Edhekiɛl 22:26 - JAM DE NHIALIC 2011

²⁶ Bäny ke kake Nhialic adhoŋkï lööŋke kɔ̈ɔ̈th, ku acïk ciën riëëu de kaɣer yiic. Acïkï käŋ ee bɛ pɔ̈ɔ̈c yiic në kaam de kaɣer yiic ku ka cïï yiic ɣer. Acïkï kɔc ee bɛ wɛ̈ɛ̈t bï kɔc kapiɛth ku karɛc ŋic, ku ayek kööl de Thabath tɔ cïn naamde. Ku në biäk de ee kënë kɔc ke Yithriɛl acïkï Yɛn ee riëëu.

Edhekiɛl 22:26 ပူးပေါင်းရင်းမြစ်များ

2 Lëk 36:14

Ku däŋ aya, bäny ke kɔc ke Juda, ku bäny ke kake Nhialic, ku kɔc acïk ciɛɛŋ de luɔi de kërac ke juöör thiääk ë keek dɔm yic, gokï yiëth lam, ku jɔkï Luaŋdït tɔ nhiany, të wään cïï Bɛ̈nydït guöpde tɔ ɣeric.

Jeremia 15:19

Go Bɛ̈nydït ee kënë bɛ̈ɛ̈r lueel an, “Na lɔ rɔt puk, yïn bä dhuöny nɔm ciëën, ku yïn bï bɛ aa raan ee ya luööi. Yïn cï jam yic lueel, yïn bï bɛ aa tiëtdï. Kɔc abïk bɛ̈n ciëën tëde yïn, ku acïn kë bï yïn tɔ lɔ tëde keek.

Jeremia 2:8

Bäny de kake Nhialic akënkï thiëëc an, tɔ̈u Bɛ̈nydït ënou? Bäny ke kake Nhialic de nɔmdï akuckï Yɛn. Bäny ke baai acïk A rɛɛc, ku jam tït në rin ke Baal, ku lɛmkï yiëth cïn naamden.

Dhiëëu 4:13

Ku kënë ë rɔt looi, në biäk cïï tït ke Jeruthalem kërac looi, ku bäny de kake Nhialic adekï gup gääk de thon de kɔc cïn kë cïk wööc.

Edhekiɛl 22:8

Wek cï ɣään ɣeriic ee riëëu, ku cäkï kööl de Thabath ee muk.

Edhekiɛl 23:38

Ku acie yen ee kënë ëbɛ̈n yen ë loikï yetök. Acïk tëdiën ɣeric dhiöök ku dhoŋkï kööl ë Thabath kɔ̈u, kööl wään cä lɔc.

Edhekiɛl 36:20

Të cï kek lɔ ë juöör yiic, ayek ayäär yiɛ̈n rinkiën ɣer yiic, në biäk bïï kɔc en lueel an, ‘Kakë ayek kɔc ke Bɛ̈nydït Awärjäŋ ku acïk pinyde dhil nyääŋ piny.’

Edhekiɛl 42:20

go them në biäk kaŋuan kedhie, go yök ye mitïïr bot kaarou ku thiërdhïc, në biäk kedhie. Päny acï rɔt looi ke ye gëlgël në kaam de kë ɣeric kekë kë cïï yic ɣer.

Edhekiɛl 44:10

Go ë Bɛ̈nydït lɛ̈k ɛn an, “Yɛn lui Lebaikë këtuc, në kɔc kɔ̈k ke Yithriɛl, kɔc wään cï ya nyääŋ piny ku lek yiëth lam.

Edhekiɛl 44:23

“Bäny ke kake Nhialic abïk kɔckï dhil aa wɛ̈ɛ̈t në kaam de kaɣer yiic ku ka cïï yiic ɣer, ku kaam de kapiɛth ku kake acuɔl.

Edhekiɛl 44:24

Na de löŋ wɛ̈ɛ̈c kɔc cï tuöl, ke bäny ke kake Nhialic abïk jam teem cït man ë kë cï ë lööŋ lueel. Abïk akööl ke dhuëëŋ cï mac aa riëëu cït man de lööŋkï ku wëëtdï, ku abïk akööl ke Thabath aa muk ke ke ɣer yiic.

Edhekiɛl 7:26

Riäŋë abï bɛ̈n ë riäŋë cök, ku thook luel karɛc abïk aa bɛ̈n. Wek bï nyuuth kɔɔr tëde tiët bï we lɛ̈k ka cï tïŋ. Bäny ke kake Nhialic abïk nïïm ciën kë bï kek kɔc wɛ̈ɛ̈t, ku röördït abïk nïïm ciën ka jiëëm kek kɔc.

Lebai 10:10

Yïn bï kë ɣeric dhil ŋic, ku ŋic ke cïï yic ɣer, yïn bï këpiɛth muk pei, ku muk kërac pei.

Lebai 11:47

Kek lööŋkë, ayek kɔc kuɔny në ŋïny bï kek akeu ŋic, në kaam de lɛ̈n piath ku lɛ̈n cïï piɛth. Ku ayek kɔc kuɔny në luɔi bï kɔc län ye cam ŋic, ku läi kou ke cie cam.

Lebai 13:43

Bɛ̈ny de kake Nhialic, abï ë raanë dhil tïŋ guöp, ku na cï buɔ̈ɔ̈t de tëtöök nu ë yenɔm, të cï baarë, ayï yenɔm tueŋ, na cï buɔ̈ɔ̈t thith ɣeriic röt looi cït man ë wɛnh ee thiäi.

Lebai 20:25

Në biäk de kënë we bï akeu dhil ŋic në kaam de lɛ̈n piɛth ku lɛ̈n rac, ayï din piɛth ku din rac. Duökï röt riɔ̈k në läi ayï diɛt ayï ka ee mol piny, ka cä ke tɔ̈ɔ̈u pei an,, bïk rac në biäkdun.

Malakai 2:7

Ku bäny ke kake Nhialic kek arɔ̈ŋ bïk kɔc aa wɛ̈ɛ̈t në yith ke Nhialic. Ku kɔc aröŋkï bïk lɔ piŋ në wëët de wël ke Nhialic tëde keek, në luɔi ye kek tuny de Bɛ̈nydït de rɛm.

Malakai 2:8

Acï Bɛ̈nydït de rɛm lueel an, “Ku ënɔɔnë, wek bäny ke kake Nhialic, wek ë röt yal wei në kueer yic yic. Ku wëëtdun ë kɔc juëc thɛl ë luɔi de karɛc yiic. Wek ë löŋ wään cä mac wokë kuarkun Lebai dhoŋ kɔ̈u.

Romai 2:24

Rin ke Nhialic aye ke läät ë Juööriic në baŋdun, acït man cï e gɔ̈ɔ̈r.

1 Tham 2:22

Ku Eli ë jɔ dhiɔp. Ku acï piŋ tëde kɔc juëc ke Yithriɛl, nɔn ye mïthke kɔc rac arëët, ku yek diäär nööm, diäär ee luui në paany de mät thok.

1 Tham 2:29

Ku eeŋö tɔ yïn tɔ woi miɔ̈c de Bɛ̈nydït në dït ë piɔ̈u, miɔ̈c Ya kɔɔr tëde kɔckï? Eeŋö, Eli, ee yïn mïthku riëëu awär Ɛn, tɔ keek nöm biäk piɛth në miɔ̈c de Bɛ̈nydïtic, miɔ̈c ye kɔckï gäm Ɛn?