Edhekiɛl 28:7 - JAM DE NHIALIC 2011

⁷ Yɛn bï alɛi yiɛ̈n week, juöör rac aläl abïk we mak. Abïk kapiɛthkuön cäk yök në pɛlënɔmdun ku tëëtdun riɔ̈ɔ̈k në abätɛ̈ɛ̈u.

Edhekiɛl 28:7 ပူးပေါင်းရင်းမြစ်များ

Diɛt 89:44

Yïn cï thienydɛn ë bääny bɛ̈ɛ̈i bei në yeciin, ku dɛɛnyë bäänyde piny.

Edhekiɛl 28:17

Yïn aaye rɔt lɛɛc në dikdu, ku kɛkdu acï yïn tɔ loi rɔt cï raan piɔlpiɔ̈u. Në biäk ee kënë yïn cä cuat piny ku nyääŋ yïn piny ke yï ye kë bï meliik kɔ̈k jɔ̈ɔ̈ny.

Edhekiɛl 30:10

Acïï Bɛ̈nydït Awärjäŋ lueel an, “Yɛn bï Nebukadnedhar melik de Babilonia luööi, ago kuɛth de Rip thöl.

Edhekiɛl 30:11

Yen kekë remdɛn cïn piɔ̈u ë juööriic, abïk bɛ̈n bïk piny bɛ̈n riɔ̈ɔ̈k. Abïk Rip mak në abätɛ̈ɛ̈u, ku piny abï thiäŋ ke gup ke kɔc cï thou.

Edhekiɛl 31:12

Abï alɛi cïn piɔ̈ɔ̈th yiɛp piny ku nyiëëŋkï piny. Kërkɛn cï dhuɔɔŋ ku yïthke abïk lööny në kur nïïm ku wɛ̈k yiic në baai yic ëbɛ̈n. Juöör ɣɔn rɛ̈ɛ̈r në atïmde yic kedhie abïk jäl.

Edhekiɛl 32:12

Yɛn bï rem de tɔŋ de juöör ee kɔc kuur tɔ wëëth abätɛ̈ɛ̈uken bei ku nɛ̈kkï kɔcku kedhie. Kɔcku kedhie ku kakuön ya wek röt leec abï keek riɔ̈ɔ̈k.

Edhekiɛl 7:24

Yɛn bï juöör rac arëët bɛ̈ɛ̈i ëtënë ku ta ke nöm ɣöötkun. Kɔckuön ril abïk ciën aŋäth të lan ɣäänkuön ɣeriic bɛ̈n riɔ̈ɔ̈k.

Danyel 7:7

7 Ku të wën jɔ yɛn daai, go lɛ̈n ë ŋuan tïc. Aril ëtör, ku ee gök de gäi, ku ee këde riɔ̈ɔ̈c. Në leckɛn dït ke wëëth aye yen ka cï tiaam kuem, ku jɔ ke dum ë yecök. Acïï cït läi kɔ̈kkë ade nɔm tuŋ kathiëër.

Amoth 3:6

Të cïï kaaŋ de tɔŋ kooth, cïï kɔc ke pänydït ee päu? Duëër pänydït riääk, ke cie Bɛ̈nydït Yen ee yen bɛ̈ɛ̈i?