Edhekiɛl 24:3 - JAM DE NHIALIC 2011

³ lɛ̈kë kɔckiën ee löŋ rɛɛc ee kääŋdiën gäm keek yɛn Bɛ̈nydït Awärjäŋ: Tääu töny mɛɛc ku thiɔ̈ɔ̈ŋ në pïïu.

Edhekiɛl 24:3 ပူးပေါင်းရင်းမြစ်များ

2 Mel 4:38

Go Elica bɛ bɛ̈n Gilgal, ɣɔn cï piny dɛk cɔk, ku tït ke Nhialic aake rɛ̈ɛ̈r ë Elica lɔ̈ɔ̈m. Na wën, ke yöök lïmde bïï töönydït cäp mɛɛc, ku bïï tït thäl cuei.

Diɛt 78:2

Yɛn bï jam ë kääŋ de pɛlënɔm, ku waar ka cï thiaan ɣɔn thɛɛr yiic,

Yith 1:2

Go Bɛ̈nydït lueel an, “Yïn piny ku paannhial piɛŋkï kë luɛɛl! Mïthkiën wään cä muk acïk A rɛɛc thok.

Yith 29:2

ku ëtɛ̈ɛ̈n Nhialic abï riääk bɛ̈ɛ̈i pänydïït ye cɔl an, “yïïŋ de Nhialic.” Abï dɛ dhiëëu ku dhuöör, ku pänydït ëbɛ̈n abï ciët yïïŋ cï riɔk ëbɛ̈n në riɛm.

Yith 30:1

Acïï Bɛ̈nydït lueel an, “Amawoou në kɔc mac Juda në biäk cïï kek ɛn rɛɛc. Akuanykï kïït kɛ̈n looi cök, ku gamkï män cie këde piɔ̈ndï, athɔckï awäc në awäc nɔm.

Yith 30:9

Ayek tɔ̈u ë ceŋ ke ke reec Nhialic, ku yek käŋ töör ë ceŋ, ku reeckï wëët de Bɛ̈nydït ë ceŋ.

Yith 63:10

ku acïk bɛ̈n rɛɛc ku tɔkï wëidït ɣerke göth. Ago Bɛ̈nydït ja aa raan de aterden ku thɛ̈ɛ̈r ke keek.

Jeremia 1:13

Go jam de Bɛ̈nydït bɛ bɛ̈n tëde yɛn an, “Eeŋö däŋ cï bɛ tïŋ?” Guɔ bɛ̈ɛ̈r an, “Yɛn cï töny tïŋ ke piäär të lɔ rut, ku akɔɔr bïï nɔm lɔ wei në biäkkë.”

Jeremia 1:14

Go lɛ̈k yɛn an, “Riääk abï bɛ̈n ë biäk të lɔ rut, ku abï bɛ̈n ë kɔc ceŋ ee pinyë gup ëbɛ̈n,

Edhekiɛl 11:11

Pänydïïtë acïï we bï gël, cït man ee töny rïŋ tɔ̈u thïn gël. Wek bä ke luöi këtuc, në ɣäänkuön täu wek thïn ëbɛ̈n piny de Yithriɛl.

Edhekiɛl 11:3

Ayek lueel an, ‘Wok bï ɣööt bɛ nyɔk në yïk. Päny acït töny de thät, ku wok cït rïŋ në ye yic, ku ee wook gël në mac.’

Edhekiɛl 11:7

“Ka kë lɛ̈k week kï yɛn Bɛ̈nydït Awärjäŋ, alɛ̈k week an: Pänydïïtë ë yic ee tööny de thät, ku rïŋ eeŋö? Ee gup ke kɔc cäk keek nɔ̈k! Wek cï bï tɔ̈u ee tënë wek bä cuat wei në pänydïtic!

Edhekiɛl 12:2

“Mɛnh ë raan, yïn rɛ̈ɛ̈r we kɔc cï löŋ rɛɛc. Keek adekï nyïïn, ku acïn kë yek tïŋ, adekï yïth, ku acïn kë yek piŋ, në biäk cï kek löŋ rɛɛc.

Edhekiɛl 12:25

Yɛn Bɛ̈nydït Yɛn bï jam wo keek, ku kë bä lueel abïï looi. Abï ciën agääu. Në runkuön ke pïïr, yïn bï löŋ rɛɛc, ku yɛn bï kë cän we jɔ̈ɔ̈ny an bä looi looi.” Acä lueel yɛn Bɛ̈nydït Awärjäŋ.

Edhekiɛl 17:12

“Thiëc kɔc ee löŋ rɛɛcë na duëërkï kë lueel ee kääŋë ŋic. lɛ̈kë keek an meliŋ de Babilonia acï bɛ̈n Jeruthalem, ku jɔt meliŋ kekë bänyke puk kenïïm Babilonia në yen ëtök.

Edhekiɛl 17:2

“Mɛnh ë raan, lɛ̈kë baai de Yithriɛl ee kääŋë,

Edhekiɛl 2:2

Të wën ŋoot ë röl ke jam ke wëi ke Nhialic lɔ ë yaguöp, ku jɔtkï yɛn abä kɔ̈ɔ̈c në yacök, ku piɛŋ röl ke ŋoot ke jam an,

Edhekiɛl 2:3

“Mɛnh ë raan yïn bä tuöc kɔc ke Yithriɛl. Jur cï a rɛɛc ku lek kenïïm pɔ̈k ɛn ku aŋootkï ke ke reec ɛn, cït man ɣɔn tɔ̈u ë kuarken.

Edhekiɛl 2:5

Nɔn bïk jamdu lɔ piŋ ku nɔn cïkï bï piŋ kek ee kɔc ril nïïmkë, abïk ŋic nɔn cï ë tiët kɔn tɔ̈u në ke yiic.

Edhekiɛl 2:6

“Ku yïn an, mɛnh ë raan, yïn cïï bï riɔ̈ɔ̈c në keek, ku nɔn riɔ̈c në kë bïk lueel. Keek abïk yïn läät ku abïk yïn biɔn guöp, yïn bï ciët raan rɛ̈ɛ̈r ë manciëëi yiic. Ku ŋuɔɔtë ke yï cïï riɔ̈c në keek, kek kɔc ril nïïmkë ku nɔn yen kë bïk lueel.

Edhekiɛl 2:8

“Yïn mɛnh ë raan, piŋ kë lɛ̈k yïn. Du ya reec cït man ë kek. Liep yïthok ku cam kë bä gäm yïn.”

Edhekiɛl 20:49

Ku yɛn cï jaai an, “Bɛ̈nydït Awärjäŋ, du ya tɔ loi ee kënë! Raan ëbɛ̈n agööny nɔn ee yɛn käŋ mɛɛk nïïm.”

Edhekiɛl 24:6

Kë ye Bɛ̈nydït Awärjäŋ lueel kï an, “Amawoou në pänydït de nɛ̈ɛ̈k abï riɔ̈ɔ̈k! Acï ciët tööny ë thät cie waak. Thïm de rïŋ aye nööm ku nyɔk däŋ ë läu, abïï ciën kë döŋ.

Edhekiɛl 3:9

Yïn bä tɔ ril nɔm ë tör aläl, bä jamdï guiir, acïn kë bï yïn tɔ kääc. Yïn bä tɔ ril cït man ë kuur, ku kɔi, du ye riɔ̈ɔ̈c në keek kek kɔc ril nïïm.”

Maika 2:4

Në aköölkë, kɔc abïk week aa dɔl gup, ku ketkï week në din rɛɛcë an, ‘Wok cï ke riɔ̈ɔ̈k ë taitai! Piny de kɔckï acï kɔc tɛ̈k röt, ɣɛɛ! Acï nööm ë yic tëde wook oou! Ku tëk duumkuɔ kɔckuɔn ke ater!

Mak 12:12

Gokï piɔ̈ɔ̈th dɛ luɔi dɔm kek en, ku acïk riɔ̈ɔ̈c ë kut ë kɔc: acïk guɔ ŋic nɔn ë lueel en ë kääŋë në këden: agokï pɔ̈l, ku jëlkï.

Luk 8:10

Go lueel an, “Acï gäm week ke we bï jam cï thiaan ŋic, jam de ciɛɛŋ de Nhialic: kɔc kɔ̈k aye ke wɛ̈ɛ̈t ë kɛ̈ŋ, luɔi bï kek aa daai, ku cïkï ë daai apiɛth, ku luɔi bï kek aa piŋ, ku cïkï käŋ ë yök yiic.

Luɔi 7:51

Week kɔc ril nïïm, kɔc kënë cueel piɔ̈ɔ̈th, ku kën ëke cueel yïth, wek ee cool ë luel ater në Wëidït ɣer ëcaŋɣɔn: cït man ë kuarkun, ayï week aya.