Edhekiɛl 28:26 - JAM DE NHIALIC 2011

²⁶ Abïk rëër ëtɛ̈ɛ̈n ke cïn kë yök keek. Abïk ɣööt yïk ku comkï tiimkɛn ke enap. Yɛn bï kɔc thiääk në keek luöi këtuc, kɔc ee keek luööi arac, ku Yithriɛl abï rëër ë dïu. Ëtɛ̈ɛ̈n abïk jɔ ŋic nɔn ee yɛn Bɛ̈nydït Nhialicden.”

Edhekiɛl 28:26 ပူးပေါင်းရင်းမြစ်များ

1 Mel 4:25

Në kaam ɣɔn pïïr ë Tholomon, Juda ëbɛ̈n, ku Yithriɛl aa rɛ̈ɛ̈r ë mätic ku cïn riɔ̈ɔ̈c. Gɔl në Dan ɣeet Biirceba, baai tök ee nɔm dɛ dom ë tiim ke ŋaapde.

Diɛt 149:9

bïk juöör luöi këtuc cït man cï ë Nhialic ye lueel. Kënë ee tiëm de kɔc ke Nhialic. Lɛckï Bɛ̈nydït!

Bɛ̈n 29:46

Ku abïk Ɛn jɔ ŋic nɔn Yan Bɛ̈nydït Nhialicdɛn wään bïï ke bei paan ë Rip, ka abïk Ɛn tɔ rɛ̈ɛ̈r në keyiic. Ee Yɛn aye Bɛ̈nydït Nhialicden.

Kɛ̈ŋ 14:26

Riëëu de Bɛ̈nydït aa ŋäth ril ëtör tëde raan kekë mïthke.

Yith 17:14

Thëën ayek riɔ̈ɔ̈c tɔ loi rɔt, ku miäk rial acïk jäl. Kënë ee yen ee täu ë raan ëbɛ̈n, raan yak pinyda.

Yith 33:1

Amawoou në kɔc ke aterda! Wek ee käŋ riɔ̈ɔ̈k ku wek kënë ë riɔ̈ɔ̈k, wek ee käŋ rum ku wek kënë ë rum. Ku aköölkuön ke rum de käŋ ku riäk de käŋ abï thök, ku keek gupken abïï keek bɛ rum ku riäk keek.

Jeremia 12:14

Aye Bɛ̈nydït lueel an, “Ade kë bä lueel në biäk ë kɔc thiääk ë Yithriɛl, kɔc cï piny wään bä gäm kɔckiën ë Yithriɛl riɔ̈ɔ̈k. Yɛn bï ee karɛckë jɔt ë piinyken yiic, cït man ye wal piith, ku Yɛn bï Juda luök ë kecin.

Jeremia 29:28

Abï dhil tɔ kääc, në biäk cï yen kɔc nu ë Babilonia yɔ̈ɔ̈k nɔn bï kek ŋoot ke ke mac kaam bäär, ku abïk ɣööt dhil yïk, ku ɣɛpkï, ku comkï duum, ku ciɛmkï këdɛn cïk com.”

Jeremia 30:16

Ku ë nɔɔnë kɔc ee week rum, abïï keek rum, ku kɔc ke aterdun kedhie abïï keek jɔt ke ke mac. Kɔc ee week yɔŋ kedhie abïï keek yɔŋ, ku ee we peec abïï keek peec.

Jeremia 32:15

Acïï Bɛ̈nydït de rɛm, Nhialic de Yithriɛl lueel an, ɣööt ku duum, ku duum ke tiim abïï keek bɛ nyɔk ë ɣɔ̈ɔ̈c ee pinyë.”

Jeremia 32:37

Yɛn bï kɔc lɔ määt yiic ë juööriic ëbɛ̈n të wään cän ke thiäi thïn në agönhdï kekë diu de piɔ̈u, ku abä keek lɔ bɛ̈ɛ̈i ciëën ee tënë ku abä keek tɔ rɛ̈ɛ̈r eenë ë läŋ.

Jeremia 32:43

Aye kɔc lueel an pinyë abï ciët jɔ̈ɔ̈r të cïn kɔc ku läi ee ceŋ thïn, ku an bïï gäm kɔc ke Babilonia. Ku duum abïï ke bɛ aa ɣɔɔc thïn.

Jeremia 33:16

Kɔc ke Juda ku Jeruthalem abïï keek kony ku abïk rëër ë läŋ. Pänydït abï cɔɔl an, ‘Bɛ̈nydït ee piathëpiɔ̈nda.’

Dhiëëu 1:8

Jeruthalem acï rɔt riɔk në kërac. Dhuëëŋ de acï jäl, acïn kɔ̈u lupɔ ku aye dɔl guöp. Ee teer ku ee ye nyin kum në ayäär.

Edhekiɛl 28:22

lɛ̈kë kɔc tɔ̈u ëtɛ̈ɛ̈n, kë luɛɛl në biäkden yɛn Bɛ̈nydït Awärjäŋ: yɛn ee raan de aterdun, Thidon, kɔc abïk yɛn piɔɔny në biäk de kë luöi week. Abïk ŋic nɔn ee yɛn Bɛ̈nydït, të la yɛn luɔi ɣɛɛr yɛn yic nyuɔɔth, ë luɔi bän kɔc nu në yïyic luöi këtuc.

Edhekiɛl 28:24

Go Bɛ̈nydït lueel an, “Acïn jur tök në juöör thiääk ë baai de Yithriɛl bï ke luööi arac, ku bï bɛ ciët kou ku thil ke lui keek bɔ̈t. Ku abïk jɔ ŋic nɔn ee yɛn Bɛ̈nydït Awärjäŋ.”

Edhekiɛl 34:14

Abä ke tɔ nyuäth ke ke cïn riɔ̈ɔ̈c në kur nïïm të piɛth cï päl keek ke ye tëde nyuäth, në wɛ̈k yiic ku në ɣään tɔ̈c ke piny de Yithriɛl yiic ëbɛ̈n.

Edhekiɛl 34:31

Aye Bɛ̈nydït Awärjäŋ lueel an. “Wek, amɛ̈lkï, luny ya cääm, wek ee kɔckï, ku yɛn ee Nhialicden.

Edhekiɛl 36:9

Yɛn tɔ̈u në biäkdun, ku abä dhil tïŋ ë gɔk nɔn bïï pinydun bɛ puur ka kɔ̈th abïï ke com ëtɛ̈ɛ̈n.

Edhekiɛl 38:11

Yïn bï piny cïn riɛl lɔ peec, të rëër ë kɔc në mät ku cïn riɔ̈ɔ̈c, bɛ̈i cïn nïïm kɛ̈l ku cïn thook cï gël.

Edhekiɛl 38:8

Të lee run juëc wan abä yɔ̈ɔ̈k bïï baai lɔ peec, të wään cï ë kɔc bɛ̈ɛ̈i ciëën tëtök, në juöör juëc yiic ku rëërkï ke cïn riɔ̈ɔ̈c de tɔŋ. Abï kur ke Yithriɛl peec, kur wään cï nyääŋ piny ɣɔn thɛɛr, ku ënɔɔnë kac arëërkï ke ke cïn riɔ̈ɔ̈c.

Edhekiɛl 39:10

Acïkï bï bɛ aa kuany në tiim ë duum yiic, ku nɔn yep kek tiim në ruɔɔr yiic, në biäk bïï kek dɛ dhɛ̈ŋ juëc bïï kek mac aa dɛ̈ɛ̈p. Abïk kɔc wään cï keek rum ku yakkï keek bɛ rum ku yakkï keek.” Acïï Bɛ̈nydït Awärjäŋ lueel.

Ɣodh 11:11

Abïk dap bɛ̈n ciëën paan ë Rip cït diɛt pär, ku dapkï bɛ̈n ciëën në Athiriya cït guuk ŋic wut. Ku abä keek dɔ̈k nïïm paanden. Ee Yɛn Bɛ̈nydït Yɛn ë luel ee kënë.

Ɣodh 2:15

Ku Yɛn bï wak de Akor puk aye kueer de aŋäth. Yithriɛl abä puɔ̈k nɔm duumkɛn ke tiim. Ka Yithriɛl abï piɔ̈u bɛ miɛt ke Yɛn cït man ɣɔn yen meth, në akööl ɣɔn bɛ̈ɛ̈i Yɛn en bei paan ë Rip.

Ɣodh 2:18

Ku ëtɛ̈ɛ̈n, Yɛn bï mät looi wokë läi roor, ku diɛt, ku ka ee mol piny, në biäk cïï kek kɔckï bï bɛ luöi kërac. Ku këriëëc de tɔŋ ëbɛ̈n, abä ke nyaai pinyden: abätäu, ayï dhaŋ abïk liu, ke kɔckï ë ke bï tɔ̈c ë läŋ kedhie.

Ɣabakuk 2:8

Wek cï kɔc juëc ke juöör peec, kɔc cï döŋ apïr abïk week bɛ peec ayadäŋ. Në biäk cä wek kɔc nɔ̈k, ku kuörkï juöör ke pɛ̈ɛ̈nydït ke pinynɔm ëbɛ̈n.

Dhek 1:15

ku yɛn diu piɔ̈u wokë juöör rɛ̈ɛ̈r ë läŋ. Yɛn aacï piɔ̈u diu ë määth, ku acïk agönhdï jɔ ŋuak nyin.

Nyöŋ 12:10

Të la wek wɛ̈ɛ̈r de Jordan teem Bɛ̈nydït abï week tɔ nöm piny ku rɛ̈ɛ̈rkï ëtɛ̈ɛ̈n. Abï week kony në kɔc ke aterdun tɔ̈u ë welɔ̈m. Ku abï we gäm mät.