Edhekiɛl 26:7 - JAM DE NHIALIC 2011

⁷ Aye Bɛ̈nydït Awärjäŋ lueel an: “Yɛn bï melik dït nu ë meliik nïïm lɔ bɛ̈ɛ̈i, melik Nebukadnedhar de Babilonia, bïï Tayer bɛ̈n mak. Abï bɛ̈n në biäk të lɔ rut kekë remdïït de tɔŋ, në jöŋgöör ku abëël ke tɔŋ ku jööt ke tɔŋ.

Edhekiɛl 26:7 ပူးပေါင်းရင်းမြစ်များ

Edhr 7:12

“Ee yɛn Ateradath, Melik nu ë Meliik nïïm, awerekë yen agäär Edhera, bɛ̈ny de kake Nhialic ku ye raan cï wëët në lööŋ ke Nhialic de paannhial, we cä thiëëc.

Yith 10:8

Ee rɔt leec an, “Raan ëbɛ̈n në bäny ke remdiën ke tɔŋ yiic, ee melik!

Jeremia 25:9

‘Yɛn bï dhiëën nu të lɔ rut kedhie tuöc, ku tuöc raan ee ya luööi, Nebukadnedhar melik de Babilonia. Abä keek lɔ bɛ̈ɛ̈i bïk tɔŋ yiɛ̈n Juda ku kɔc ceŋ en, ku yïn tɔŋ juöör thiääk ë yen. Yɛn bï ë jurë riääk kekë juöör thiääk ë yen, ku nyääŋ keek ë riääkic aɣet athɛɛr, ee kërɛɛc de gäi në tïŋ. Acä lueel, Yɛn Bɛ̈nydït.

Jeremia 4:13

Tïŋ, kɔc ke ater abïkï cï luäät. Abëëlkɛn ke tɔŋ acïtkï kɔɔr, ku jöŋgöörken apiɔlkï cï cor. Amawoou, wok cï määr! Wok cï thou!

Jeremia 4:7

Acït köör bɔ̈ biic tëdɛn ë thiaan, kën ee juöör riɔ̈ɔ̈k acï bɛ̈n bei. Abï Juda bɛ̈n riɔ̈ɔ̈k. Pɛ̈ɛ̈nydït ke Juda abïï keek nyääŋ piny ke ke cï riääk, ku acïn raan bï ke cieŋ.

Jeremia 52:32

Ebilmerodak aaye yen luööi apiɛth, ku gëm tëde riëëu awär meliik kɔ̈k cï peec ë yen ë tök tɔ̈u ë Babilonia.

Jeremia 6:23

Acïk dhɛ̈ŋken ku tɔɔŋken nööm, ayek kɔc kec piɔ̈ɔ̈th ku cïnkï kokdepiɔ̈u. Të ciɛth kek ë jöŋgöörken kɔ̈ɔ̈th, ayek wuur cï awuööu de wɛ̈ɛ̈r. Acïk röt guiir në luöi bï kek nyan de Dhiɔn mak.”

Edhekiɛl 17:14

ke bï jur muk ke ke cïï tɔŋ bï bɛ looi, ku bïï ŋic ëgɔk nɔn bïï ë mät döt.

Edhekiɛl 23:24

Abïk yïn mak, në biäk të lɔ rut ke cath ke rem dïït de tɔŋ nu në abëël kɔ̈ɔ̈th, ku abëël ɣɛ̈ɛ̈c kacaam. Kɔc gël ë kööt ku akuup ke tɔŋ, abïk we gɛɛu cil. Wek bä tääu në kecin, ku abïk week luöi këtuc në lööŋken kapäc.

Edhekiɛl 26:3

“Ënɔɔnë, kë luɛɛl kï yɛn Bɛ̈nydït Awärjäŋ, aluɛɛl an: Ee Yɛn ee raan de ater wo pänydït de Tayer. Yɛn bï juöör juëc bɛ̈ɛ̈i bïk yïn bɛ̈n mak, ku abïk bɛ̈n cï apiöŋ de wɛ̈ɛ̈r.

Edhekiɛl 28:7

Yɛn bï alɛi yiɛ̈n week, juöör rac aläl abïk we mak. Abïk kapiɛthkuön cäk yök në pɛlënɔmdun ku tëëtdun riɔ̈ɔ̈k në abätɛ̈ɛ̈u.

Danyel 2:37

Yïn melik. Yïn adït në meliik ëbɛ̈n. Nhialic de paannhial acï yïn gäm ciɛɛŋ, ku gëm yïn riɛl, ku ŋeeny ku dhuëëŋ.

Danyel 2:47

Ago ë melik lueel an, “Nhialicdu yen adït në yiëth kedhie, ee Bɛ̈nydït nu në meliik nïïm, ku raan ee kacïmoony nyuɔɔth. Yɛn ŋic ee kënë në luöi cï Yïn ee këcïmoonyë wɛ̈ɛ̈ric yɛn.

Ɣodh 8:10

Na cakaa nɔn cï kek röt ɣɔ̈c juöör, abä keek bɛ mat yiic tëtök, ku luöi keek këtuc. Ka abïk thök në meliik cin, meliik yɔŋ keek.