Edhekiɛl 26:16 - JAM DE NHIALIC 2011

¹⁶ Meliik ke juöör ee cath wïïr ëbɛ̈n abïk bɛ̈n piny në thöcken nïïm. Abïk aluluutken yɔ̈ɔ̈t bei, ku bïïkï lupɔɔ amujuŋ ke bääny bei në kekɔ̈ɔ̈th, ku jɔkï nyuc piny ke ke lɛthë keek. Abïk riɔ̈ɔ̈c arëët në riääk cï yïn yök, ka lɛthden lɛthë ke acïï bï kɔ̈ɔ̈c.

Edhekiɛl 26:16 ပူးပေါင်းရင်းမြစ်များ

Jop 8:22

Abï kɔc man yïn yɔ̈ɔ̈r gup, ku bɛ̈i ke kɔc ee karɛc looi acïkï bï nu.

Diɛt 109:18

Yen ee kɔc cieen aköölnyïïn cït man yen lupɔ cieŋ, tɔ aciɛɛnde dëu ë yeguöp cït man ë pïïu ku lekï ë yomke yiic cït man ë miök.

Diɛt 109:29

Tɔ kɔc ke aterdï thiäŋ gup në ayäär, tɔ ke ceŋ ayärden cït aluluut,

Diɛt 132:18

Yɛn bï kɔc ke aterde kuöm piny në ayäär, ku ciɛɛŋde abï kuɛth ku le ke dït.”

Diɛt 35:26

Yäär ke gup ku tɔ ke nuan, në luɔi ë cï kek piɔ̈ɔ̈th miɛt në kërɛɛc cï ya yök. Yäär keek abïk gup riɔ̈ɔ̈c, në luɔi ye kek ye lueel an, wärkï yɛn në piath.

Bɛ̈n 15:15

Go bäny ke Edom riɔ̈ɔ̈c aläl, ku lɛthë jööt ke Mowap, ku pɛ̈l kɔc ke Kanaan röt wei.

Yith 3:26

Dhuöör ku dhiëëu abï nu wutic cil, ku wut guöpde abï ciët tiiŋ cï nyuc piny, ke cï yɔ̈ɔ̈t kɔ̈u bei.

Yith 41:5

“Acï kɔc tɔ̈u në wɛ̈ɛ̈r thok tïŋ agokï riɔ̈ɔ̈c, ku päu kɔc ke piny thar ku lɛthë ë keek, gokï keyiic määt ku bïkkï.

Yith 47:1

Aye Bɛ̈nydït lueel an, “Babilon bäär piny në thöönydu nɔm, ku nyuc piny abuui yic ee tënë. Yïn aacï kɔn ciët nyan dhueny kën kɔn yök ke moc, pänydïït kënë kɔn peec, ku yïn cï kɔ̈c ku yïn cïï be ciët täu ɣɔn ril yïn! Yïn cï ya lïm ënɔɔnë!

Yith 52:2

Teŋ rɔt abä nɔm lääu, Jeruthalem! Jɔt rɔt në abuui yic ku nyuc në thöönydu nɔm! Däkkï kuɛɛt cïï ë we duöt, wek yï nyan de Dhiɔn cï peec!

Jeremia 48:39

Acä lueel Yɛn Bɛ̈nydït an, Dhiaukï! Mowap acï dhoŋ! Mowap acï yäär. Atɔ̈u ke cï riääk, ku aye juöör thiääk ë yen ëbɛ̈n dɔl guöp.”

Dhiëëu 2:10

Röördït ke nyan de Dhiɔn ayek nyuc piny ke ke mim thook. Ku tɔ̈u abuui në kenïïm, ku ceŋkï lupɔɔ ke cual ë kekɔ̈ɔ̈th. Ku dhueec ke Jeruthalem ayek kenyïïn kuöm piny në ayäär.

Edhekiɛl 16:10

Ku gäm yïn lupɔ cï kɔɔc ë ciin, ku gäm yïn war piɛth ke dël, ku lupɔ piɛth lɔ mot bïï yïn yïnɔm kum, ku lupɔ lɔ bilbil.

Edhekiɛl 26:21

Yïn bä tɔ ye këde riɔ̈ɔ̈cë, ku yen abï aa thökdu. Kɔc abïk yïn aa kɔɔr, ku yïn cïï bïï yök.” Bɛ̈nydït Awärjäŋ yen aa jam.

Edhekiɛl 28:17

Yïn aaye rɔt lɛɛc në dikdu, ku kɛkdu acï yïn tɔ loi rɔt cï raan piɔlpiɔ̈u. Në biäk ee kënë yïn cä cuat piny ku nyääŋ yïn piny ke yï ye kë bï meliik kɔ̈k jɔ̈ɔ̈ny.

Edhekiɛl 31:15

Kë ye Bɛ̈nydït Awärjäŋ lueel kï: “Në kööl bïï ë tim lɔ paan ë thuɔɔu, abä tɔ kumë piny në pïïu tɔ̈u piny ke ye kïn de dhiëëu. Yɛn bï pïïu ke kiɛɛr tɔ kääc, ku pɛ̈n nyïïn luɔi bïï kek thiɔɔr. Në biäk cïï tim thou, Yɛn bï mɔ̈ɔ̈th bɛ̈ɛ̈i në kur ke Lebanɔn nïïm ku ja tiim ke roor tɔ biɔɔr ëbɛ̈n.

Edhekiɛl 32:10

Kë cä luöi yïn abï juöör juëc tɔ päu. Të lan abätäudï met yic, meliik abïï ke lath në riɔ̈ɔ̈c. Në ee köölë yïn bï wïïk, keek kedhie abïï keek lath ë biäk de wëiken.”

Edhekiɛl 7:27

Melik abï dhiau, ku wën melik abï nɔm ciën aŋäth, ku kɔc abïï ke lath në riɔ̈ɔ̈c. Wek bä luöi këtuc në biäk de ka cäk keek looi kedhie, ku guiɛɛr löŋdun në kueer wään ya wek lööŋ ke kɔc kɔ̈k guiir. Kënë abï we nyuöth nɔn ee Yɛn Bɛ̈nydït.”

Edhekiɛl 7:8

“Në akööl lik bï bɛ̈n tueŋë, yïn bï riɛl de agönhdï yök. Yïn luöi këtuc në biäk de kë cï looi, ku yïn bä cuöl ariöp de karɛckuön cï looi ëbɛ̈n.

Danyel 5:6

Go nɔm mum aläl ku riɔ̈ɔ̈c arëk abïï lath cök.

Ɣodh 11:10

Abïk Bɛ̈nydït kuany cök, cït man ye köör mïthke cɔɔl në kiɛɛu. Të le yen cööt, mïthke abïk aa bɛ̈n në riëëu të lɔ aköl athɛ̈i.

Jona 3:6

Ku tɛ̈ɛ̈u meliŋ de Ninebe löŋ piny, lëk kɔc ke Ninebe kedhie an, “Kënë ee löŋ cä tääu piny, yɛn bɛ̈ny tueŋ wökë bäny nu në yacök, ë ciën raan de kë ciɛm, kɔc kedhie, ayï ɣɔ̈k, ayï thök, ëke cïï lony lek nyuäth, ayï dëk.

Ɣagai 2:22

ku puɔ̈k thööny de ciɛɛŋ piny, ku riääk riɛl de ciɛɛŋ ë juöör ëbɛ̈n. Ku puɔ̈k abëël ke tɔŋ piny, ayï kɔc ee cath thïn. Ku jöŋgöör ke tɔŋ abïk thou, ku kɔc ee cath në kekɔ̈ɔ̈th abïk röt lɔ̈ɔ̈k nɔ̈k kapäc.

1 Pet 5:5

Ku week aya, wek kɔc kor, yak ka ke röördït piŋ. Yeka, week wedhie, yak wethook piëëŋ abäk kuur aa wek röt kuɔɔr piny cieŋ cït man ë lupɔ: Nhialic ee kɔc ee röt tɔ dït ŋɛ̈ny, ku ye kɔc ee röt kuɔɔr piny gäm dhuëëŋdepiɔ̈u.

Nyuuth 18:9

Ku meliik ke piny nɔm, meliik wään ee lɔ në yen, ku cïk kuɛth ë këmit në yen ëtök, abïk en dhiëëu, ku biëkkï keyöth, të woi kek tol nyop en,