Edhekiɛl 22:4 - JAM DE NHIALIC 2011

⁴ We de gup awɛ̈ɛ̈c ke nääk, ku cäk röt dhiöök në yiëth yak looi, ka kööldun abɔ̈, kööldu acï ɣëët! Yen kë ta yɛn juöör tɔ biɔn week ka ku ta piiny dɔl wegup.

Edhekiɛl 22:4 ပူးပေါင်းရင်းမြစ်များ

1 Mel 9:7

ku Yɛn bï kɔc ke Yithriɛl nyaai piny wään cä gäm keek, ku Yɛn bï ë Luaŋdïïtë pɔ̈l, Luaŋdïït cä tɔ ɣeric ke ye të bïï Ya aa lɔ̈ŋ thïn. Ku Yithriɛl abï aa kääŋ tëde raan ëbɛ̈n, ku abïï yɔŋ.

2 Mel 21:16

Manatha acï kɔc juëc cïn kë cïk wööc nɔ̈k në Jeruthalem thok biic, ale guööt ë wut thar ciëën, mɛt rɔt kekë kë cï yen kɔc ke Juda lɛɛr ë karɛciic abïk karɛc looi në Bɛ̈nydït nyin.

2 Lëk 7:20

ke wek bä nyaai piny cä gäm week, ku Yɛn bï Luaŋdït cä thieeiyë ke ee të bï ë Yɛn aa lam thïn nyääŋ piny. Abï kɔc ke wuöt ëbɛ̈n kääŋ aa lueel ku dɔl guöp, ku yek looi arac.

Diɛt 79:4

Juöör thiääk në wook ayek wook läät, abiɔnkï wook ku yek wook dɔl gup.

Jeremia 18:16

Acïk ee pinyë tɔ ee këde riɔ̈ɔ̈c, bï biɔɔn guöp aɣet athɛɛr. Kɔc ee tɛ̈ɛ̈k eenë kedhie ayek gäi në kë cïk tïŋ, ayek kenïïm bet në gäidït.

Jeremia 24:9

Yɛn bï riääk dït bɛ̈ɛ̈i në kegup, ka juöör ke pinynɔm kedhie abïk riɔ̈ɔ̈c. Abïï kɔc ke biɔɔn gup, ku dɔl kɔc ke gup, ku bui keek gup, ku rinken abïï keek tɔ ee këde aciɛɛn në piny nɔm ëbɛ̈n, piny bän keek thiäi thïn.

Jeremia 44:8

Eeŋö ya wek Yɛn tɔ göth, në läm ya wek yiëth lam, ku yak yiëth kɔ̈k nyuöp wal ŋïr ë Rip eenë, të cä wek bɛ̈n ceŋ thïn? Ë we loi ee kënë ke we bï we röt riɔ̈ɔ̈k, ago juöör ke piny nɔm ëbɛ̈n, week aa luööi në abiaan, ku yek rinkun tɔ ee kë de aciɛɛn?

Edhekiɛl 16:57

ku wään kën ë karɛc yak looi kɔn nyuöth kɔc? Ënɔɔnë wek cï ciët yen, we ye bui gup në kɔc ke Edom, ku kɔc ke Pilithiin, ku kɔckuön kɔ̈k thiääk ë week, kɔc man week.

Edhekiɛl 21:28

“Mɛnh ë raan, Cäärë. Caalë kë cä lueel yɛn Bɛ̈nydït Awärjäŋ, lɛ̈kë kɔc ke Ammon ee Yithriɛl läät. lɛ̈kë keek an, ‘Abätäu acï coc ke bï riɔ̈ɔ̈k, acï gɔɔk ke bï näk, abï lɔ biliny cï wilëdeŋ.

Edhekiɛl 22:2

“Mɛnh ë raan, cï rɔt guiir luɔi bï yïn pänydïït cï yic thiäŋ ke kɔc ee kɔc nɔ̈k luöi këtuc? Tɔ ŋic karɛckɛn wään cï ke looi ëbɛ̈n.

Edhekiɛl 23:32

Aye Bɛ̈nydït Awärjäŋ lueel an, “Yïn bï dek në abïny de nyankui, adït yic ku thuth. Kɔc ëbɛ̈n abïk yïn aa bui ku biɔnkï yïguöp, abïny athiäŋ.

Edhekiɛl 23:7

Yen aaye akɔɔr röör de bäny ke rem de tɔŋ de Athiriya kedhie, ku ŋɔ̈ɔ̈ŋdɛnë acïï yen tɔ riäk rɔt në läm ee yen yiëth ke Athiriya lam.

Edhekiɛl 24:7

Ade raan nɛ̈k në pänydït yic, ku riɛm akën kuëër piny të duëër abuui ye thiaan, aa kuëër në kuur kɔ̈u nhial.

Edhekiɛl 24:8

Yɛn cï riɛm nyääŋ piny ëtɛ̈ɛ̈n, të cïï ë yen bï thiaan, të kɔɔr en guur atuc.”

Edhekiɛl 36:15

Piny acïï bï bɛ ŋoot ke piŋ ka lueel juöör dɔl kek yeguöp ku nɔn buikï guöp. Piny acïï bï bɛ ŋoot ke rum jur në mïthke. Acä lueel, Yɛn Bɛ̈nydït Awärjäŋ.”

Danyel 9:16

Yïn cï wook kony wään tueŋ, ku du piɔ̈u be diu wekë Jeruthalem. Ee pänydïïtdu, kuurduön ɣeric. Ee pänydïïtdu, kuurduön ɣeric. Kɔc kedhie kɔc ke wuöt thiääk ë wook, ayek Jeruthalem biɔɔn guöp, ku biɔnkï kɔcku gup, në biäk de karɛckuɔ, ku në biäk de luɔi rɛɛc cïï kuarkuɔ looi.

Lebai 26:32

Yɛn bï pinydun riɔ̈ɔ̈k liŋliŋ, ka kɔc dɛ wek ater rɛ̈ɛ̈r ëtɛ̈ɛ̈n abïk gäi aläl në riääk cït ee kënë.

Kuɛ̈n 32:14

Ku ënɔɔnë wek cï tëde wärkun nööm, rem ë piɛc bɛ̈n de kɔc ee karɛc looi, rɛm cï röt coc kɔɔr bï agöny de Bɛ̈nydït bɛ yiɛ̈n kɔc ke Yithriɛl.

Nyöŋ 28:37

Në ee wuöt bïï Bɛ̈nydït week lɔ thiäi piny thïn, kɔc abïk aa gäi në kë cï rɔt luöi week, we bïï ë kääŋ aa yup, abïk we dɔl gup ku buikï we gup.

Nyöŋ 29:24

ku ëtɛ̈ɛ̈n, juöör abïk jɔ aa lop ëbɛ̈n an, “Eeŋö looi ë Bɛ̈nydït ke cït ee kënë pinydun? Eeŋö tɔ Yen göth aläldïïtë aya?

1 Theth 2:16

Ayek wook pɛ̈n guiëër guïïr wok Juöör jam ë kuny bï ke kony wëi: yen aye kek karɛcken kut nïïm ëcaŋɣɔn: ku agɔ̈th acï bɛ̈n tëde keek ka cïn kë ye döŋ.