Edhekiɛl 26:10 - JAM DE NHIALIC 2011

¹⁰ Luändïït de tɔɔr ye ë jöŋgöörken tuk abïk we kuöm piny. Awuööu de jöŋgöörkɛn ke abëël ke tɔŋ abïk pɛ̈ɛ̈nykun lath, të jɔ kek lɔ ke ke tëëk në thook ke kal de pänydït cï riääk.

Edhekiɛl 26:10 ပူးပေါင်းရင်းမြစ်များ

Jeremia 39:3

(Wään cï ë Jeruthalem peec, go bäny ke melik de Babilonia bɛ̈n kedhie ku dɔmkï ɣäänken në kal thok, thoŋ cil, adekï yiic yï Nergal Tharedher, ku Thamgar Nebo, ku Tharthekim de Rabathath, ku lɔ Nergal Tharedher däŋë.)

Jeremia 4:13

Tïŋ, kɔc ke ater abïkï cï luäät. Abëëlkɛn ke tɔŋ acïtkï kɔɔr, ku jöŋgöörken apiɔlkï cï cor. Amawoou, wok cï määr! Wok cï thou!

Jeremia 47:3

Abïk cök ke jöŋgöör riŋ pïŋ, ku awuɔɔu de abëël ke tɔŋ, ku atuktuk de cök ke abëël. Wärken ke mïth ku märken ke mïth acïkï röt bï pɔ̈k mïthken, abïk cin nuɛt në kegup ë lik.

Edhekiɛl 23:24

Abïk yïn mak, në biäk të lɔ rut ke cath ke rem dïït de tɔŋ nu në abëël kɔ̈ɔ̈th, ku abëël ɣɛ̈ɛ̈c kacaam. Kɔc gël ë kööt ku akuup ke tɔŋ, abïk we gɛɛu cil. Wek bä tääu në kecin, ku abïk week luöi këtuc në lööŋken kapäc.

Edhekiɛl 26:15

Bɛ̈nydït Awärjäŋ alëk ee kënë pänydït de Tayer: “Wään peecë yïn, kɔc rɛ̈ɛ̈r në wɛ̈ɛ̈r yɔu abïk riɔ̈ɔ̈c në kiɛɛu de kɔc temë röt.

Edhekiɛl 26:7

Aye Bɛ̈nydït Awärjäŋ lueel an: “Yɛn bï melik dït nu ë meliik nïïm lɔ bɛ̈ɛ̈i, melik Nebukadnedhar de Babilonia, bïï Tayer bɛ̈n mak. Abï bɛ̈n në biäk të lɔ rut kekë remdïït de tɔŋ, në jöŋgöör ku abëël ke tɔŋ ku jööt ke tɔŋ.

Edhekiɛl 26:9

Abïk pɛ̈ɛ̈nykun thuöör kɔ̈ɔ̈th në wëth thiek, ku jiëpkï ɣöötkuön bär piny në wiɛth ke wëëth.

Edhekiɛl 27:28

Awuɔɔu de kɔc kuath abëël wïïr mɔu aye keek piŋ ë wut këc.

Jocua 6:20

Ago bäny ke kake Nhialic kɛŋ kooth. Na wën, aa piŋ kɔc kɛŋiic, ke ke kiu aläl. Go kal ë pänydït wïïk. Ku lɔ rem de tɔŋ wut ke cïn kë be ye gël nɔm, ku rum wut.

Jocua 6:5

Na ë lë ke ke mit kuöth ë kɛŋ kɔ̈ɔ̈th. Na ë lë alak kɛŋ piŋ acï keek miit kɔ̈ɔ̈th, ke we loc kiɛɛu wedhie në röldït. Ku ëtɛ̈ɛ̈n, kal ë pänydït abï wïïk. Ku rem de tɔŋ abï jɔ lɔ wut ke cïn kë gël en nɔm.”