Edhekiɛl 28:23 - JAM DE NHIALIC 2011

²³ Yɛn bï jɔɔk tuöc week ku ta riɛm kuëër në kuɛɛrkun yiic. Yïn bï mak në ɣään kedhie, ku kɔcku abïï keek nɔ̈k. Ëtɛ̈ɛ̈n abäk jɔ ŋic nɔn ee yɛn Bɛ̈nydït.”

Edhekiɛl 28:23 ပူးပေါင်းရင်းမြစ်များ

Jeremia 15:2

Të ye kek yïn thiëëc ee tënou duëër kek lɔ thïn, lëkë keek nɔn cän e lueel an: Kɔ̈k acï ke gäm thon de jɔɔk, yen të bï kek lɔ thïn ka! Kɔ̈k acï ke gäm thon de abätäu, yen të bï kek lɔ thïn ka! Kɔ̈k acï ke gäm thon de cɔk, yen të bï kek lɔ thïn ka! Kɔ̈k acï ke gäm pɛ̈c bï ë ke peec, yen të bï kek lɔ thïn ka!

Jeremia 51:52

Ku aya lueel an, akööl abïkï akööl bän thɔ̈ɔ̈r wokë yiëth ke Babilonia, ku kɔc de gup bɔ̈ɔ̈t abïk yiic joor ë baai yic ëbɛ̈n.

Edhekiɛl 21:14

“Ënɔɔnë, mɛnh ë raan, cɔ̈ɔ̈r. Pam yïcin, ku abätäu abï näk ku be näk. Ee yen abätäu ee näk, abätäu ee kɔc riääc ku tem kɔc röt.

Edhekiɛl 21:16

Ee tɛɛm ciɛɛm ku cuëëc, yïn abätäu moth! Tem cïï yïn yïnɔm wɛl thïn ëbɛ̈n.

Edhekiɛl 25:11

Yɛn bï Mowap luöi këtuc, ka bïk ŋic nɔn ee yɛn Bɛ̈nydït.”

Edhekiɛl 25:17

Abä ke luöi këtuc aläl, ku guöör kakï në keek. Abïk agönhdï yök. Ku ëtɛ̈ɛ̈n abïk jɔ ŋic nɔn ee yɛn Bɛ̈nydït.”

Edhekiɛl 25:7

Në biäk de kë cäk looi, wek bä ke tääu në riɛl de juöör kɔ̈k cin, kɔc bï week rum ku yiɛkkï week. Wek bä riɔ̈ɔ̈k taitai, ka wek cïï bï bɛ aa jur, ku ciënkï piny de nɔmdun. Ëtɛ̈ɛ̈n abäk jɔ ŋic nɔn ee yɛn Bɛ̈nydït.”

Edhekiɛl 26:6

ku abïk kɔc nu në wuöt biic yiic nɔ̈k në abätɛ̈ɛ̈uken. Ëtɛ̈ɛ̈n, abï ë Tayer ŋic nɔn ee Yɛn Bɛ̈nydït.”

Edhekiɛl 30:4

Abï dɛk tɔŋ ë Rip. Ku diɛɛr dït në Ethiopia. Kɔc juëc abï ke nɔ̈k ë Rip, Baai abï yak yic ku nyiëëŋë piny kë cï riääk.

Edhekiɛl 32:30

“Wɛ̈ɛ̈t meliik ke piny të lɔ rut ka ëtɛ̈ɛ̈n kedhie, ayï kɔc ke Thidon. Riɛlden aacï kɔc kɔn riääc wään, ku ënɔɔnë acïk guɔ le piny ke ke cï gup yäär, në kɔc wään näk ë tɔŋic, ku acï ke tɔ lɔ̈ŋ, ke ke kënë cueel. Arɔmkï ayäär në kɔc wään cï lɔ piny paan ë thuɔɔu.

Edhekiɛl 38:22

Abä ke luöi këtuc në juäi ku kuëër de riɛm. Rel de deŋ ku deŋ kɔɔi, kedhie në mac ku thulpur, abïk röt wäl në yenɔm kekë remdɛn ë tɔŋ, ku rɛm ke tɔŋ ke juöör kɔ̈k tɔ̈u në biäkde.

Edhekiɛl 5:12

Biäk töŋ de diäk ë kɔckun abï thou në jɔk ku cɔk ë pänydïtic, ku thou biäk däŋ de diäk në abätäu biic në pänydït thok, ku biäk töŋ de diäk ciëën abä thiäi piny në ɣään ke yom kedhie, ku cuɔp keek në abätäu.

Edhekiɛl 5:17

Yɛn bï cɔk ku läi roor tuɔɔc lek mïthkun nɔ̈k, ku tuɔɔc juäi, ku akuöörkuöör, ku tɔɔŋ bïk we lɔ nɔ̈k. Acä lueel, Yɛn Bɛ̈nydït.”