Edhekiɛl 24:24 - JAM DE NHIALIC 2011

²⁴ Ëtɛ̈ɛ̈n yɛn bï aa kïndun, wek bï këriëëc ëbɛ̈n cä looi looi. Aye Bɛ̈nydït lueel na cï ee kënë rɔt looi, abäk jɔ ŋic nɔn ee yɛn Bɛ̈nydït Awärjäŋ.”

Edhekiɛl 24:24 ပူးပေါင်းရင်းမြစ်များ

Yith 20:3

Na wën, aacï Acedɔd peec, go Bɛ̈nydït lueel an, “Raan ee ya luöi cɔl Yithaya aaye cath ke cïn kɔ̈u lupɔɔ ku cïn war në run kadiäk. Kënë ee kïn de ke bï tuöl në Rip ku Ethiopia.

Yith 8:18

Yakï wokë mïth cïï Bɛ̈nydït gäm ɛn. Bɛ̈nydït de rɛm tɔ̈u ë thööcde ë kuur ë Dhiɔn nɔm, acï wo tuöc kɔc ke Yithriɛl ke wo ye wël pïïr.

Jeremia 17:15

Aye kɔc lɛ̈k yɛn an, “Täu karɛc wään cï Bɛ̈nydït lueel an bïï ke bɛ̈ɛ̈i ë wogup ënou? Tɔ ke looi keek ënɔɔnë!”

Edhekiɛl 12:11

lɛ̈kë keek an kë cï looiyë ee kïn de kë bï tuöl tëde keek, abïk lɔ tëde thiaan ku abï keek peec.

Edhekiɛl 12:6

Tɔ ke woi yïn ke yï cï kakuön wën cï duut tääu në yïkët, ku yïn lɔ të col ke yï cï yïnyin kum, ke yï cïï të le yïn thïn bï tïŋ. Kë cï looi abï aa jäny tëde baai de Yithriɛl.”

Edhekiɛl 17:24

Tiim tɔ̈u ee pinyë kedhie abïk ŋic nɔn ee yɛn Bɛ̈nydït, yɛn ee tim bär yiɛp piny, ku ta tiim cek dït abïk bɛ̈ɛ̈r. Yɛn ee tiim tɔ̈c tɔ biɔɔr, ku ta tiim cï riɔu tɔ tɔ̈c. Yɛn Bɛ̈nydït Awärjäŋ, yɛn aa jam. Yɛn bï kë cä lueel dhil looi.”

Edhekiɛl 20:44

Të lan lɔ lui ke ya gël dhuëëŋdï, abäk ŋic wek baai de Yithriɛl nɔn aa yɛn Bɛ̈nydït, në biäk cän bï lui wo week cït man ë kë röŋ ke karɛc, ku kanhiany yak looi.” Bɛ̈nydït Awärjäŋ yen aa jam.

Edhekiɛl 25:11

Yɛn bï Mowap luöi këtuc, ka bïk ŋic nɔn ee yɛn Bɛ̈nydït.”

Edhekiɛl 25:14

Kɔckiën ke Yithriɛl abïk yɛn guöör në Edom, ku abïk Edom tɔ yök agönhdï tuc në kegup. Yen abïï Edom ye ŋic nɔn cïï yen aa këdiën guöör Ɛn rɔt.” Bɛ̈nydït Awärjäŋ yen aa jam.

Edhekiɛl 25:17

Abä ke luöi këtuc aläl, ku guöör kakï në keek. Abïk agönhdï yök. Ku ëtɛ̈ɛ̈n abïk jɔ ŋic nɔn ee yɛn Bɛ̈nydït.”

Edhekiɛl 25:5

Yɛn bï pänydït de Raba puk ke ye të bïï ë thɔ̈rɔ̈ɔ̈l mac thïn, ku piny de Ammon ëbɛ̈n abï döŋ ke ye të ye thök mac thïn, ke bäk ŋic nɔn ee yɛn Bɛ̈nydït.

Edhekiɛl 25:7

Në biäk de kë cäk looi, wek bä ke tääu në riɛl de juöör kɔ̈k cin, kɔc bï week rum ku yiɛkkï week. Wek bä riɔ̈ɔ̈k taitai, ka wek cïï bï bɛ aa jur, ku ciënkï piny de nɔmdun. Ëtɛ̈ɛ̈n abäk jɔ ŋic nɔn ee yɛn Bɛ̈nydït.”

Edhekiɛl 4:3

Nöm aduŋ de wëëth, ku tääuwë cï päny de wëëth në kaamdu we pänydït. Wɛlë yïnɔm pänydït. Acï gɛɛu cil, ku ee yïn geeu en cil. Kënë abï aa kïït tëde baai de Yithriɛl.

Edhekiɛl 6:7

Kɔc abï keek nɔ̈k në piny yic ëbɛ̈n, ku kɔc bïï döŋ ke ke pïïr, abïk jɔ ŋic nɔn Yan Bɛ̈nydït.

Edhekiɛl 7:27

Melik abï dhiau, ku wën melik abï nɔm ciën aŋäth, ku kɔc abïï ke lath në riɔ̈ɔ̈c. Wek bä luöi këtuc në biäk de ka cäk keek looi kedhie, ku guiɛɛr löŋdun në kueer wään ya wek lööŋ ke kɔc kɔ̈k guiir. Kënë abï we nyuöth nɔn ee Yɛn Bɛ̈nydït.”

Edhekiɛl 7:9

Yïn cä bï kɔn pɔ̈l ku cä yïn nyuth kokdepiɔ̈u. Yïn bä luöi këtuc në biäk de karɛckuön cï looi, ago jɔ ŋic nɔn ee Yɛn Bɛ̈nydït, ku ee Yɛn ee raan ee kɔc luöi këtuc.”

Luk 21:13

Ku abï rɔt pɔ̈k week ago aa cäätɔdun.

Jɔn 13:19

Ku ënɔɔnë wek lɛ̈k käŋ të ŋoot kek ke ke kën tïc, na miäk, të cï kek guɔ tïc, ke we bï gam nɔn ‘Ee Yɛn En.’

Jɔn 14:29

Ku ënɔɔnë, acä kɔn lɛ̈k week të ŋoot en ke kën guɔ tïc, na miäk, të tïc en, ke we bï gam.

Jɔn 16:4

Ku kakë acä ke lɛ̈k wek: na miäk, acï köölden ɣëët, ke we bï wenïïm tak nɔn cän ke lɛ̈k week. Ku kakë akɛ̈n ke lɛ̈k week wään tueŋ, luɔi nuö yɛn wokë week.