Edhekiɛl 24:25 - JAM DE NHIALIC 2011

²⁵ Go Bɛ̈nydït lueel an, “Ënɔɔnë, mɛnh ë raan, yɛn bï Luaŋdït ril jɔt tëde keek, kë wään ye kek kenïïm ɣääc, ku ye miɛtëpiɔ̈u, kë yek nhiaar bïk aa woi ku yek lɔ kɛ̈ny. Ku yɛn bï wɛ̈ɛ̈tken ku duetken jɔt.

Edhekiɛl 24:25 ပူးပေါင်းရင်းမြစ်များ

Diɛt 48:2

Dhiɔn kuur de Nhialic, athöny ku aläk, atɔ̈u të lɔ rut, Pänydït de melik dït ee miɛtëpiɔ̈u yiɛ̈n pinynɔm ëbɛ̈n.

Diɛt 50:2

Nhialic ee riau në Dhiɔn, läk de pänydït ee dikëdik.

Jeremia 11:22

Ago Bɛ̈nydït de rɛm lueel an, “Abä keek luöi këtuc! Dhuökken abïï keek nɔ̈k në abätäu, mïthken abïk thou në cɔk.

Jeremia 52:10

Go Nebukadnedhar wɛ̈ɛ̈t ke Dhedekia tɔ näk ë Ribila ke Dhedekia ë daai, ku tɔ bäny ke Juda näk ayadäŋ.

Jeremia 7:4

Duökï wël ke mɛthkë ee piŋ an, ‘Wok lɔ läŋ! Kënë ee Luaŋdït! Kënë ee Luaŋdït! Kënë ee Luaŋdït!’

Dhiëëu 2:4

Acï wiɛth ke dhɛ̈ŋkë wël nɔm wook cï raan de ater. Acï kɔc ee wook miët piɔ̈ɔ̈th ku kɔc ee wook tɔ lɔ piɔ̈ɔ̈th yum nɔ̈k kedhie. Wok cï atuöc de agönhde yök ë nyan de Dhiɔn yic eenë.

Edhekiɛl 24:21

“Bä we yiɛ̈n ee jamë, wek baai de Yithriɛl: wek ee röt leec në riɛl de tëɣeric. Anhiaarkï bäk aa woi ku yak lɔ kɛ̈ny, ku abïï Bɛ̈nydït riɔ̈ɔ̈k. Ku wɛ̈ɛ̈t dhuök ke bɛ̈ikun kɔc cï döŋ Jeruthalem abïï ke nɔ̈k në tɔŋic.

Edhekiɛl 33:22

Ɣɔn thëën ke raan ë kën kɔn bɛ̈n, yɛn cï riɛldïït de Bɛ̈nydït yök në yaguöp. Na jɔ raan ɣëët në ɣɔn amiäk de kööl däŋë, go Bɛ̈nydït ya bɛ pɔ̈k nɔm riɛl de jam.

Nyöŋ 28:32

Wɛ̈ɛ̈tkun ku duetkun abï keek gam ke ke ye lïïm de kɔc lei ke we tɔ̈u thïn. Aköölnyïïn we bï we nyïïn aa ruɛɛt piny, ke we daai youyou, na de të bï mïthkun röt puk.