Edhekiɛl 29:3 - JAM DE NHIALIC 2011

³ Luel an kë lëkë Bɛ̈nydït Awärjäŋ melik de Rip kï: yïn ee raan aterdï, yïn ŋuäldït nyaŋ, dhɔt në pïïuwiic. Acï lueel an ye Kiir këdu, ku ee yïn ë loi en.

Edhekiɛl 29:3 ပူးပေါင်းရင်းမြစ်များ

Diɛt 68:30

Ŋɛ̈nyë Rip, yen län roor cï thiaan aguötic, ŋɛ̈nyë juöör ril cït miöör cï miɔ̈l, agut të bï kek kenïïm guöt piny ku miɔckï Yïn në ateekken. Thiäiyë kɔc nhiaar tɔŋ piny.

Diɛt 76:7

Ku Yïn Nhialic, Yïn ye kɔc riɔ̈ɔ̈c kedhie. Acïn raan duëër kɔ̈ɔ̈c në Yïlɔ̈ɔ̈m të cïï Yïn gɔ̈th.

Yith 27:1

Në ëköölë Bɛ̈nydït abï abätäudɛn ril de näk nööm ku lui En ŋuäl dït këtuc, yen kërɛɛc lɔ dɔkdɔk, ë duëër päär. Abï ŋuäl dïït ceŋ wɛ̈ɛ̈r nɔ̈k.

Yith 51:9

Pääcë Bɛ̈nydït ku luäk wook! Loi riɛldu ku kony wo, loi cït man ɣɔn looi yïn en ɣɔn thɛɛr. Aa ye yïn ë tem ŋuäldït Raɣab de wɛ̈ɛ̈r në thïïm.

Jeremia 44:30

Yɛn bï Ɣopra melik de Rip gäm kɔc de ater në yen, ku abä gäm kɔc kɔɔr bïk yen nɔ̈k, cït man wään cän Dhedekia melik de Juda gäm Nebukadnedhar melik de Babilonia, aaye raan de aterde ku aa kɔɔr bï yen nɔ̈k.”

Edhekiɛl 28:2

“Mɛnh ë raan, lɛ̈kë melik de Tayer, kë lɛ̈k en yɛn Bɛ̈nydït Awärjäŋ: yïn cï rɔt gap nhial në lɛc ku ye lueel an ye yath. Aye lueel an cï nyuc në thöny cï tuɔɔk ë wɛ̈ɛ̈r cï yath. Yïn duëër rɔt kac an ye yath, ku ei, yïn ee raan, yïn cie tɔ̈u athɛɛr.

Edhekiɛl 28:22

lɛ̈kë kɔc tɔ̈u ëtɛ̈ɛ̈n, kë luɛɛl në biäkden yɛn Bɛ̈nydït Awärjäŋ: yɛn ee raan de aterdun, Thidon, kɔc abïk yɛn piɔɔny në biäk de kë luöi week. Abïk ŋic nɔn ee yɛn Bɛ̈nydït, të la yɛn luɔi ɣɛɛr yɛn yic nyuɔɔth, ë luɔi bän kɔc nu në yïyic luöi këtuc.

Edhekiɛl 30:12

Yɛn bï Kiir tɔ dëu abïï yic riɛl, ku tääu Rip në kɔc rac cin. Alɛi abïk baai riɔ̈ɔ̈k ëbɛ̈n. Acä lueel Yɛn Bɛ̈nydït.”

Edhekiɛl 30:22

Ënɔɔnë, kë luɛɛl kï Yɛn Bɛ̈nydït Awärjäŋ: Yɛn ee Raan de ater wo melik de Rip. Yɛn bï kɔ̈kkë lɔ dhoŋ kedhie, köŋ piɛth ku köŋ wään cï kɔn dhuɔɔŋ, ku abätäu löny në yeciin.

Edhekiɛl 32:2

“Mɛnh ë raan, jäny melik de Rip aläldïïtë. lɛ̈kë ee jamdiënë: yïn ee käŋ looi cï köör në juöör yiic, ku yïn cït nyaŋ ee bok kiir. Yïn ee pïïu tup nyïïn në yïcök abï pïïu ke kiɛɛr tuööp.

Danyel 4:27

Në biäk de ee kënë, yïn melik, kuany löŋdï cök, päl kërac ku loi kake piathëpiɔ̈u, ku ye piɔ̈u kok wekë kɔc kuanynyïïn. Yen abïï yïn ceŋ ke yï kueth.

Amoth 6:13

Wek ee röt lɛɛc në luɔi cä wek pänydït de Lodebar peec, ku lɛckï wenïïm an, ë we rum Karnaim në riɛldun. Yïn ee rɔt lɛɛc, “Wok aake ril buk Karnaim nööm.”

Naɣum 1:6

Eeŋa duëër agönhde guum? Eeŋa duëër abiɔ̈r de ŋeenyde lëu në guöm? Ee agönhde luööŋ piny cït man ë mac, ku kur ayek röt mot në Yenɔm.

Nyöŋ 8:17

Ka duökï ee tak nɔn cä wek röt tɔ kueth në riɛldun ku aŋoŋdun wapäc.

Nyuuth 13:11

Na wën, ke ya tïŋ lɛ̈n rɛɛc däŋ ke bɔ̈ bei piny, ku ciɛth ke tuŋ kaarou cït nyɔŋamääl, ku ye jam cït man ë ŋuäl.

Nyuuth 13:2

Ku lɛ̈n rɛɛc wën cä tïŋ acït guöp kuac, ku cït cök lɛ̈ndïït rɛɛc cɔl köörayuääl, ku cït thok köör: ku ye ŋuäldït en aa gëm en riɛlde, ku thöönyde, ku bɛ̈ɛ̈nydɛndït cath ke ye.

Nyuuth 13:4

agokï ŋuäl lam, ŋuäl cï lɛ̈n rac gäm riɛlde, ku lamkï lɛ̈n rac, luelkï, an, “Eeŋa kït kekë lɛ̈n rac? Ku ye ŋa duëër biök ke ye?”

Nyuuth 16:13

Na wën, ke ya tïŋ atïptïïp col kadiäk, cït gup aguek, ke ke bɔ̈ bei ë ŋuäl thok, ku lɛ̈n rac thok, ku tiët alueeth thok:

Nyuuth 20:2

Bï ku dɔm ŋuäldït, kërɛɛc thɛɛr, yen aye Jɔŋdït Rac, ku ye Catan, go rek thöl agum de run ke mac,