Edhekiɛl 24:11 - JAM DE NHIALIC 2011

¹¹ Ënɔɔnë tääuwë tööny de maläŋ cïn yic këdäŋ në cool nïïm, ke bï tuöc abïï thiɛth. Ëtɛ̈ɛ̈n töny, abï yic bɛ ɣɛɛr të cï acuɔl wään tɔ̈u thïn nyaai

Edhekiɛl 24:11 ပူးပေါင်းရင်းမြစ်များ

Yith 1:25

Yɛn bï Yanɔm wɛ̈l week në agɔ̈th, ka wek bä tɔ agɔk cït man ye wëëth lëëŋ abï lɔ kïr, ka Yɛn bï acoldun ëbɛ̈n nyaai.

Yith 27:9

Ku awäny de Yithriɛl abï päl en të cïï kek yïïk ke yiëth kɔ̈k dhuɔŋ piny, ku cïn yïïk ke wal ŋïr be tɔ̈u ayï kïn de yanh tik Acera.

Yith 4:4

Ku në riɛlde Bɛ̈nydït abï löŋ guiir, ku jɔ jur tɔ ɣeric ku wɛɛk awäny de Dhiɔn wei, ku lɔ rim ɣɔn cï lɛ̈u piny ë Jeruthalem.

Jeremia 21:10

Acä dhel nɔn cän ee pänydïïtë bï pɔ̈l, abä riɔ̈ɔ̈k. Abïï gäm melik de Babilonia, ku abïï nyuɔp piny. Acä lueel, Yɛn Bɛ̈nydït.”

Jeremia 32:29

ku abïk ɣɔ̈k mac. Abïk nyuɔp piny kekë ɣööt ëtök, ɣööt cï kɔc Yɛn tɔ göth në nyum ye kek wal ŋïr nyuöp Baal ë ɣööt nïïm, ku yek miɔ̈c de mɔ̈u ye poor gäm yiëth kɔ̈k.

Jeremia 37:10

Cakaa wek ë tiam rem de tɔŋ ë Babilonia ëbɛ̈n, abï kɔc de gup tëtöök döŋ, ke ke nin ë pɛɛnyken yiic, kek ee röörkë abïk ŋoot ke ke jɔt röt ku nyopkï pänydït piny.”

Jeremia 38:18

Ku na kën ë rɔt gam, ka ee pänydïïtë abïï gäm kɔc ke Babilonia, ku abïk nyuɔp piny, ku yïn cïï bï ban tëde keek.”

Jeremia 39:8

Ku ëtɛ̈ɛ̈n, kɔc ke Babilonia acïk ɣön de bääny bɛ̈n nyuɔp piny, ku nyopkï ɣööt ke kɔc, ku jiëpkï kal de Jeruthalem piny.

Jeremia 52:13

Go Luaŋdït nyuɔp piny, ku nyop ɣön de bääny, ku nyop ɣööt ke kɔc de naamden ëbɛ̈n ë Jeruthalem,

Edhekiɛl 20:38

Yɛn bï kɔc ee löŋ rɛɛc ku kɔc ee karɛc looi nyaai në we yiic. Abä ke bɛ̈ɛ̈i bei pinydɛn ciɛŋkï ënɔɔnë, ku acä ke bï bɛ tɔ puk kenïïm piny de Yithriɛl. Ëtɛ̈ɛ̈n abäk jɔ ŋic nɔn ee yɛn Bɛ̈nydït.”

Edhekiɛl 24:10

Bɛ̈ɛ̈iyë tiim juëc kɔ̈k! Kɔ̈l lɔ̈k de mac! Thal rïŋ! Piäärë cuaai kɔ̈ɔ̈th! Nyuɔpë yom piny!

Edhekiɛl 36:25

Wek bä ke wiëth gup pïïu lɔ kïr, ku wek bä waak gup në karɛckun ëbɛ̈n, ku gël week në yiëthkun ku këriëëc cï we dhiöök ëbɛ̈n.

Malakai 4:1

Piɛŋkï kë lueel ë Bɛ̈nydït de rɛm an, “Kööl abɔ̈ ë yic, kööl bï tuöc arëët cït many ë tim cï riɔu. Ee kööl bän kɔc ee kenïïm ɣääc nyuɔp piny kedhie abïk dëp cït man aɣɔ̈l, ayï kɔc ee karɛc looi. Abïk dëp kedhie taitai abï ciën raan tök në keyiic.

Math 3:12

amuk kën ee yen rap kɔ̈l ë yeciin, ku abï yiɛɛude nap abï lipëlip, ago agamɔde kuöt ë adhaanic, ku nyop ayiɛl ë many cie lëu në näk.”