Edhekiɛl 25:13 - JAM DE NHIALIC 2011

¹³ Ënɔɔnë acä lueel nɔn bän Edom luöi këtuc, ku näk raan ëbɛ̈n ayï läi ëbɛ̈n ëtɛ̈ɛ̈n. Abä looi ke ye piny cï pɔ̈l, gɔl në pänydït de Teman leer pänydït de Dedan, ku kɔc abïï keek nɔ̈k në tɔŋic.

Edhekiɛl 25:13 ပူးပေါင်းရင်းမြစ်များ

Cäk 36:11

Ku Teman kekë Omar, ku Dhepo, ku Gatam, ku Kenadh ayek wɛ̈ɛ̈t ke Elipadh.

Cäk 6:7

Go Bɛ̈nydït lueel an, “Yɛn bï kɔc cä cak nyaai nyïïn kedhie në piny nɔm, abïï ciɛ̈n tök. Ku läi, ku diɛt, ku ka ye mol, abä ke nyaai nyïïn kedhie. Në luɔi cän piɔ̈u rac në kë ë cäk keek.”

Diɛt 138:7

Të cïï nuɛɛn ya gɛɛu cil, Yïn ee yɛn döt apiɛth. Yɛn cïï karɛc ee yök, Yïn ee kɔc ke aterdï göth jɔ̈ɔ̈ny ku gël yɛn ë riɛldu.

Jeremia 49:13

Yɛn guöp, Yɛn cïï kuëëŋ, nɔn bïï ë pänydïït de Bothera aa të bïï kɔc aa riɔ̈ɔ̈c të tïŋ ë yen, ku abï aa jɔ̈ɔ̈r, abï kɔc aa dɔl guöp, ku yek rinke tɔ aa aciɛɛn. Ku wuöt kor thiääk në yen abïk riääk aɣet athɛɛr. Acä lueel, Yɛn Bɛ̈nydït.”

Jeremia 49:20

Aguɔ kïït de riääk bän Edom jɔ riɔ̈ɔ̈k piŋ, ku piɛŋ kë bä luöi kɔc ke pänydïït de Teman. Acakaa mïthken abïï keek thɛl wei, ku raan ëbɛ̈n abï riɔ̈ɔ̈c aläl.

Jeremia 7:20

Ka Yɛn Bɛ̈nydït Awärjäŋ, Yɛn bï agönhdï wäl ee Luaŋdït guöp. Ku abä wäl në kɔc gup ku läi gup akït, ayï tiim ku rap. Agönhdï abï ciët many cïn raan ee ye tɔ liu.

Edhekiɛl 14:13

“Mɛnh ë raan, na cï wut awäc looi ku acïn adöt tëde yɛn, yɛn bï yaciin riɛny biic ku riääk kakɛn ee ke yiɛ̈n kacaam. Abä keek tuöc cɔk, ku näk kɔc ku ɣök aya.

Edhekiɛl 14:17

“Ku nɔn bä tɔŋ yiɛ̈n ee pinyë, ku tuöc ke tɔŋ rɛɛc bï raan ëbɛ̈n nɔ̈k ku läi athɔ̈ŋ,

Edhekiɛl 14:8

Yɛn bï këde jɔ̈ɔ̈ny. Abä tɔ ee kë ye käŋ käär. Abä nyaai në amatnɔm de kɔckï yiic, aguɔkï jɔ ŋic nɔn ee yɛn Bɛ̈nydït.

Edhekiɛl 25:16

Në biäk de ee kënë aluɛɛl an yɛn bï Pilithiin mak ku nyaai keek nyïïn. Yɛn bï raan cï döŋ ëbɛ̈n ke pïïr ë riaaŋ de Kereth yic nɔ̈k ëbɛ̈n.

Edhekiɛl 25:7

Në biäk de kë cäk looi, wek bä ke tääu në riɛl de juöör kɔ̈k cin, kɔc bï week rum ku yiɛkkï week. Wek bä riɔ̈ɔ̈k taitai, ka wek cïï bï bɛ aa jur, ku ciënkï piny de nɔmdun. Ëtɛ̈ɛ̈n abäk jɔ ŋic nɔn ee yɛn Bɛ̈nydït.”

Edhekiɛl 27:15

Kɔc ke Rodeth ayek ɣööc tëde week, kɔc tɔ̈u në wɛ̈ɛ̈r yɔu ëbɛ̈n ayek we gäm tuŋ ke akön ku agɔk wɛɛrë ke kakun.

Edhekiɛl 27:20

Kɔc ke Dedan lupɔɔ ke keŋkeeŋ ke jöŋgöör ɣaac në kakun.

Edhekiɛl 29:8

Ku ënɔɔnë, yɛn Bɛ̈nydït Awärjäŋ alɛ̈k week nɔn bän week yiɛ̈n rem de tɔŋ bï we mak abätɛ̈ɛ̈u, ku abïk kɔckun nɔ̈k ku läikun.

Edhekiɛl 32:29

“Edom ka ëtɛ̈ɛ̈n ke meliikke ku bänyke. Aake ye rem de tɔŋ ril ëtör, ku ënɔɔnë adhɔtkï ë piny thar paan ë thuɔɔu në kɔc kënë cueel, kɔc ɣɔn näk keek ë tɔŋic.

Edhekiɛl 35:3

lɛ̈kë kɔc kë luɛɛl Yɛn Bɛ̈nydït Awärjäŋ: Yɛn ee raan de aterdun wek kur ke Edom! Wek bä tɔ ee të cï pɔ̈l.

Edhekiɛl 35:9

Yïn bä tɔ cïn yic kɔc aɣet athɛɛr, ku acïn raan bï bɛ rëër në pɛ̈ɛ̈nydïtku yiic. Ëtɛ̈ɛ̈n abä jɔ ŋic nɔn ee Yɛn Bɛ̈nydït.

Edhekiɛl 38:13

Kɔc ke Ceba ku Dedan ku kɔc ke bɛ̈i ke Tarcic ee käŋ ɣaac, abïk yïn aa thiëëc an, “Ee yï mɛ̈ɛ̈t remduön ë tɔŋic makë kɔc, në luɔi bï yïn rum ku yak kɔc? Ee yï kɔɔr bä adhɛ̈p, ku atek, ku kajuëc ku ɣɔ̈k yök, ku bä jɔ jäl wek ee kakë kedhie?”

Amoth 1:12

Në biäk de ee kënë, Yɛn bï mac tuɔɔc Teman bï nyuɔp piny, ku nyop ɣään riil ke Bothera piny.

Obadaya 1:9

Kɔc ke Teman riil ke tɔŋ abï keek riääc, ku rem de tɔŋ de Edom ëbɛ̈n abïï ke näk piny.

Ɣabakuk 3:3

Nhialic aa nyɔk bɛ̈n në Teman, Nhialic ɣeric abɔ̈ në kur ke Paran nïïm. Ka dhuëëŋde ë dït, të nhial ku piny ë thiäŋ ke lɛc de.