Edhekiɛl 28:18 - JAM DE NHIALIC 2011

¹⁸ Yïn cï kërac looi, në ɣööc ku ɣɛɛc arëk abï ɣäänkuön ke läm riääk, Aguɔ pänydït ɣök mac ëbɛ̈n ku nyuɔp piny. Kɔc woi yïn kedhie ayek yïn tïŋ ke yï cï tɔ ye ŋeth.

Edhekiɛl 28:18 ပူးပေါင်းရင်းမြစ်များ

Yith 66:16

Në mac ku abätäu abï kɔc ke piny nɔm ëbɛ̈n luöi këtuc, kɔc bïï ke yök ke ke cï wäc, ku kɔc juëc abïï ke nɔ̈k.

Edhekiɛl 28:15

Luɔɔidu aa piɛth aläl wään ciɛkë yïn, agut cï të wään jɔ yïn karɛc gɔl në luɔi.

Edhekiɛl 28:16

Yïn aa lui ke yï ɣöc ku ye käŋ ɣaac, ku kënë acï yïn thɛl në akuöörkuöör yic ku kërac. Guɔ yïn cuɔp wei bä kuurdiën ë Nhialic nyääŋ piny, go tunynhial ee yïn gël yïn cuat wei në kur ke mac lɔ̈m.

Edhekiɛl 28:2

“Mɛnh ë raan, lɛ̈kë melik de Tayer, kë lɛ̈k en yɛn Bɛ̈nydït Awärjäŋ: yïn cï rɔt gap nhial në lɛc ku ye lueel an ye yath. Aye lueel an cï nyuc në thöny cï tuɔɔk ë wɛ̈ɛ̈r cï yath. Yïn duëër rɔt kac an ye yath, ku ei, yïn ee raan, yïn cie tɔ̈u athɛɛr.

Edhekiɛl 5:4

Na ëlë ke yï be kalik kɔ̈k bɛ̈ɛ̈i bei, cuat ë ke mɛɛc, ku tɔ ke dɛ̈p ëbɛ̈n. Në dëpden yic mac abï guɔ thiäi baai de Yithriɛl ëbɛ̈n.”

Amoth 1:14

Në biäk de ee kënë, Yɛn bï mac tuɔɔc Raba bï lɔ nyuɔp piny, ku nyop ɣään riilke piny. Ku ëtɛ̈ɛ̈n, abï dɛ awuɔɔu de tɔŋ, ku anuɔɔn de kööl amaŋdït.

Amoth 2:2

Në biäk de ee kënë, yɛn bï mac tuɔɔc Mowap le nyuɔp piny, ku nyop ɣään riilke piny në Kerioth. Ku kɔc ke Mowap abï keek tiaam, ku näk keek në awuɔɔu de tɔŋ, ku lɔ rem de tɔŋ ke ke kïïu, ku lɔ kaaŋ ke koth.

Amoth 2:5

Yɛn bï mac tuɔɔc Juda bï lɔ nyuɔp piny, ku nyuɔp ɣään riil ke Jeruthalem piny.

Dhek 9:4

Ku Bɛ̈nydït abï këriëëcde nyaai ëbɛ̈n. Abï këriëëc piɛthde wäl wïïr, ku nyop wut piny taitai.

Malakai 4:3

Piɛŋkï kë lueel ë Bɛ̈nydït de rɛm an, Kɔc ë karɛc looi abäk keek dum yiic në wecök në ee köölë. Abïk aa abuui tei në wecök kööl lan ee kakë looi.

Mak 8:36

Ku piathde akɔ̈u tëde raan, të ciɛm en piny nɔm ëbɛ̈n, ku mɛ̈ɛ̈r wëike?

2 Pet 2:6

Ku kuiith pɛ̈ɛ̈nydït Thɔdom ku Gomoora piny ë mac abïk aa ŋeth, guiir en löŋden, an, bïke dhuöör piny, ago ke tɔ ye kääŋ bï kɔc bɛ̈ɛ̈i nïïm, kɔc an, bïk Nhialic aa rɛɛc riëëu.

Nyuuth 18:8

Yen abï ka bï e riɔ̈ɔ̈k bɛ̈n ëkööl tök, thuɔɔu, ku dhiëëu, ku cɔŋdït. Ku abï lɔ kuith piny ë mac, luɔi rilë Bɛ̈nydït Nhialic Raan guiir löŋde.”

Bäny 9:15

Go but bɛ̈ɛ̈r an, ‘Na kaarkï ë yic në baŋ bän aa bɛ̈ny në wënïïm, bäkkï rɛ̈ɛ̈rkï në atïmdï yic. Ku na cäkkï bɔ̈, ke mac abï bɛ̈n bei ë ya yic, ku ciɛm tiim ke thidar ke Lebanɔn.’

Bäny 9:20

Ku na kɛ̈nkï yic looi, ke mac abï bɛ̈n bei tëde Abimelek ku ciɛm week, wek kɔc ke Cekem ku Bethmilo, ku bïï bei tëde week ciɛm Abimelek.”