Edhekiɛl 23:35 - JAM DE NHIALIC 2011

³⁵ Ënɔɔnë kë lueel ë Bɛ̈nydït Awärjäŋ kï: “Në biäk cïï yïn nɔm määr në yɛn ku wɛ̈lë yïkɔ̈u yɛn, yïn bï nuan në ŋɔ̈ɔ̈ŋdu kekë kɔ̈ɔ̈rduön ë röör.”

Edhekiɛl 23:35 ပူးပေါင်းရင်းမြစ်များ

1 Mel 14:9

Yïn cï kërɛɛcdïït wär kërɛɛc ë kɔc ë cï kɔn aa bäny në yïnɔm tueŋ looi. Yïn ë Ya rɛɛc ku tɔ Ya göth në këde yanhduön cï looi, ku wënh cï thɔ̈ɔ̈th bä ya lam.

Neɣe 9:26

“Ku kɔcku acïk jaai ku reeckï Yïthok, acïk kekɔ̈ɔ̈th wɛ̈l lööŋku, acïk tïtkuön ee keek yɔ̈ɔ̈k nɔ̈k, kɔc ee keek yɔ̈ɔ̈k bïk röt dɔ̈k Yïn, keek ayek Yï läät në län rac në thaar nyin ëbɛ̈n.

Kɛ̈ŋ 30:9

ku cä bï kuɛth abä nɔm määr në Yïn, ku na cä dak, ke yɛn duëër dhil kual ku ta rinku lɛ̈ɛ̈të.

Yith 17:10

Yithriɛl wek cïï nïïm määr në Nhialic ɣɔn luäk week, ku gël week cï kuur dït. Ënɔɔnë we cï röt cuöm duum yaath, në luɔi bä wek yiëth lei aa lam.

Jeremia 13:25

Acï lueel, an kënë abï aa riääk bï we yök. Yen kë cï lueel ka an bï luöi week, në biäk cä wek nïïm määr ë yen ku ŋäthkï yiëth aluɛth.

Jeremia 2:27

Wek bï yɔ̈ɔ̈r gup, wek kɔc ee ye lueel nɔn ye tim wuur ku ye kuur moor. Kënë abï rɔt looi në biäk cïï wek röt yal wei tëde Yɛn në nyin duëër wek röt dɔ̈k Ɛn, ku na tɔ̈ukï në riääkic, wek ee Ya bɛ̈n kɔɔr bä we kony.

Jeremia 2:32

Duëër tiiŋ koor nɔm määr në kuatdɛn adhääp, ku nɔn ee yen nyan thiak duëër nɔm määr në lupɔɔkɛn ke thiëëk? Ku kɔckï acïk nïïm määr në Yɛn në nïn juëc cïï ke duëërë kueen.

Jeremia 2:7

Acä keek bɛ̈ɛ̈i piny ee ŋiëc luɔk, bïk kak ee luɔk cam ku kapiɛth kɔ̈k. Ku acïk pinydï riɔ̈ɔ̈k, acïk pinydiën cä gäm keek jɔ dhiöök.

Jeremia 23:27

Ayek tak an bï nyuöth cïk lueel kɔckï tɔ mär nïïm në yɛn, cït man ɣɔn cï kuarken nïïm määr në yɛn ku pukkï röt Baal.

Jeremia 3:21

Awuɔɔu aye piŋ në kur nïïm, ee kɔc ke Yithriɛl kek adhiau ke ke gööny, në biäk cï kek rëër në luɔi de karɛciic, ku cïk nïïm määr në Bɛ̈nydït Nhialicden.

Jeremia 32:33

Acïk kekɔ̈ɔ̈th wël Yɛn, cakaa nɔn yan ŋoot ke ke wɛ̈ɛ̈t, acïkï kɔ̈ɔ̈r bïk wɛ̈ɛ̈t ku ŋickï käŋ.

Edhekiɛl 22:12

Kɔckuön kɔ̈k aye keek riɔp në luɔi bïï kek näk. Kɔ̈k ayek aŋuëk nööm ë wëu cï kek kɔckɛn ke Yithriɛl kony kɔ̈ɔ̈th, ku jɔkï kuɛth në cäm ciɛm keek. Acïk nïïm määr në yɛn.” Bɛ̈nydït Awärjäŋ yen aa jam.

Edhekiɛl 44:10

Go ë Bɛ̈nydït lɛ̈k ɛn an, “Yɛn lui Lebaikë këtuc, në kɔc kɔ̈k ke Yithriɛl, kɔc wään cï ya nyääŋ piny ku lek yiëth lam.

Edhekiɛl 7:4

Yïn cä bï kɔn pɔ̈l ku cä yïn nyuth kokdepiɔ̈u. Yïn bä luöi këtuc në biäk de karɛckuön cï looi, ago jɔ ŋic nɔn ee Yɛn Bɛ̈nydït.”

Ɣodh 13:6

Të ɣɔn cääm Ɛn week, wek ë ye kuɛth, ku të cä wek kuɛth, ke wek ɣɛ̈ɛ̈c wenïïm, ku määrkï nïïm në Yɛn.

Ɣodh 8:14

“Yithriɛl ë nɔm määr në Aciëŋ ë cak keek, ku acïk röt yiëk ɣööt dït läk. Ku kɔc ke Juda acïk pɛ̈ɛ̈nydït juëc cï gël yïk. Ku Yɛn bï pɛ̈ɛ̈nydïtken ɣɔ̈k mac, ku nyuɔp ɣöötken piny.

Lebai 24:15

Ku yöökë kɔc ke Yithriɛl an raan ëbɛ̈n raan lɔ Nhialic lɔ lät aciɛɛn, acï kërac looi.

Kuɛ̈n 14:33

Ku mïthkun abïk tai në jɔ̈ɔ̈ric në run kathiërŋuan ke ke gum abï raan töŋ thïk wecök kɔn thou. Në baŋ cä wek Ɛn dhɔ̈ŋ röl.

Kuɛ̈n 14:34

Wek bï gum në biäk de awänydun në runiic kathiërŋuan. Kööl tök, në akööl ɣɔn caath wek piny kathiërŋuan, abï nɔm aa ruöön tök. Yen abä wek en jɔ ŋic ëgɔk nɔn cän piɔ̈u diu.

Kuɛ̈n 18:22

Ë cïn raan däŋ de Yithriɛl ee lɔ në paany de mät lɔ̈ɔ̈m, ke ke cïï kërac bï looi ku yïnkï röt thuɔɔu kapäc.

Romai 1:28

Reec cï kek ŋïny de Nhialic rɛɛc muk ë kepiɔ̈ɔ̈th, yen aa koonë Nhialic keek, abïk nïïm rac ëtaiwei, bïk käŋ aa looi ka cïï röŋ ë luɔi duëër raan ke looi.