Edhekiɛl 28:4 - JAM DE NHIALIC 2011

⁴ Pɛlënɔmdu ku tëëtdu acïk yïn tɔ ee raan kueth në kajuëc ke adhääp, ku ateek.

Edhekiɛl 28:4 ပူးပေါင်းရင်းမြစ်များ

Kɛ̈ŋ 18:11

Kajuëc ke raan kueth ayek könde, acïn kë duëër en yök.

Wɛ̈ɛ̈t 9:11

Ku yɛn cï rɔt puk guɔ këdäŋ tïŋ ë piny nɔm, acie raan ŋic kat yen ee tiam aköölnyïïn, acie jööt kek ee tɔŋ tiaam aköölnyïïn, acie kɔc pelnïïm kek ee këcam yök aköölnyïïn, acie kɔc tiëër nïïm kek ee kuɛth aköölnyïïn, acie kɔc ŋic käŋ kek ee miɛtëpiɔ̈u yök tëde kɔc aköölnyïïn. Piäl ë guöp ee këde raan ëbɛ̈n.

Yith 10:13

Melik de Athiriya aɣɛ̈ɛ̈c yenɔm an, “Ee köŋdï yen ë loi yen ëbɛ̈n. Yɛn ril ku pɛl nɔm ku ŋiɛc käŋ. Yɛn cï akɛɛth nu ë kɛm ke juöör nyaai ku nääm kajuëc cïk kuɛ̈t röt. Yɛn ee cath ë kɔc tɔ̈u ëtɛ̈ɛ̈n kɔ̈ɔ̈th cït man ë thɔn.

Jeremia 49:4

Wek ee kɔc cie adööt, eeŋö ya wek röt lɛɛc? Riɛldun awiɛ̈ɛ̈k. Eeŋö ya wek riɛldun ŋɔ̈ɔ̈th, ku yak lueel an cïn raan bï we mak?

Edhekiɛl 27:33

Të ye kakuön yak ɣaac lɔ në wuöt biic yiic, Wek ee ka kɔɔr ë juöör ëbɛ̈n gäm keek. Meliik acï ke tɔ kueth në kuɛth de kakun.

Edhekiɛl 29:3

Luel an kë lëkë Bɛ̈nydït Awärjäŋ melik de Rip kï: yïn ee raan aterdï, yïn ŋuäldït nyaŋ, dhɔt në pïïuwiic. Acï lueel an ye Kiir këdu, ku ee yïn ë loi en.

Danyel 5:11

Ade raan nu ë ciɛɛŋdu yic, raan tɔ̈u ë wëi ke Nhialic ɣeric në yen. Wään ye wuur melik, raanë acï ŋïnydekäŋ ku pɛlënɔm piɛth nyuɔɔth, pɛlënɔm cït këde yiëth. Ku melik Nebukadnedhar, wuur, ke yen, wään ye wuur melik, raanë acï wël piɛth bɛ̈n nyooth, ku ŋïnydekäŋ ku pɛlënɔm cït pɛlënɔm de yiëth, ku acïï wuur melik Nebukadnedhar bɛ̈n tɔ ye bɛ̈ny de kɔc ee thuëth, ku kɔc ee cɔ̈ɔ̈r, ku kɔc ee lam, ku kɔc ee meek.

Ɣabakuk 1:16

Na lë, ke ke jɔ boiken lam, ku nyupkï keek miɔ̈c ë wɛ̈ɛ̈l ŋïr, ku lueelkï an, “Kek ë boikë, ayek yiëth ee kek tɔ wo kueth.