Edhekiɛl 28:25 - JAM DE NHIALIC 2011

²⁵ Acïï Bɛ̈nydït Awärjäŋ lueel an, “Yɛn bï baai de Yithriɛl bɛ̈ɛ̈i ciëën në juöör wään cän keek thiäi thïn, ku abï juöör ëbɛ̈n ŋic nɔn ɣɛɛr yɛn yic. Ku abïk jɔ rëër pinyden, piny ɣɔn cä gäm awundiën Jakop.

Edhekiɛl 28:25 ပူးပေါင်းရင်းမြစ်များ

Diɛt 106:47

Kony wook, Bɛ̈nydït Nhialinyda, ku bɛ̈ɛ̈iyë wook ciëën ë juöör yiic. Agoku piɔ̈ɔ̈th miɛt, ku buk rinkuön ɣeriic leec.

Yith 5:16

Ku Bɛ̈nydït de rɛm ë dïtde nyuɔɔth në luɔi yen yic looi, ku nyooth Nhialic ɣeric ɣɛɛr ë yicde në piathëpiɔ̈nde.

Jeremia 12:14

Aye Bɛ̈nydït lueel an, “Ade kë bä lueel në biäk ë kɔc thiääk ë Yithriɛl, kɔc cï piny wään bä gäm kɔckiën ë Yithriɛl riɔ̈ɔ̈k. Yɛn bï ee karɛckë jɔt ë piinyken yiic, cït man ye wal piith, ku Yɛn bï Juda luök ë kecin.

Jeremia 23:8

Abïk aa kuëëŋ ë Yɛn, Yɛn Nhialic Pïïr raan ë bïï baai de Yithriɛl bei piny nu të lɔ rut, ku raan ë bïï ke bei wuöt wään cän ke thiäi thïn kedhie. Ku abïk jɔ rëër pinyden.”

Jeremia 27:11

Ku jur ëbɛ̈n jur lɔ ciɛɛŋ de melik de Babilonia lɔ gam ku le luööi, abä tɔ rëër pinyde, ku bïï aa com, ku rëër ëtɛ̈ɛ̈n. Acä lueel, Yɛn Bɛ̈nydït.”

Jeremia 30:18

Aye Bɛ̈nydït lueel an, “Yɛn bï kɔckï pɔ̈k nïïm pinyden, ku ta yepiɔ̈u kok wokë ɣööt kedhie, Jeruthalem abï bɛ yïk, ku ɣön de bääny abï bɛ yïk.

Jeremia 32:37

Yɛn bï kɔc lɔ määt yiic ë juööriic ëbɛ̈n të wään cän ke thiäi thïn në agönhdï kekë diu de piɔ̈u, ku abä keek lɔ bɛ̈ɛ̈i ciëën ee tënë ku abä keek tɔ rɛ̈ɛ̈r eenë ë läŋ.

Edhekiɛl 11:17

“Ka yïn lɛ̈kë keek, kë luɛɛl yɛn Bɛ̈nydït Awärjäŋ. Abä keek määt yiic në piiny cän keek thiäi thïn, ku yɛn bï piny de Yithriɛl pɔ̈k nɔm keek.

Edhekiɛl 20:41

Ku të cän we bɛ̈ɛ̈i bei në wuöt wään cïï ë week thiäi thïn yiic, ku määt we yiic wedhie tëtök, yɛn bï miɔ̈cduön cï nyop gam, ku abïï juöör ëbɛ̈n tïŋ nɔn ɣɛɛr yɛn yic.

Edhekiɛl 28:22

lɛ̈kë kɔc tɔ̈u ëtɛ̈ɛ̈n, kë luɛɛl në biäkden yɛn Bɛ̈nydït Awärjäŋ: yɛn ee raan de aterdun, Thidon, kɔc abïk yɛn piɔɔny në biäk de kë luöi week. Abïk ŋic nɔn ee yɛn Bɛ̈nydït, të la yɛn luɔi ɣɛɛr yɛn yic nyuɔɔth, ë luɔi bän kɔc nu në yïyic luöi këtuc.

Edhekiɛl 34:13

Abä ke lɔ bɛ̈ɛ̈i bei në piiny ke alɛi yiic, ku määt ke yiic tëtök, ku ja ke pɔ̈k nïïm pinyden. Abä ke wat ciëën ku pɔ̈k kenïïm në kur nïïm ku në nyïïn ke pïïu ke piny de Yithriɛl yiic, ku cääm keek në ɣään ke wal piɛth.

Edhekiɛl 34:14

Abä ke tɔ nyuäth ke ke cïn riɔ̈ɔ̈c në kur nïïm të piɛth cï päl keek ke ye tëde nyuäth, në wɛ̈k yiic ku në ɣään tɔ̈c ke piny de Yithriɛl yiic ëbɛ̈n.

Edhekiɛl 34:27

Tiim abïk luɔk ë mïth, ku duum abïk luɔk në rap, ka raan ëbɛ̈n abï rëër ke cïn kë riɔ̈ɔ̈c en pinyde. Të lan kuat rek ë kɔckï tueny, gäm ke nɔm lääu tëde kɔc cï keek tɔ ee lïïm, ëtɛ̈ɛ̈n abïk jɔ ŋic nɔn ee Yɛn Bɛ̈nydït.

Edhekiɛl 36:28

Ku ëtɛ̈ɛ̈n we bï jɔ rëër piny cä gäm kuarkun,. Wek bï aa kɔckï, ku Yɛn bï ya Nhialicdun.

Edhekiɛl 37:21

Ku lɛ̈kë keek an, Yɛn Bɛ̈nydït Awärjäŋ, Yɛn bï kɔckï lɔ bɛ̈ɛ̈i bei kedhie në juöör wään cïï kek lɔ thïn, ku määt ke yiic tëtök, ku pɔ̈k kenïïm ciëën pinyden.

Edhekiɛl 37:25

Abïk rëër piny wään cä gäm awundï Jakop, të ɣɔn rëër ë kuarken. Abïk rëër ëtɛ̈ɛ̈n aɣet athɛɛr, ku yen ee täu bïï mïthken ku kuatden ëbɛ̈n tɔ̈u. Melik cït awundiën Debid abï ke cieŋ aɣet athɛɛr.

Edhekiɛl 38:23

Në ye kueerë abä jɔ nyuöth juöör ëbɛ̈n, luɔi diëët Ɛn, ku ɣɛɛr yic. Abïk jɔ ŋic ëtɛ̈ɛ̈n nɔn ee Yɛn Bɛ̈nydït.”

Edhekiɛl 39:27

Në luɔi bän ye nyuöth juöör juëc nɔn ɣeer Yɛn yic, Yɛn bï kɔckï bɛ̈ɛ̈i ciëën në wuöt yiic ëbɛ̈n wuöt cieŋ ë kɔc ke aterden.

Ɣodh 1:11

Ku kɔc ke Yithriɛl abïk bɛ mat në kɔc ke Juda, ku pukkï kenïïm pinyden. Ku abïk röt bɛ aa kuɛ̈ny bɛ̈ny tök. Ku akööl ke Yithriɛl abïk bɛ aa akööl lɔyum arëët.

Ɣodh 11:11

Abïk dap bɛ̈n ciëën paan ë Rip cït diɛt pär, ku dapkï bɛ̈n ciëën në Athiriya cït guuk ŋic wut. Ku abä keek dɔ̈k nïïm paanden. Ee Yɛn Bɛ̈nydït Yɛn ë luel ee kënë.

Ɣodh 2:15

Ku Yɛn bï wak de Akor puk aye kueer de aŋäth. Yithriɛl abä puɔ̈k nɔm duumkɛn ke tiim. Ka Yithriɛl abï piɔ̈u bɛ miɛt ke Yɛn cït man ɣɔn yen meth, në akööl ɣɔn bɛ̈ɛ̈i Yɛn en bei paan ë Rip.

Jowɛl 3:7

Ku ënɔɔnë, ala keek jɔt të ɣɔn cä wek keek ɣaac thïn. Ku kërɛɛc wään cäk luöi keek, abä bɛ luöi week ayadäŋ.