Edhekiɛl 23:5 - JAM DE NHIALIC 2011

⁵ Cakaa nɔn yen këdï, Oɣola aŋoot ke ye akɔɔrröör, ku acï guöp thiäŋ ke ŋɔ̈ɔ̈ŋ de nhiëër ë määthke kɔc ke Athiriya.

Edhekiɛl 23:5 ပူးပေါင်းရင်းမြစ်များ

1 Mel 14:16

Bɛ̈nydït abï Yithriɛl pɔ̈l në biäk cï Jerobowam wäc ku thel kɔc ke Yithriɛl në awäcic.”

1 Mel 14:9

Yïn cï kërɛɛcdïït wär kërɛɛc ë kɔc ë cï kɔn aa bäny në yïnɔm tueŋ looi. Yïn ë Ya rɛɛc ku tɔ Ya göth në këde yanhduön cï looi, ku wënh cï thɔ̈ɔ̈th bä ya lam.

1 Mel 15:26

Acï kërac looi në Bɛ̈nydït nɔm cït wun, ago kɔc ke Yithriɛl tɔ wäc.

1 Mel 15:30

Kënë ë rɔt looi në biäk cï Jerobowam Bɛ̈nydït, Nhialic de Yithriɛl tɔ göth, në karɛc cï ke looi, ku tɔ Yithriɛl loi kërac.

1 Mel 21:26

Acï kërɛɛc mɛɛn Bɛ̈nydït looi, në luɔi yen yiëth lam, cït kë ɣɔn ye kɔc ke Amor looi, kɔc ɣɔn cïï Bɛ̈nydït thiäi wei në Yithriɛl nɔm).

2 Mel 15:19

Go Tiglath Pilethar melik de Athiriya bɛ̈n bïï pinyden mak, go Menaɣem ye gäm aguum kathiërdiäk ku ŋuan 34,000 ke kilɔɔ gram ke ateek, ke bï yen kuɔny, ago Menaɣem tɔ̈u në riɛlde yic ke mac wunde.

2 Mel 16:7

Go Aɣadh kɔc tuöc Tiglath Pilethar melik de Athiriya an: “Ee yɛn lïmdu, ku ya wëndu, bä kony ɛn në melik de Thiriya, ku melik de Yithriɛl, kɔc mɛk ɛn.”

2 Mel 17:3

Na wën ke Calmanether melik de Athiriya ë took wut ku mɛk, go Ɣocia rɔt thön en ku ye kuöt athölbö në ruöön thok ëbɛ̈n.

Jeremia 50:38

Bɛ̈ɛ̈iyë yaak pinyde, ku tɔ kiɛɛrke ril wei. Babilonia ee piny de yiëth ee kɔc riääc, yiëth cï kɔc tɔ mum nïïm.

Edhekiɛl 16:28

“Në biäk kën yïn piɔ̈u thök we kɔc kɔ̈k, go lɔ ke yï kɔt në kɔc ke Athiriya cök. Yïn aye tiiŋdɛn akɔɔrröör, ku yïn kën piɔ̈u kuɛth we keek aya.

Edhekiɛl 16:37

Në biäk de ee kënë yɛn bï määthkuön thɛɛr kedhie määt yiic, ka nhiaar keek ku ka man keek. Abä keek bɛ̈ɛ̈i në yïlɔ̈ɔ̈m, abïk yïn gɛɛu cil, ku yɛn bï lupɔɔ yɔ̈ɔ̈t bei në yïkɔ̈u ku ja ke tɔ woi yïn ke yï cï kɔ̈u lupɔ.

Edhekiɛl 23:12

Yen aya aacï thiäŋ në ŋɔ̈ɔ̈ŋ ke kɔɔr bäny ku adhuëëŋ ku bäny ke rem de tɔŋ de Athiriya, ku jööt ceŋ ka ke tɔŋ, ku akɔɔr kɔc cath ë jöŋgöör kɔ̈ɔ̈th, ku lɔ dhuök piɛth ëbɛ̈n.

Edhekiɛl 23:16

Na wën cï ke tïŋ, go ë ŋɔ̈ɔ̈ŋ guɔ thiɔ̈ɔ̈ŋ piɔ̈u, go kɔc tuöc keek në Babilon.

Edhekiɛl 23:20

Acï piɔ̈u thiäŋ ke ŋɔ̈ɔ̈ŋ de röör dhööm, kɔc thiäŋ piɔ̈ɔ̈th ë ŋɔ̈ɔ̈ŋ cït ŋɔ̈ɔ̈ŋ de mul kekë joŋgöör.”

Edhekiɛl 23:4

Nyandïïtë acɔl Oɣola, ku yen atɔ̈u ë nyin de Thamaria yic, ku nyan thiinë acɔl Oɣoliba, ku yen atɔ̈u ë nyin de Jeruthalem yic.” Guɔ ke thiaak kedhie kaarou gokï yɛn dhiëth mïth.

Edhekiɛl 23:7

Yen aaye akɔɔr röör de bäny ke rem de tɔŋ de Athiriya kedhie, ku ŋɔ̈ɔ̈ŋdɛnë acïï yen tɔ riäk rɔt në läm ee yen yiëth ke Athiriya lam.

Edhekiɛl 23:9

Guɔ lɔ gäm röör määthkɛn ke Athiriya röörkɛn nhiɛɛr arëët.

Ɣodh 10:6

Ku yath abï yiɛ̈n meliŋ de Athiriya, ke ya ariöp. Ku Yithriɛl abï yäär, ku abï guöp riɔ̈ɔ̈c, në biäk ye kek yiëth ke tiim lam.

Ɣodh 12:1

Eparaim acamkï ɣääriic. Ayek yom de aköl amiäk cop cök ëceŋ. Ku acïk tör ŋuak nyin, ku tɔɔŋ acïk juëc në keyiic. Acïk mät looi në Athiriya ku Rip, ku ayek miök de olip gäm keek kɔk kek keek.

Ɣodh 5:13

“Na wën, aacï Yithriɛl rɔt yök acï tɔŋ thueet cït raan de jɔk, ku yök ë Juda rɔt acï thueet cït kë de guöp tëtöök, acïk bɛ̈n lɔ tëde meliŋdïït de Athiriya, le ke kony. Ku akën ë melik keek bɛ̈n lɔ kuɔny ku cïï keek tɔ ŋuɛ̈ɛ̈n, ku cïï tëtöökken tɔ dem.