëdun waarou, të cï en yï piŋ thok, ke we ye wepiɔ̈ɔ̈th jɔ yök wekë mɛnhkui.

Luk 2:34

Go Thimion ke thieei, ku jɔ Meri man yɔ̈ɔ̈k an, “Tïŋ mɛnhë acï bɛ̈ɛ̈i bï kɔc juëc nu Yithriɛl tɔ wiëëk ku be ke tɔ jɔt röt, ku abï aa gök bï kɔc tïŋ agokï tɔŋ lueel në yen,

Luk 8:15

Ku ka nu ë tiɔɔm piɛthic ayek kɔc cï jam piŋ, ku jɔkï muk në piɔ̈n yic ku piɛth, agokï luɔk në rum ee kek kepiɔ̈ɔ̈th rom.

Romai 11:9

Go Debid lueel an, “Tɔ pamdɛn ë cäm ee wïn ëdɛ̈p, ku ye kë bï keek aa dɔm, Ayï kë bï keek tɔ kɔ̈th, ayï këdɛn tuc bïk yök!

1 Kor 1:23

ku wook, wok guiir Kërtho, raan cï piäät ë tim cï rïïu nɔm kɔ̈u, tëde Judai, ee kë ye kɔc tɔ kɔ̈th, ku tëde Girikii ee këɣɔ̈ric,

Nyöŋ 13:3

duökï wël ee tiëtë gam taitai. Acïï Bɛ̈nydït Nhialicdun keek tɔ ee ka bïï ë week them, ago ë Bɛ̈nydït ŋic na nhiaarkï ë wepiɔ̈ɔ̈th ëbɛ̈n.

Ɣeberuu 10:38

Kɔckiën cï tɔ ye kɔc piɛthpiɔ̈ɔ̈th në gäm, abïk pïïr në gäm. Ku kɔc lɔ dɔk ciëën Yɛn cïï piɔ̈u bï miɛt wo keek.”

Ɣeberuu 13:17

Yak kɔc nu ë wenïïm piŋ thook, ku luöikï në kë cïk lɛ̈k week, acïkï ee bäp në luɔi ye kek cool ke ke kïït kake wëi në biäkdun, në kë yen luɔi cïï Nhialic tääu në keyiëth bïk dhil looi, yen ya wek ke tɔ lui në miɛtëpiɔ̈u ee yen aŋuän. Ku na lak ke tɔ jieth piɔ̈ɔ̈th në luɔidenic, eeŋö bïk bɛ kuöny week?

1 Pet 2:8

Ku lueel ë këcïgɔ̈ɔ̈r däŋ an, “Kënë ee Kuur ee kɔc kɔ̈th ë ye, ku ye kuurdït ee kɔc tɔ wiëëk. Kɔc ee kɔ̈th ë jam, në reec ee kek wël rɛɛc gam: këdɛn cï mɛk keek kï.”

1 Jɔn 2:19

Aake jël ë woyiic, ku aake cïï raan në wook: të ë ke raan në wook, adï ŋootkï ke ke rɛ̈ɛ̈r në wook: ë luɔi bï kek lɔ gɔk nɔn ë cïï kek raan në wook keek kedhie, en aa jël kek.