Edhekiɛl 22:7 - JAM DE NHIALIC 2011

⁷ Wek kɔc tɔ̈u në pänydïtic we cïï wärkun ku märkun ee riëëu. Wek ee alɛi math ku yak kake diëër abɛɛr ku mïth abɛɛr nööm.

Edhekiɛl 22:7 ပူးပေါင်းရင်းမြစ်များ

Diɛt 94:5

Bɛ̈nydït, acïk kɔcku duöm piny, ku yɔŋkï kɔcku.

Diɛt 94:6

Ayek diëër abɛɛr ku mïth abɛɛr nɔ̈k, ku nɛ̈kkï alɛi rɛ̈ɛ̈r piny de Yithriɛl.

Bɛ̈n 20:12

“Ye wuur riëëu ke moor, ke yï bï cieŋ ke yï rɛ̈ɛ̈r piny gëm ë Bɛ̈nydït Nhialicdun week.

Bɛ̈n 21:17

“Raan lɛ̈m wun kërac, ku nɔn ee yen man ke näk.

Bɛ̈n 23:9

“Du raan lei kuc luööi. Täu de raan lei aŋiɛckï, në luɔi ɣɔn cä wek kɔn aa kɔc lei paan ë Rip.

Kɛ̈ŋ 20:20

Mïth ee wärken ku märken läät, abïï ke pïïrden teem kɔ̈u.

Kɛ̈ŋ 30:11

Kɔc kɔ̈k ayek wärken läät, ku acïkï märken ee thieei.

Kɛ̈ŋ 30:17

Mïth cïï wärken ee riëëu ku rɛɛckï lööŋ ke märken, abïï gɛk ke wakic ke lɔ̈l nyïïn bei ku ŋueet ajël ke cuɔɔr keek.

Yith 1:17

ku wɛ̈ɛ̈tkï bäk yic aa looi. Abäk dhil tïŋ ke yic ye looi, ku kuɔnykï kɔc cï yɔŋ, ku yak mïth abɛɛr gäm yicden ku kuɔnykï diëër abɛɛr.”

Yith 1:23

Bänyku ayek A rɛɛc, ku mɛ̈ɛ̈thkï në cuɛ̈ɛ̈r, ku ayek miɔ̈c ku kumthok nööm kedhie. Acïkï mïth abɛɛr ee kony ë gööny yic, ku cïkï gööny de diëër abɛɛr cï yiɛ̈n keek ee piŋ.

Jeremia 7:6

Duökï alɛi ee cam, ku mïth abɛɛr, ku diëër abɛɛr. Ku duökï kɔc cïn gup awɛ̈ɛ̈c ee nɔ̈k ee pinyë. Duökï yiëth kɔ̈k ee lam, kënë abï week riɔ̈ɔ̈k.

Edhekiɛl 18:12

Ee kɔc kuanynyïïn math, ku rum ku nööm ka cï ë kɔc gäm yen bï ke tɔ̈ɔ̈u. Ee lɔ në yïk ke kɔc ke yiëth nïïm, ku lɛm yiëth rackë,

Edhekiɛl 22:25

Bäny acïk ciët kɔ̈ɔ̈r kïïu ë läi cïk nɔ̈k kɔ̈ɔ̈th. Ayek kɔc nɔ̈k, ku nömkï wëu kedhie, ku kakɛn cïk yök, ku në nääkdɛn ye kek kɔc nɔ̈k acïk diëër abɛɛr juëc nyääŋ piny.

Edhekiɛl 22:29

Kɔc kueth ayek kɔc math ku rumkï kɔc. Ayek kɔc kuanynyïïn cieŋ arac, ku jɔkï alɛi cam.

Lebai 20:9

Na lɔ raan wun kekë man läm aciɛɛn raanë abï dhil nɔ̈k, në biäk cïï yen wun kekë man lam, ku riɛmde abï nu ë yeyeth yetök.

Dhek 7:10

Duökï diäär cïn nïïm röör ee yɔŋ, ayï abɛɛr, ku kamaan, ku kɔc kuanynyïïn. Ku cïn raan ee mänhë kiëër kiɛɛr rac në yepiɔ̈u.’

Malakai 3:5

Ku lueel ë Bɛ̈nydït de rɛm an, “Ku Yɛn bï lɔ bɛ̈n ë welɔ̈m, bä löŋdun week bɛ̈n guiir, Yɛn bï tït ke yiëth dap bɛ̈n gaany, ku kɔc ee diëër lei kɔɔr, ku kɔc ee kuëëŋ në lueth, ayï kɔc ee kɔc luui keek cam në ariöp de luɔiden, ku kɔc ee diëër cïn nïïm röör yɔŋ, ku yɔŋkï abɛɛr, ku pënkï kamaan yinyden, ku cïkï riɔ̈c në Yɛn.

Mak 7:10

Acï Mothe luel an, Ye wuur riëëu kekë moor, ku an, Raan ee wun lɛ̈k kërac ayï man, ke näkkï abï thou.’

Nyöŋ 24:17

“Duökï yic de alɛi ku yic de mïth abɛɛr ee nööm, ku duökï lupɔ de tiiŋ abaar ee nööm mɛcë ë löny de kë cï dheen nɔm.

Nyöŋ 27:16

‘Aciɛɛn de Nhialic abï tɔ̈u ë raan yeth, raan ee wun kekë man tɔ yäär.’ “Ku abïï kɔc kedhie jɔ bɛ̈ɛ̈r an, ‘Amiin!’

Nyöŋ 27:19

‘Aciɛɛn de Nhialic abï tɔ̈u ë raan yeth, raan lɔ yic de kɔc lei, ku mïth abɛɛr, ku tiiŋ abaar cam.’ “Ku abïï kɔc kedhie jɔ bɛ̈ɛ̈r an, ‘Amiin!’

Nyöŋ 5:16

‘Ye wuur riëëu ke ke moor, cït man cän yïn yɔ̈ɔ̈k Yɛn Bɛ̈nydït Nhialicdun, aguɔkï ceŋ ë run juëc, ku abï piath ke week, piny bï Bɛ̈nydït Nhialicdun gäm week.