Edhekiɛl 23:37 - JAM DE NHIALIC 2011

³⁷ Keek acïk röör kɔɔr ku näkkï kɔc, acïk köör në yiëth ku näkkï mïth cïk keek dhiëth ɛn. Acïk wɛ̈ɛ̈tkï nɔ̈k ke ke ye miɔ̈c näk gëmë ke yiëthken.

Edhekiɛl 23:37 ပူးပေါင်းရင်းမြစ်များ

2 Mel 17:17

Agokï wɛ̈ɛ̈tken ku duetken aa gam ke ke ye miɔ̈c de nyop de yiëth, ayek jam në yiëth, ku cɔ̈ɔ̈rkï në tït ke yiëth nïïm, acïk röt ɣɔ̈c luɔi de kërac në Bɛ̈nydït nyin, ku kënë acï Bɛ̈nydït tɔ göth arëët.

2 Mel 21:6

Ku nɛ̈k wënde ke ye miɔ̈c ye nyop ëbɛ̈n, cɔ̈ɔ̈r en, ku lɛm yiëth ku looi athuɛ̈ɛ̈th, ku ee ka bï tuöl wadäŋ caar. Ë kajuëc rac looi në Bɛ̈nydït nyin, ago Bɛ̈nydït gɔ̈th arëët.

2 Mel 23:10

Go melik yïïŋ de Topeth tɔ nhiany, ɣɔn nu ë Wak de wɛ̈ɛ̈t ke Ɣinomic, ke cïn raan bï wënde ku nɔn ee nyande be lɔ gam ke ye miɔ̈c nyupë yanh cɔl Molek.

2 Mel 24:4

ku në biäk de rim de kɔc cï ke nɔ̈k ëbɛ̈n ke cïn kë cïk wööc. Bɛ̈nydït acïï Manatha bï pɔ̈l në biäk de ee kënë.

Yith 1:15

“Të la wek we cin taar në lɔ̈ŋ, wek cä bï lieec, na we cak lɔ̈ŋ në lɔ̈ŋ yïndï, ke acä bï piŋ, në luɔi cïï cinkun thiäŋ në rim.

Jeremia 32:35

Acïk yïïk yiɛ̈k Baal ë wak de Ɣinom yic, bïï kek wɛ̈ɛ̈tken ku duetken aa näk yanh cɔl Molek. Akën ke yɔ̈ɔ̈k bïk ee kënë looi, ku akën lɔ ë yanɔm aya nɔn duëër kek kë cït ee kënë looi, agokï kɔc ke Juda tɔ loi kërac.”

Jeremia 7:31

Në Wak de Ɣinom yic acïk yïïŋ cɔl Topeth yïk, agokï wɛ̈ɛ̈tken ku duetken nɔ̈k ë macic. Akën keek yɔ̈ɔ̈k bïk ee kënë looi, akën kɔn lɔ në yanɔm aya.

Jeremia 7:6

Duökï alɛi ee cam, ku mïth abɛɛr, ku diëër abɛɛr. Ku duökï kɔc cïn gup awɛ̈ɛ̈c ee nɔ̈k ee pinyë. Duökï yiëth kɔ̈k ee lam, kënë abï week riɔ̈ɔ̈k.

Jeremia 7:9

Wek ee kual, ku näkkï, ku nämkï diäär, ku yak kuëëŋ në lueth, ku nyuöpkï Baal wal ŋïr, ku lamkï yiëth kënkï keek kɔn ŋic ɣɔn thɛɛr.

Edhekiɛl 16:32

Yïn cït tiiŋ akɔɔrröör ee alɛi kɔɔr, ku cïï monyde nhiaar.

Edhekiɛl 16:36

Kë lueel ë Bɛ̈nydït Awärjäŋ kï: “Yïn cï lupɔɔku yɔ̈ɔ̈t bei, në yïkɔ̈u, ku jɔ rɔt gäm määthku, ku gämë rɔt yiëthkuön rackë kedhie cï tiiŋ akɔɔrröör, ku yïn cï mïthku nɔ̈k ke ke ye miɔ̈c de yiëthku.

Edhekiɛl 16:38

Yïn bä luöi këtuc në biäk de kɔ̈ɔ̈r ë diäär ku nääk de kɔc, ku në agönhdï, ku tuöc de piɔ̈ndï yïn bä mäc thuɔɔu.

Edhekiɛl 16:45

Yïn guöp yïn ee nyan de moor. Aman monyde ku mïthke. Yïn cït nyïïrëkɔckun, kɔc man röörken ayï mïthken. Yïn wekë pɛ̈ɛ̈nydït nyïïrëkɔckun, we cï dɛk mɔɔrdun Ɣit ku Amor.

Edhekiɛl 20:26

Acä ke tɔ riäk röt në miɔ̈cdɛn yek gam, ku ta ke gɛm wɛ̈ɛ̈t kɛ̈iken. Kën ee luɔi bän ke luöi këtuc, ku nyuöth keek nɔn ee yɛn Bɛ̈nydït.

Edhekiɛl 20:31

Agut cï ee köölë, wek ee miɔ̈c töŋë gam, ku jakï röt riɔ̈ɔ̈k në ee yiëth mankë, në gɛm ya wek mïthkun gam, tɔ ke ye miɔ̈c ye nyop ëbɛ̈n në mac yic. Ku ayadäŋ baai de Yithriɛl wek ee ŋoot ke we thiëc ɛn, eeŋö ye ee këde piɔ̈ndï! Ee yic, ke ya ye Bɛ̈nydït Awärjäŋ, yɛn ee Nhialic pïïr, wek cä bï bɛ pɔ̈l athiëc këdäŋ tëde yɛn.

Edhekiɛl 23:39

Kööl man yen nɛ̈k kek wɛ̈ɛ̈tkï ke ke ye miɔ̈c näk gëmë yiëthken, acïk bɛ̈n tëdiën ɣeric ku dhiökï!

Edhekiɛl 23:45

Kɔc piɛthpiɔ̈ɔ̈th abïk löŋden guiir në biäk de kɔ̈ɔ̈r ë diäär ku nääk de kɔc, ku në biäk ye kek kɔ̈ɔ̈r ku cïk cin thiäŋ në rim.”

Ɣodh 1:2

Të ɣɔn gɔl ë Bɛ̈nydït jam kekë kɔc ke Yithriɛl në kueer de Ɣodhiya, kë ë kɔn lɛ̈k en kï an, “Lɔ thiak tiiŋ akɔɔrröör, ke bï yï dhiëth mïth kɔ̈k adhiëthlëër. Në biäk cïï kɔckï ya nyääŋ piny, ku lamkï Baal.”

Ɣodh 3:1

Go ë Bɛ̈nydït lɛ̈k ɛn an, “Ɣodhiya, be tiiŋdu nhiaar na cakaa nɔn yen röör kɔɔrë. Nhiaar cït man nhiɛɛr ë Bɛ̈nydït Yithriɛl, na cakaa nɔn cï kek A puɔ̈l ku gamkï yiëth, ku nhiaarkï cäm de këcam de mïth ke enap cï riɛl ye kek Baal lam.

Ɣodh 4:2

Aciɛɛn yen aya wek röt cieen, ku tɔ̈ɔ̈rkï röt lueth, ku näkkï röt, ku cuɛ̈ɛ̈rkï röt, ku nɔ̈mkï diäär ë röt. Wek ee lööŋ mäc röt, ku gɔ̈thkï ku dhuööŋkï kekɔ̈ɔ̈th. Ku wek ee riɛm lëu ë cieŋ.

Lebai 18:21

Du meth gɛm në mïthku yiic, bïï lɔ näk yanh cɔl Molek. Në biäk cïï yïn rin ke Nhialicdu bï läät. Ee Yɛn Bɛ̈nydït.

Maika 3:10

Wek yïk Jeruthalem pänydïït de Nhialic, në nääk ku luɔi de kërac.

Luk 13:34

Jeruthalem oou, Jeruthalem oou, paan ë tït nɔ̈k, ku biöök kɔc në kur kɔc cï tuöc yïn, ee nïn kadï cän piɔ̈u dɛ kum kuöm ɛn mïthku, cït man ee ajïth mïthke kum ë yewuök, ku acäk rɛɛc!

Nyöŋ 12:31

Duökï Bɛ̈nydït Nhialicdun ee lam në kueer ye kek yiëthken lam, në biäk ye kek kanhiany looi ë läm de yiëthken yiic, ka mɛɛn Bɛ̈nydït. Arëk ayek mïthken gam näk keek në mac në yïkken nïïm.