Edhekiɛl 3:15 - JAM DE NHIALIC 2011

¹⁵ Guɔ bɛ̈n Tel Abib në Kiir de Cebar yɔu, të wään rëër ë kɔc cï lɛɛr piny lei thïn, guɔ rëër ëtɛ̈ɛ̈n në nin kadhorou, ke ya cï nɔm mum në ka cä tiŋ ku ka cä piŋ.

Edhekiɛl 3:15 ပူးပေါင်းရင်းမြစ်များ

Cäk 50:10

Na wën, alek ɣet të ye käŋ kɔ̈ɔ̈m, në wun cɔl Atat, nu në Jordan baŋ të lɔ aköl amiäk, ke ke dhiau arëët ëtɛ̈ɛ̈n. Nömkï të dït ke ke dhiau. Ago Jothep wun tɔ dhiëëuwë në nïn kadhorou.

Jop 2:13

Agokï rëër në yen piny në nïn kadhorou, ke cïn raan jam ke yen, në luɔi ë cï kek këde tïŋ ke ye gök de tɔ̈ɔ̈k.

Diɛt 137:1

Wok aake rɛ̈ɛ̈r në kiɛɛr ke Babilon yɔu, goku dhiau, wën cï wok Dhiɔn tak.

Jeremia 23:9

Piɔ̈ndï acï dhuɔɔŋ, ku yɛn lɛthë. Në biäk de Bɛ̈nydït, ku në biäk de Jamdɛn ɣeric, yɛn cï ciët raan cï wiɛɛt, raan cï dek ë mɔ̈u arëët.

Edhekiɛl 1:1

Në kööl de dhïc, në pɛɛi de ŋuan, në ruöön ye run ke pɛ̈c thiëër ku diäk, yɛn Edhekiɛl wën de Budhi, bɛ̈ny de kake Nhialic, yɛn aa rɛ̈ɛ̈r wo kɔc ke Judai cï peec në Kiir de Cebar thok piny de Babilon. Go paan nhial rɔt liep ku tiëŋ nyuuth de Nhialic.

Edhekiɛl 1:3

Na wën ke jam de Bɛ̈nydït ë bɔ̈ tëde Edhekiɛl bɛ̈ny de kakë Nhialic, wën de Budhi, paan de Babilon në kiir de Cebar yɔu, ku ciin de Bɛ̈nydït aa tɔ̈u kekë yen.

Edhekiɛl 10:15

(Kek aaye cerubiim kït në ka wään cä ke kɔn tïŋ në kiir de Cebar yɔu.) Na jɔt cerubiim rö nhial ë yomic,

Edhekiɛl 3:23

Guɔ lɔ biic në riaaŋic, ku dhuëëŋ de Bɛ̈nydït tïŋ ëtɛ̈ɛ̈n, cït man ɣɔn cän ye kɔn tïŋ në Kiir de Cebar yɔu. Guɔ wïïk ke ya gut yanɔm piny,

Edhekiɛl 43:3

Yen ë nyuuthë acït kë wään bä kɔn tïŋ, wään bïï Nhialic Jeruthalem bɛ̈n riɔ̈ɔ̈k, ku cït kë wään tiëŋ në kiir de Cebar yɔu. Na wën ke ya cuɛt rɔt piny ke ya gut yanɔm piny.

Ɣabakuk 3:16

Yɛn ëbɛ̈n lath yäc wën piɛŋ ɛn ee kënë ëbɛ̈n, yɛn cï bɛ̈n lath röl në riɔ̈ɔ̈c. Guɔ guöp lɔ bath, ku lɛthë yacök të wën kääc ɛn. Yɛn bï tïït ë lik në bɛ̈n bïï ë kööl bïï ë Nhialic kɔc ee wook mak bɛ̈n luöi këtuc.