Edhekiɛl 27:12 - JAM DE NHIALIC 2011

¹² “Yïn cï käŋ ɣaac në Tarcic ku nöm ateek, ku wëëth, ku ayöm, ku kuɛ̈l ke ye kë ɣɔɔcë kakuön juëc.

Edhekiɛl 27:12 ပူးပေါင်းရင်းမြစ်များ

Cäk 10:4

Ku käu de Yaban ee kek aye kɔc ke Eliica, ku Tarcic, ku Kitim ku Dodanim.

1 Mel 10:22

Ku melik ade nɔm abëël wïïr ke Tarcic në wɛ̈ɛ̈ric ee käŋ lɔ ɣaac raan tök të cï run kadiäk tëëk në abëël wïïr ke Ɣiram ëtök, ku të bï kek ciëën në abëël wïïr ke Tarcic ayek adhääp ku ateek, ku tuŋ ke akɔ̈ɔ̈n, ku agaŋ jak, ku agɔk lok bɛ̈ɛ̈i.

1 Mel 22:48

Jeɣocapat acï abëël wïïr dït ee lɔ Tarcic looi, abëël wïïr bï aa ɣet piny de Opir bïk adhääp aa lɔ bɛ̈ɛ̈i, ku abëël wïïr dït akënkï bɛ̈n ɣet, acïk bɛ̈n guɔ dhuɔɔŋ të cɔl Edhiongeber.

2 Lëk 9:21

Melik Tholomon aa de nɔm abëël wïïr juëc ee lɔ Tarcic, ayek cath në abëël wïïr ke melik Ɣiram. Na cï run kadiäk wan abëël wïïr ayek kenïïm pɔ̈k ciëën në Tarcic, ke ke bïï adhääp, ku atek, ku tuŋ ke akɔ̈ɔ̈n, ku agaŋ jak, ku agaŋ lok.

Diɛt 72:10

Meliik ke Tarcic kekë meliik ke tuöör, abïk miɔɔc në miɔ̈c, meliik ke Ceba kekë Theba, abïk yen yiɛ̈n miɔ̈c.

Yith 2:16

Ayï abëël wïïr dït läk ke Tarcic abï ke mou.

Yith 23:10

Lak cuɔmkï piny, wek kɔc nu ë Tarcic! Acïn raan bï we bɛ kony.

Yith 23:14

Dhuöörkï në dhiëëu, wek kɔc ke abëël wïïr ke Tarcic! Pänydïït ya wek röt kan ë riɔ̈ɔ̈k.

Yith 23:6

Dhuöörkï në dhiëëu, wek kɔc ke Ponicia! Themkï bäk kat ke we lɔ Tarcic!

Yith 60:9

Kek abëël wïïr ke Tarcic bɔ̈ piny mec abïïkï kɔc ke Nhialic baai. Abïïkï atek ku adhɛ̈p në keek ëtök bïï kek Bɛ̈nydït bɛ̈n dhuëëŋ guöp. Nhialic Ɣeric de Yithriɛl, Raan cï juöör ëbɛ̈n tɔ dhuëŋ kɔcke gup.

Jeremia 10:9

Yiëthken acï keek rɔɔth kɔ̈ɔ̈th në ateŋ ë Tarcic, ku adhäm ë Yupadh, ee luɔi de atëët ëbɛ̈n, aceŋkï lupɔ kääcduet ku lupɔ amujuŋ aake looi ë atën ee lupɔɔ kɔɔc.

Edhekiɛl 27:11

Rem de tɔŋ ëbɔ̈ në Arbad ayek pɛ̈ɛ̈nyku gël kɔ̈ɔ̈th, ku röör ëbɔ̈ në Gamad ayek ɣöötkuön bär gël. Ayek köötken kan në pɛ̈ɛ̈nykun kɔ̈ɔ̈th, acïk läkdu tɔ dikëdik.

Edhekiɛl 27:13

Yïn cï käŋ ɣaac në Girikii, ku Tubal, ku Mecek ku ɣaacë kaku në lïïm ku kak ë loi keek në maläŋ.

Edhekiɛl 27:16

Kɔc ke Thiriya ayek kakuön yak ɣaac ku ka yak keek looi ɣɔɔc. Ayek emerald, ku lupɔɔ amujuŋ, ku lupɔ cï cuëëc, ku linɔn läk, ku guët, ku ajibɔɔ, ku aluluut ɣɔɔc tëde week wɛɛr kek kakun.

Edhekiɛl 27:18

Kɔc ke Damathko ayek kakuön yak ɣaac ku kakuön yak looi ɣɔɔc në mɔ̈n yek bɛ̈ɛ̈i në Yudhal, ku nhïm ye bɛ̈ɛ̈i në Thaɣar.

Edhekiɛl 27:33

Të ye kakuön yak ɣaac lɔ në wuöt biic yiic, Wek ee ka kɔɔr ë juöör ëbɛ̈n gäm keek. Meliik acï ke tɔ kueth në kuɛth de kakun.

Edhekiɛl 28:16

Yïn aa lui ke yï ɣöc ku ye käŋ ɣaac, ku kënë acï yïn thɛl në akuöörkuöör yic ku kërac. Guɔ yïn cuɔp wei bä kuurdiën ë Nhialic nyääŋ piny, go tunynhial ee yïn gël yïn cuat wei në kur ke mac lɔ̈m.

Edhekiɛl 28:5

Yïn cï luɔi de pɛlënɔm looi ku ŋuɔɔtë ke yï ŋuak kaku nyïïn në ka ye yök. Eeŋö ee yïn rɔt lɛɛc aya në kajuëcku!

Edhekiɛl 38:13

Kɔc ke Ceba ku Dedan ku kɔc ke bɛ̈i ke Tarcic ee käŋ ɣaac, abïk yïn aa thiëëc an, “Ee yï mɛ̈ɛ̈t remduön ë tɔŋic makë kɔc, në luɔi bï yïn rum ku yak kɔc? Ee yï kɔɔr bä adhɛ̈p, ku atek, ku kajuëc ku ɣɔ̈k yök, ku bä jɔ jäl wek ee kakë kedhie?”

Jona 1:3

Go Jona yenɔm cɔ̈k Tarcic, an kɔt në Bɛ̈nydït. Ago lɔ Jopa ku yök abël wïïr ëtɛ̈ɛ̈n, ke kɔɔr lɔ wun mec cɔl Tarcic. Ago wëu ke ariöpde yen kɔ̈u cuat piny, ku jɔkï ger ke ke lɔ Tarcic, të cïï yen Bɛ̈nydït bï bɛ tïŋ nyin.

Nyuuth 18:12

kakɛn ë adhääp, ku ateek, ku kɔi lɛ̈k tuc ë ɣööcden, ku kɔi cɔl margariti, ku lupɔ piɛth lɔ mot, ku lupɔ thiith amujuŋ, ku lupɔ cɔl ariir, ku lupɔ thith, ku tiim kith ë ŋiëërdenic, ku ka ye looi ë lëny akɔ̈ɔ̈n ëbɛ̈n, ku ka ye looi ë tiim lɛ̈k tuc ë ɣööcden ëbɛ̈n, ku maläŋ, ku wëëth, ku gomgooi,