Edhekiɛl 24:14 - JAM DE NHIALIC 2011

¹⁴ Acä lueel, Yɛn Bɛ̈nydït Awärjäŋ. Akööl acïk bɛ̈n kööl bän lui. Yɛn cïï awänydu bï tɔ piɔl yic, ku cä piɔ̈u kok wo yïn, ku cä yïn päl. Yïn bï dhil luöi këtuc në biäk de kë cï looi.” Bɛ̈nydït Awärjäŋ yen aa jam.

Edhekiɛl 24:14 ပူးပေါင်းရင်းမြစ်များ

Jop 27:22

abïï Nhialic luöi keek në riɛlde ke cïn kokdepiɔ̈u, ku themkï bïk röt wäär wei.

Diɛt 33:9

Kë cï lueel ë rɔt bɛ̈n looi, ku löŋde ee kɔ̈ɔ̈c ë cökiic.

Yith 3:11

Ku lɛ̈kë kɔc ee karɛc looi an, amawoou në week, luɔi de cinken yen abï luöi keek.

Yith 55:11

Yen abï ciët täu de wɛ̈t bä lueel ë yathok, acïï bï ya baaŋ, ke cïï kë cä guiir bï looi, abï këriëëc ëbɛ̈n cä tuöc en lɔ looi.

Jeremia 13:14

Ku ëtɛ̈ɛ̈n abä keek jɔ dhuööŋ cï guöl, ŋɛk në ŋɛk kɔ̈u, röördït ku dhuök akït. Acïn kokëpiɔ̈u, ku cïn dhiënëpiɔ̈u, ku cïn pïïu ke nyin bï A tɔ päl luɔi näk Yɛn keek.”

Jeremia 23:20

ku acïï bï kɔ̈ɔ̈c agut të bï yen kë kɔɔr bïï looi kɔn looi. Ku në akööl bï bɛ̈në kɔcke abïk ee kënë yökic apiɛth.”

Jeremia 4:18

Juda, yïn cï ee kënë luöi rɔt yïtök në kueerduön ee yïn pïïr, ku në biäk de kakuön cï looi. Karɛcku acïk yïn tɔ nuan, acïk yïn gut piɔ̈u.

Edhekiɛl 16:43

Yïn cï nɔm määr wään mɔ̈k yɛn yïn, ɣɔn koor yïn, ku yïn cï ya tɔ göth në biäk de kakuön cï looi kedhie. Yeka ta yɛn yïn col keek kedhie. Eeŋö yïn kake bal mat në karɛc kɔ̈k cï looi?” Bɛ̈nydït Awärjäŋ yen aa jam.

Edhekiɛl 17:24

Tiim tɔ̈u ee pinyë kedhie abïk ŋic nɔn ee yɛn Bɛ̈nydït, yɛn ee tim bär yiɛp piny, ku ta tiim cek dït abïk bɛ̈ɛ̈r. Yɛn ee tiim tɔ̈c tɔ biɔɔr, ku ta tiim cï riɔu tɔ tɔ̈c. Yɛn Bɛ̈nydït Awärjäŋ, yɛn aa jam. Yɛn bï kë cä lueel dhil looi.”

Edhekiɛl 18:30

“Ënɔɔnë yɛn Bɛ̈nydït Awärjäŋ, wek lɛ̈k baai de Yithriɛl nɔn bän we luöi këtuc, ŋɛk abï aa luöi këtuc rɔ̈ŋ ke kë cï looi. Jakï röt puk në luɔi de karɛc yak looiyë yiic, ku duökï awɛ̈ɛ̈ckun tɔ riäk week.

Edhekiɛl 22:31

Ka yɛn bï agönhdï tɔ lööny në ke kɔ̈ɔ̈th, ku abä ke riɔ̈ɔ̈k cï mac në biäk de ka cïk looi.” Bɛ̈nydït Awärjäŋ yen aa jam.

Edhekiɛl 23:24

Abïk yïn mak, në biäk të lɔ rut ke cath ke rem dïït de tɔŋ nu në abëël kɔ̈ɔ̈th, ku abëël ɣɛ̈ɛ̈c kacaam. Kɔc gël ë kööt ku akuup ke tɔŋ, abïk we gɛɛu cil. Wek bä tääu në kecin, ku abïk week luöi këtuc në lööŋken kapäc.

Edhekiɛl 23:29

Ku në biäk mɛɛn kek week abïk këriëëcduön tɔ̈u ke week jɔt ëbɛ̈n, kakuön ë luɔikï keek, ku yɔtkï wekɔ̈ɔ̈th në lupɔɔ ku nyiëëŋkï we piny ke we abäk ciët diëër akɔɔrröör. Ŋɔ̈ɔ̈ŋdun ku kɔ̈ɔ̈rduön ë röör

Edhekiɛl 24:15

Ago jam de Bɛ̈nydït bɛ̈n tëde yɛn an:

Edhekiɛl 30:9

“Të le ee köölë bɛ̈n ku cï Rip riɔ̈ɔ̈k, ke Yɛn bï tuuckï tooc në abëël wïïr bïk kɔc ke Ethiopia cie diɛɛr lɔ jat nhial, ku abïk riɔ̈ɔ̈c arëët. Yen ee köölë abɔ̈!

Edhekiɛl 36:19

Acä ke bɛ̈n jɔ̈ɔ̈ny në kueerdɛn ye kek pïïr ku të ye ke kaken luɔɔi thïn, guɔ ke thiäi piny në juöör ke piiny lei yiic.

Edhekiɛl 5:11

“Ka ënɔɔnë, ke ya ye Nhialic pïïr, kënë ee jam de Bɛ̈nydït Awärjäŋ në biäk cä wek tëdiën ɣeric dhiöök në kërac yak looi ëbɛ̈n, kanhiany cäk looi, we bä ke nɔ̈k ke cïn kokëpiɔ̈u.

Edhekiɛl 7:3

“Yithriɛl, thök acï bɛ̈n. Yïn bï agönhdï yök në yïguöp, në biäk luöi Ɛn yïn këtuc në biäk de kë cï looi. Yïn bä gäm ariöp de karɛckuön cï looi.

Edhekiɛl 7:4

Yïn cä bï kɔn pɔ̈l ku cä yïn nyuth kokdepiɔ̈u. Yïn bä luöi këtuc në biäk de karɛckuön cï looi, ago jɔ ŋic nɔn ee Yɛn Bɛ̈nydït.”

Edhekiɛl 7:8

“Në akööl lik bï bɛ̈n tueŋë, yïn bï riɛl de agönhdï yök. Yïn luöi këtuc në biäk de kë cï looi, ku yïn bä cuöl ariöp de karɛckuön cï looi ëbɛ̈n.

Edhekiɛl 7:9

Yïn cä bï kɔn pɔ̈l ku cä yïn nyuth kokdepiɔ̈u. Yïn bä luöi këtuc në biäk de karɛckuön cï looi, ago jɔ ŋic nɔn ee Yɛn Bɛ̈nydït, ku ee Yɛn ee raan ee kɔc luöi këtuc.”

Edhekiɛl 8:18

Abïk riɛl de agönhdï yök ëbɛ̈n. Acä keek bï pɔ̈l, ku cä piɔ̈u bï kok wo keek. Abïk a lɔ̈ŋ aläl në awuɔɔu dït, ku yɛn cïï lɔ̈ŋden bï piŋ.”

Edhekiɛl 9:10

Ku Yɛn cïï piɔ̈u bï kok wo keek, abä keek luöi ka wään cïk keek kɔn luöi kɔc kɔ̈k.”

Dhek 8:14

Kë cï Bɛ̈nydït de rɛm lueel kï an, “Cït man ɣɔn cï kuarkun ya wööc piɔ̈u, guɔ kërɛɛc bä luöi keek kiëët, ku cä päl, dhiɛl luöi keek ke ya cïï yanɔm waar.

Kuɛ̈n 11:23

Go Bɛ̈nydït pɔ̈k Mothe nɔm an, “Ye tak kënë duëër Ɛn ban në luɔi? Abä tïŋ ënɔɔnë, na bï ke cä lueel rɔt lëu në luɔi ku nɔn cïï rɔt bï lëu!”

Kuɛ̈n 23:19

Nhialic acïï lueth ee töör, acie raan. Ku cïï yenɔm ee waar cït man ë raan. Ke cï than ee rɔt tiiŋ, ku ke cï lueel, ee rɔt looi.

Math 16:27

Wën ë Raan abï bɛ̈n në dhuëëŋ de Wun kekë tuuckɛn nu nhial, ago raan riɔp ëbɛ̈n në kë rɔ̈ŋ në luɔide.

Math 24:35

Tënhial abï nyai ayï piny, ku wëlkï acïkï bï nyai ananden.

1 Tham 15:29

Nhialic Adhuɛ̈ŋ de Yithriɛl acie tör ku acïï yenɔm ee waar, në luöi cïï yen ee raan, ago yenɔm aa waar.”