Edhekiɛl 28:2 - JAM DE NHIALIC 2011

² “Mɛnh ë raan, lɛ̈kë melik de Tayer, kë lɛ̈k en yɛn Bɛ̈nydït Awärjäŋ: yïn cï rɔt gap nhial në lɛc ku ye lueel an ye yath. Aye lueel an cï nyuc në thöny cï tuɔɔk ë wɛ̈ɛ̈r cï yath. Yïn duëër rɔt kac an ye yath, ku ei, yïn ee raan, yïn cie tɔ̈u athɛɛr.

Edhekiɛl 28:2 ပူးပေါင်းရင်းမြစ်များ

Cäk 3:5

Aa lueel ë Nhialic aya, në luɔi ŋic En en an të la wek ë timë cam, wek bï ciët Nhialic. Wek bï këpiɛth ŋic ku ŋiɛckï kërac.”

2 Lëk 26:16

Na ɣɔn cï melik Yudhia rɔt yök ke cï riɛl, go rɔt lɛɛc, ku kënë acï yen bɛ̈n tɔ wiɛ̈ɛ̈k ë awäcic. Acï Luaŋdïït de Nhialicde riɔ̈ɔ̈k ago wal ŋïr lɔ nyop ë yïïŋ de nyum ë wal ŋïr nɔm.

Diɛt 9:20

Tɔ ke riɔ̈c Bɛ̈nydït, ku tɔ ŋic ë juöör nɔn ye kek kɔc tei.

Kɛ̈ŋ 16:18

Lɛc aye riääk kuany cök.

Kɛ̈ŋ 18:12

Lɛc ee riääk bɛ̈ɛ̈i, ku koor ë rɔt piny ee cath ke dhuëëŋ.

Yith 2:12

Në ee köölë Bɛ̈nydït de rɛm abï raan ril ëbɛ̈n kuɔɔr piny, kɔc ee ke nïïm ɣääc ëbɛ̈n ku yek lueth töör.

Yith 23:8

Eeŋa ë kïït luɔi bïï ee kënë lööny ë Tayer kɔ̈u, yen pänydïït ee käŋ ɣaac, ku bänyke dhuëëŋ gup ë piny nɔm?

Yith 31:3

Kɔc ke Rip acïkï ee yiëth, ayek kɔc tei. Ku jöŋgöörken acïnkï riɛl bɔ̈ nhial. Të le Bɛ̈nydït lɔ lui, ke jur ril abï kuɛɛm, ku jur kɔ̈c ye kony abï wïïk. Keek kedhie abï keek riɔ̈ɔ̈k.

Yith 47:8

“Piɛŋkï kënë, we kɔc nhiaar miɛt ë piɔ̈u, ayak tak nɔn cïï ë we kony ku luök we. Ayak lueel nɔn cä wek dït cït Nhialic, ku nɔn cïn en raan däŋ cït week. Aa ye tak nɔn cïï yïn duëër kɔn aa tiiŋ abaar, ku nɔn bä nuan në thon de mïthku.

Edhekiɛl 16:49

Yen ke duetke awänyden kï, aake ye röt lɛɛc në biäk de kek kajuëc camkï ku tɔ̈ukï në mätic ku rëër adïu, ku acïkï ee diɛɛr në kɔc kuanynyïïn ku kɔc cïn nïïm käŋ.

Edhekiɛl 26:17

Abïk yïn kɛ̈t din de dhiëëuwë: Pänydït de kɛk acï riɔ̈ɔ̈k! Abëëlkuön wïïr acï ke nap wei ë wɛ̈ɛ̈r yic. Kɔc ke ee pänydïïtë amackï wɛ̈ɛ̈r ku tɔkï kɔc rɛ̈ɛ̈r ë wɛ̈ɛ̈r thok ëbɛ̈n riɔ̈c.

Edhekiɛl 28:1

Go jam de Bɛ̈nydït bɛ̈n tëde yɛn an:

Edhekiɛl 28:17

Yïn aaye rɔt lɛɛc në dikdu, ku kɛkdu acï yïn tɔ loi rɔt cï raan piɔlpiɔ̈u. Në biäk ee kënë yïn cä cuat piny ku nyääŋ yïn piny ke yï ye kë bï meliik kɔ̈k jɔ̈ɔ̈ny.

Edhekiɛl 28:9

Të lee kek bɛ̈n bïk we bɛ̈n nɔ̈k, bäk bɛ ŋoot ke luɛl kï an ee yath? Të la wek kɔc näk we tïŋ, we bï aa kɔc tei ku we cïï bï bɛ aa ka tɔ̈u athɛɛr.

Edhekiɛl 29:3

Luel an kë lëkë Bɛ̈nydït Awärjäŋ melik de Rip kï: yïn ee raan aterdï, yïn ŋuäldït nyaŋ, dhɔt në pïïuwiic. Acï lueel an ye Kiir këdu, ku ee yïn ë loi en.

Edhekiɛl 29:9

Rip abï döŋ ke ye piny cïn yic kɔc. Ëtɛ̈ɛ̈n abäk jɔ ŋic nɔn ee yɛn Bɛ̈nydït. “Në biäk cïï yïn e lueel an ye Kiir këdu ku ee yïn ë loi yïn.

Edhekiɛl 31:10

“Ku ënɔɔnë, Yɛn Bɛ̈nydït Awärjäŋ, yïn bä lëk kë bï rɔt lɔ luöi ee tim cï dït abï jɔ ɣet ë luäät yiic. Të le yen ke dït ee lɔ ke dït nɔm,

Danyel 11:12

Abïï ë lɛc dɔm në biäk cï yen tiam, ku në baŋ de remdïït ë tɔŋ cï keek nɔ̈k, ku acïï tiëm cï yen tiam bï cuuth.

Danyel 11:36

“Ku melik de Thiriya abï lui cït man ë kë kɔɔr ë piɔ̈nde. Abï rɔt leec nɔn dïït en ë yiëth kɔ̈k awär Nhialic dït aya. Abï rɔt lɛɛc aya agut kööl bï Nhialic yen luöi këtuc. Ku Nhialic abï këdɛn cï kiëët looi ëdhöc tëde.

Danyel 11:37

Ku melik abï yiëth ye kuarken luööi pɔ̈l, ayï yanh ye diäär nhiaar. Abï yiëth ëbɛ̈n biɔɔn gup, në baŋ ee yen ye lueel an, wɛ̈ɛ̈r keek në dït.

Ɣabakuk 2:4

Ku jamkï an: ‘Kɔc ee karɛc looi acïkï bï pïïr, ku kɔc piɛthpiɔ̈ɔ̈th abïk pïïr në gäm gɛm kek Nhialic.’

Dhep 2:15

Yen kë ee rɔt looi ka tëde kɔc ee kenïïm ɣääc në riɛlden kapäc, ku yek tak an rëërkï në mätic, ayek ŋic an pänydïïtden, ee yen adït ë pinynɔm, ku yen abï ja aa wun cï riääk cieŋ ë läi roor! Ku raan ëbɛ̈n ee tëëk ë ye këc abïï aa geet ku lɛt ë yeciin.

Dhek 9:2

Ayï Ɣamath nu akeu nɔm ayadäŋ, ayï Tayer kekë Thidon, na cakaa nɔn pel kek nïïmë

Luk 14:9

ku jɔ raan ë cɔl week bɛ̈n, bï ku yöök yïn an, ‘Nyai, pätë raanë.’ Ke yïn bï jɔ yäär, ku jɔ lɔ nyuc këc ya.

Nyöŋ 8:14

takkï apiɛth luöi cä wek röt bï leec ku märkï nïïm ë Bɛ̈nydït Nhialicdun, Raan ë kony week ë Rip, të wään ya wek lïïm thïn.

2 Theth 2:4

Raan ee rɔt yiëk ater në ka cï tɔ ye Nhialic ku läm ëbɛ̈n, ayï ka riëëuwë, ku tɔ rɔt dït ë keek, ago rëër ë luaŋdïït ë Nhialic ke ye rɔt tɔ ye Nhialic guöp.

1 Tim 3:6

Acïï bï aa raan ë piac gam, ke cïï rɔt bï tɔ dït, ago wïïk në këracic kërɛɛc ee jɔŋdït rac wïïk thïn.

1 Pet 5:5

Ku week aya, wek kɔc kor, yak ka ke röördït piŋ. Yeka, week wedhie, yak wethook piëëŋ abäk kuur aa wek röt kuɔɔr piny cieŋ cït man ë lupɔ: Nhialic ee kɔc ee röt tɔ dït ŋɛ̈ny, ku ye kɔc ee röt kuɔɔr piny gäm dhuëëŋdepiɔ̈u.

Nyuuth 17:3

Go ya jɔt leer en ë jɔ̈ɔ̈ric në Wëidït: ku ja tik tïŋ ëtɛ̈ɛ̈n, ke rɛ̈ɛ̈r ë lɛ̈n rɛɛc thith kɔ̈u, lɛ̈n cï kɔ̈u thiäŋ ke rin ke lɛ̈ɛ̈t rac, ku ciɛth ke nïïm kadhorou, ku tuŋ kathiëër.

Nyuuth 18:7

Lɛc ee yen rɔt leec, ku kuɛth ee yen kuɛth ë kamit. Yen acït lɛ̈ŋ bä wek e leeŋ wëi ku dhiën bä wek e tɔ dhiau: Në luɛl ee yen e lueel ë yepiɔ̈u, an: ‘Yɛn rɛ̈ɛ̈r ke ya ye melik tik! Ku cä ye thuööm, ku yɛn cïï dhiëëu bï tïŋ anandï.”