Edhekiɛl 26:14 - JAM DE NHIALIC 2011

¹⁴ Yɛn bï kur cïn kë nu ë kekɔ̈ɔ̈th nyääŋ piny kapäc, të bïï kɔc ee rec deep boiken aa kɔ̈ɔ̈r thïn. Pänydït acïï bï bɛ nyɔk në yïk. Acä lueel, Yɛn Bɛ̈nydït Awärjäŋ.”

Edhekiɛl 26:14 ပူးပေါင်းရင်းမြစ်များ

Jop 12:14

Kë cïï Nhialic jäp piny, acïn raan duëër e lëu në yïk, ku raan cï guöör ɣöt, acïn raan duëër e lëu në bïï bei.

Jop 40:8

Yïn athem bä nyooth nɔn ciën Ɛn yic, ku tääuwë awäc në Ya yeth, ku jɔ aa raan cïn kë cï wööc?

Yith 14:27

Bɛ̈nydït de rɛm acï dhel ë yepiɔ̈u bï ee kënë looi, acï ye kök jat nhial ke kɔɔr bï këtuc looi, ku acïn raan duëër E dɔ̈m kɔ̈ɔ̈c.

Yith 23:12

Pänydït de Thidon, miɛtëpiɔ̈ndu ë thök, ku kɔcku acï ke yɔŋ. Cak an cïk kat ke ke lɔ Thaiperuth, aŋootkï ke ke cïï bï lɔ̈ŋ.

Edhekiɛl 21:32

Wek bï riɔ̈ɔ̈k në mac. Riɛmdun abïï tɔ kuëër pinydun, ku acïn raan bï we bɛ tak anandun.’ ” Bɛ̈nydït yen aa jam.

Edhekiɛl 22:14

Yak tak de riɛl ë piɔ̈u bï döŋ ku nɔn ee riɛl duɛ̈ɛ̈r wek we cin jat nhial të cän thök wo week? Ee yɛn Bɛ̈nydït yɛn aa jam, ku yɛn ee kë cä lueel muk.

Edhekiɛl 26:12

Kɔc ke aterdun abïk röt kony në kajuëckun ku ɣɔɔckï keek. Abïk pɛ̈ɛ̈nykun jäp piny, ku thuurkï ɣöötkuön läk piny. Abïk kur, ku tiim ku kɔi kor jɔt ëbɛ̈n, ku wɛ̈lkï keek ë wɛ̈ɛ̈r yic.

Edhekiɛl 30:12

Yɛn bï Kiir tɔ dëu abïï yic riɛl, ku tääu Rip në kɔc rac cin. Alɛi abïk baai riɔ̈ɔ̈k ëbɛ̈n. Acä lueel Yɛn Bɛ̈nydït.”

Edhekiɛl 47:10

Gɔl në nyin de Engedi, leer në nyin de Englaim ëbɛ̈n, abï dɛ kɔc ee rec deep në wɛ̈ɛ̈r yɔu, ku abïk boiken thieth ëtɛ̈ɛ̈n ke ke bï riɛl. Abï dɛk rec juëc yiic ëtɛ̈ɛ̈n, cït man de rec tɔ̈u në Wɛ̈ɛ̈rdïït ɣer yic.

Edhekiɛl 5:13

“Yïn bï riɛl de agönhdï yök në yïguöp ku ja gɔ̈th agut të bän piɔ̈u thök. Të le ee kënë rɔt looi ëbɛ̈n, abä jɔ gam nɔn cän jam wo yïn, Yɛn Bɛ̈nydït në biäk cïï ciɛ̈n adötdu yɛn tɔ göth.

Edhekiɛl 5:15

“Të cän gɔ̈th ku cä piɔ̈u diu arëët wo week, juöör thiääk ë week ëbɛ̈n ayek riɔ̈ɔ̈c. Abïk week aa woi në dhääl, ku dɔlkï wegup.

Edhekiɛl 5:17

Yɛn bï cɔk ku läi roor tuɔɔc lek mïthkun nɔ̈k, ku tuɔɔc juäi, ku akuöörkuöör, ku tɔɔŋ bïk we lɔ nɔ̈k. Acä lueel, Yɛn Bɛ̈nydït.”

Malakai 1:4

Tɛk däŋ, duëër kɔc ke Edom, dhiën de Ethau, lueel an, “Na cakaa nɔn cï wo riɔ̈ɔ̈kë, wok bï bɛ yïk. Ku kë cï Bɛ̈nydït de rɛm lueel kï an, “Tɛk däŋ bïk keek bɛ nyɔk në yïk, ku abä keek bɛ nyɔk në riäk riääk Ɛn keek, man abï keek aa cɔɔl an kɔc rac, ku cɔl keek an jur ye Bɛ̈nydït gɔ̈th ke keek aɣet athɛɛr.

Kuɛ̈n 23:19

Nhialic acïï lueth ee töör, acie raan. Ku cïï yenɔm ee waar cït man ë raan. Ke cï than ee rɔt tiiŋ, ku ke cï lueel, ee rɔt looi.

Math 24:35

Tënhial abï nyai ayï piny, ku wëlkï acïkï bï nyai ananden.

Nyöŋ 13:16

Bɛ̈ɛ̈ikï kake kɔc ceŋ ee wunë tëtök kedhie, ku kuötkï kenïïm wutic cil. Ku nyuɔpkï keek wutic kekë këriëëc nu thïn ëbɛ̈n, ke ee miɔ̈c de Bɛ̈nydït Nhialicdun. Abï pɔ̈l ke cï riääk aɣet athɛɛr, ku acïï bïï bɛ nyɔk ë yïk taitai.