Edhekiɛl 25:6 - JAM DE NHIALIC 2011

⁶ “Kë ye Bɛ̈nydït Awärjäŋ lueel kï an: wek ee wecin pam ku kɛɛckï nhial në miɛtëpiɔ̈u. Wek ee piny de Yithriɛl biɔɔn.

Edhekiɛl 25:6 ပူးပေါင်းရင်းမြစ်များ

Jop 27:23

Ee Yecin pam tëdɛn ë rëër ke ke geet gup të le kek ke ke riŋ.

Jop 34:37

Aa awɛ̈ɛ̈cke ŋuak nyïïn në reec reec en Nhialic në wonïïm wodhie ee Nhialic bui guöp.

Kɛ̈ŋ 24:17

Du dɔl të cïï raan aterdu löny, du piɔ̈u kɔn lɔyum të cïï en kɔ̈th,

Jeremia 48:27

Tak yïnɔm apiɛth Mowap, wëën ë yï cïï kɔc ke Yithriɛl ee dɔl gup? Aa yak keek luööi cït man ë kɔc cïï cuɛ̈ɛ̈r keek gëk.

Dhiëëu 1:7

Acï döŋ yetök ënɔɔnë, yen Jeruthalem, ku ee läkdɛn ɣɔn thɛɛr tak. Wään lööny en, në kɔc ke ater cin, acïn raan cï yen bɛ̈n kony. Ku kɔc ke aterde acïk en dɔl guöp ɣɔn wïïk en.

Dhiëëu 2:15

Kɔc tɛ̈ɛ̈k ë pänydït këc ayek yïn biɔɔn guöp të woi kek yïn. Ayek kenïïm bet ku dɔlkï riääk de Jeruthalem, an, “Ee yen pänydït lɛ̈kë ee kënë? Ee yen lɛc de piny nɔm ëbɛ̈n ee kënë?”

Edhekiɛl 25:15

Acïï Bɛ̈nydït Awärjäŋ lueel an, “Kɔc ke Pilithiin acïk röt guöör ë guur rac në kɔc ke aterdɛn thɛɛr, ku riäkkï keek në män mɛɛn kek keek.

Edhekiɛl 25:3

lɛ̈kë keek bïk kë bä lueel yɛn Bɛ̈nydït Awärjäŋ piŋ: wek aake mit piɔ̈ɔ̈th bäk tëdiën ɣeric tïŋ ke cï dhiöök, ku tiëŋkï piny de Yithriɛl ke cï riɔ̈ɔ̈k, ku tiëŋkï kɔc ke Juda ke ke pec leer ë keek piny lei.

Edhekiɛl 35:15

cït man wään cä wek piɔ̈ɔ̈th miɛt në riäŋ baai de Yithriɛl, kɔc ke nɔmdï. Kur ke Theyir, piny de Edom ëbɛ̈n, abï yic ciën kɔc. Ëtɛ̈ɛ̈n abïï raan ëbɛ̈n ŋic nɔn ee Yɛn Bɛ̈nydït.”

Edhekiɛl 36:5

Acä lueel, Yɛn Bɛ̈nydït Awärjäŋ në tuöc de agönhdï wokë juöör thiääk në week, ku në Edom aläl. Në agɛɛt ku riääk, acïk pinydï rum ku nömkï ɣäänkɛn ke nyuäth.

Edhekiɛl 6:11

Acïï Bɛ̈nydït Awärjäŋ lueel an, “Pamkï wecin! Yuöpkï Wecök! Dhiaukï në jiɛthëpiɔ̈u në biäk de kërɛɛc cï baai de Yithriɛl looi. Abïk lɔ thou në tɔŋ, ku cɔk, ku jɔk.

Obadaya 1:12

Yïn cïï wänmuuth duëër geet guöp, në kööl cï kërac ye yök. Yïn cïï piɔ̈u duëër miɛt në kööl ë riääk de kɔc ke Juda, abä yïnɔm jɔ lɛc, në kööl cïï këtuc ke yök.

Naɣum 3:19

Tëtökdu acï yic dɛ apajic, ka acïn kë duëër ke kɔn bɛ tɔ dem taitai. Raan ëbɛ̈n, raan ë ye piŋ nɔn cï yïn wïïk, ee yecin biɔ̈ɔ̈k në miɛtëpiɔ̈u, në luɔi cïn en raan kën akuöörkuöördu thiëëp thok.

Dhep 2:10

Yen këtuc bï luöi kɔc ke Mowap kekë Ammon ka, në biäk de lɛc kekë ɣɛ̈ɛ̈cë nɔmden ye kek kɔc ke Bɛ̈nydït de rɛm läät.

Dhep 2:15

Yen kë ee rɔt looi ka tëde kɔc ee kenïïm ɣääc në riɛlden kapäc, ku yek tak an rëërkï në mätic, ayek ŋic an pänydïïtden, ee yen adït ë pinynɔm, ku yen abï ja aa wun cï riääk cieŋ ë läi roor! Ku raan ëbɛ̈n ee tëëk ë ye këc abïï aa geet ku lɛt ë yeciin.

Dhep 2:8

Acïï Bɛ̈nydït Awärjäŋ Nhialic lueel an, “Yɛn ë kɔc ke Mowap kekë Ammon piŋ ke ke lɛ̈ɛ̈t kɔckï, ku yekï ke jääm në wël kɔ̈ɔ̈th ke ke ɣɛ̈ɛ̈c kenïïm an bïk keek yak në riɛl pinyden.