Edhekiɛl 27:22 - JAM DE NHIALIC 2011

²² Në biäk de kakuön yak ɣaac, yen aye kɔc ke Ceba ku Raama ee käŋ ɣaac ke ɣɔɔc, ayek keek waar në adhääp, ku kuur läk, ku wal ŋïr.

Edhekiɛl 27:22 ပူးပေါင်းရင်းမြစ်များ

Cäk 10:7

Käu de Kuc ee yï Theba kekë Ɣabila, ku Thapta, ku Raama, ku Thabteka. Ku käu de Raama ee yï Ceba kekë Dedan.

Cäk 43:11

Ago wuönden lɛ̈k keek an, “Na ee täude ka, ke we nöm kapiɛth cï luɔk pinydanë, ku yiɛ̈nkï keek bɛ̈ny ë Rip ke ye miɔ̈cde. Nɔ̈mkï këthiin ë baam, ku nɔ̈mkï kiëc thiinakäŋ, ku lɔ adök, ku mer, ku mïth miit ke tim cɔl pithaaciyo, ku almon.

1 Lëk 1:9

Ku käu de Kuc ayek kɔc ke Theba, ku Ɣabila, ku Thapta, ku Raama, ku Thabteka. Ku käu de Raama ayek kɔc ke Ceba ku Dedan.

Diɛt 72:10

Meliik ke Tarcic kekë meliik ke tuöör, abïk miɔɔc në miɔ̈c, meliik ke Ceba kekë Theba, abïk yen yiɛ̈n miɔ̈c.

Diɛt 72:15

Yïn bï pïïr athɛɛr melik! Tɔ gëmë adhäm de Ceba, abï ya gäm lɔ̈ŋ aköölnyïïn ëbɛ̈n, ku athiɛɛi de Nhialic abï ya täu kekë yen aɣet athɛɛr!

Yith 60:6

Thɔ̈rɔ̈ɔ̈l juëc abïk bɛ̈n, piny de Midian ku Eepa. Ku abïk bɛ̈n në Ceba abïk bɛ̈n, ke ke muk adhɛ̈p ke ke bïï adhääp ku wal ŋïr. Kɔc abïk Bɛ̈nydït leec në biäk de kë cïï looi!

Edhekiɛl 23:42

Awuɔɔu de kɔc juëc aye piŋ, kuut de röör ë le keek bɛ̈ɛ̈i në jɔ̈ɔ̈ric. Acïk joth tääu në diäär kɔ̈k, ku tɛ̈ɛ̈ukï gööl läk në kenïïm.

Edhekiɛl 28:13

Yïn aa rɛ̈ɛ̈r në Eden, dom de Nhialic, ku cieŋ kur piɛth kith yiic: kɔi, ku daimon, ku thardiɔn, ku topadh, ku jathpi, ku kurithilo, ku beril, ku thapiro, ku emerald, ku garnet, ku onik de guët cï tɔc kɔ̈ɔ̈th në adhääp. Aake loi keek në kööl ë ciɛkë yïn.

Edhekiɛl 38:13

Kɔc ke Ceba ku Dedan ku kɔc ke bɛ̈i ke Tarcic ee käŋ ɣaac, abïk yïn aa thiëëc an, “Ee yï mɛ̈ɛ̈t remduön ë tɔŋic makë kɔc, në luɔi bï yïn rum ku yak kɔc? Ee yï kɔɔr bä adhɛ̈p, ku atek, ku kajuëc ku ɣɔ̈k yök, ku bä jɔ jäl wek ee kakë kedhie?”