Edhekiɛl 27:16 - JAM DE NHIALIC 2011

¹⁶ Kɔc ke Thiriya ayek kakuön yak ɣaac ku ka yak keek looi ɣɔɔc. Ayek emerald, ku lupɔɔ amujuŋ, ku lupɔ cï cuëëc, ku linɔn läk, ku guët, ku ajibɔɔ, ku aluluut ɣɔɔc tëde week wɛɛr kek kakun.

Edhekiɛl 27:16 ပူးပေါင်းရင်းမြစ်များ

Cäk 10:22

Mïth ke Cem ee yï Elam kekë Acuur ku Arapakad, ku Lud, ku Aram.

Cäk 28:5

Ago Yithaak Jakop tɔ lɔ Methopotamia, të nu Laban wën ë Bethwɛl, raan de Aram, mänhë Rebeka man Ethau kekë Jakop.

2 Tham 10:6

Go kɔc ke Ammon ŋic nɔn cïï kek Debid tɔ ye raan de aterden, agokï aguum kathiërrou de rem ë tɔŋ ë Thiriya tɔ̈u ë Bethreɣop riɔp, ku aguum kathiëër ku rou në Tɔp, ku lɔ melik de Maaka kekë agum töŋ de kɔc.

2 Tham 15:8

të wään rɛ̈ɛ̈r yɛn në Gecur ë Thiriya, aa cä lueel an na cï Bɛ̈nydït yɛn dak nɔm Jeruthalem, ke Yen abä lɔ lam në Ɣebron.”

2 Tham 8:5

Wään bï Thiriya tɔ̈u në Damathko ye them bïk Ɣadadedher melik de Dhoba lɔ kony, go Debid ye mak ku nɛ̈k bot kathiërrou ku rou 22,000 de kɔc.

Edhekiɛl 16:10

Ku gäm yïn lupɔ cï kɔɔc ë ciin, ku gäm yïn war piɛth ke dël, ku lupɔ piɛth lɔ mot bïï yïn yïnɔm kum, ku lupɔ lɔ bilbil.

Edhekiɛl 16:13

Ku yïn de nɔm joth ke adhääp ku ateek, ku yïn ee lupɔɔ cï cuëëc në alɛɛth ke lupɔ piɛth lɔ mot ku lupɔ lɔ riauriau cieŋ. Ku yïn ee cam në kuïn cï pam cï looi në aɣar lɛ̈k de yic miök de kiëc ku miök de olip. Dikdu aa riau, ago jɔ aa tiiŋ melik.

Edhekiɛl 16:18

Yïn cï lupɔɔ cï cuëëc wään cä gäm yïn nööm ku tääuwë keek në kakuön cï cuëëcë kɔ̈ɔ̈th, ku gämë keek miök de olip, ku wal ŋïr wään cä gäm yïn, ke ye miɔ̈c.

Edhekiɛl 16:57

ku wään kën ë karɛc yak looi kɔn nyuöth kɔc? Ënɔɔnë wek cï ciët yen, we ye bui gup në kɔc ke Edom, ku kɔc ke Pilithiin, ku kɔckuön kɔ̈k thiääk ë week, kɔc man week.

Edhekiɛl 28:13

Yïn aa rɛ̈ɛ̈r në Eden, dom de Nhialic, ku cieŋ kur piɛth kith yiic: kɔi, ku daimon, ku thardiɔn, ku topadh, ku jathpi, ku kurithilo, ku beril, ku thapiro, ku emerald, ku garnet, ku onik de guët cï tɔc kɔ̈ɔ̈th në adhääp. Aake loi keek në kööl ë ciɛkë yïn.

Bäny 10:6

Go kɔc ke Yithriɛl kërac bɛ looi në Bɛ̈nydït nyin. Acïk Baal kekë Acetaroth lam, ku yiëth ke Thiriya, ku yiëth ke Thidon, ku yiëth ke Mowap, ku yiëth ke kɔc ke Ammon, ku yiëth ke kɔc ke Pilithiin. Ku në luɔi cïï Yithriɛl Bɛ̈nydït puɔ̈l ku cïkkï be luööi.