Edhekiɛl 22:21 - JAM DE NHIALIC 2011

²¹ Ee yic, abä ke määt yiic ë Jeruthalem, ku kuɔɔth mac ë kecök, ku ta ke lɛ̈ɛ̈ŋ në agönhdï.

Edhekiɛl 22:21 ပူးပေါင်းရင်းမြစ်များ

2 Mel 25:9

Go Luaŋdït ɣɔ̈k mac, ku ɣön ë melik ku ɣööt ke Jeruthalem ëbɛ̈n, ɣön dït ëbɛ̈n acï nyuɔp piny.

Diɛt 112:10

Kɔc rac ayek ee kënë tïŋ ku göthkï, ayek ke lec reem ku jiëlkï, kë ye kɔc rac kɔɔr ee kë cïn naamde.

Diɛt 21:9

Abïï ke riɔ̈ɔ̈k cït man ë lɔ̈k de mac të cï en tïc. Abïï Bɛ̈nydït ke riɔ̈ɔ̈k në agönhde, ku abï mac ke cam.

Diɛt 50:3

Nhialicda abɔ̈, ku acïï thok mim, many ee kɔc cuääl anu ë Yenɔm tueŋ, ku amaŋdït acath ë Yelɔ̈ɔ̈m ke wil Ye piny.

Diɛt 68:2

Cït man ye ë tol kuɔɔth wei, Yen aye Yïn keek cuɔp wei. Cït man ye kɔl lɛ̈ɛ̈ŋ në mac nɔm, yen ee tän bï kɔc ee karɛc looi riäär në Nhialic nɔm.

Yith 30:33

Ɣɔn thɛɛr ade të cï kiëët bï gök de mac dëp thïn bï melik de Athiriya nyop. Athuth ku alääuwic, ku acï thɔ̈ɔ̈ŋ në wal ku tiim juëc. Bɛ̈nydït abï wëi në nyïïn ke mac bï ye ɣaak.

Yith 64:2

Aduëër ë ke lath cït pïïu cïï ë maany tuc tɔ piäär. Bä nyuöthë riɛldu kɔc ke aterdu ku tɔ juöör lɛthë ëbɛ̈n në yïnɔm!

Yith 64:7

Acïn raan töŋ ee rɔt dɔ̈k yïn në lɔ̈ŋ, ku acïn raan ee lɔ tëde yïn ke kɔɔr kuɔɔny. Yïn cï rɔt thiaan në wook, ku nyääŋë wo piny në biäk de awɛ̈ɛ̈ckuɔ.

Jeremia 8:13

“Yɛn kɔɔr bä kɔckï määt yiic, cït man ye raan de dom rap kut nïïm, ku acïk ciët tim de enap cïn nɔm mïth, ku cïtkï tim ë ŋaap cïn nɔm mïth, ayï yïthke acïk biɔɔr. Yeka cän kɔc lei tɔ nöm piny.”

Jeremia 9:7

Në biäk de ee kënë acï Bɛ̈nydït de rɛm lueel an, “Yɛn bï kɔckï lëëŋ cï wëëth, ku thɛm keek. Kɔckï acïk kërac looi, eeŋö däŋ duëër luöi keek?

Edhekiɛl 21:31

Wek bï agönhdï yök, të la yɛn en pɔ̈l ke lääuwic në yïguöp cït many dɛ̈p. Wek bä gäm kɔc rac, kɔc ŋic riääk de käŋ.

Naɣum 1:6

Eeŋa duëër agönhde guum? Eeŋa duëër abiɔ̈r de ŋeenyde lëu në guöm? Ee agönhde luööŋ piny cït man ë mac, ku kur ayek röt mot në Yenɔm.

Dhep 1:18

Në ee kööl bï Bɛ̈nydït rac de tuöc agönhde nyuɔɔthë, acakaa ateek kekë adhäm de mɛnh ë raan ëbɛ̈n acïkï ke bï kony, në luɔi bï Bɛ̈nydït piny riɔ̈ɔ̈k nɔm ëbɛ̈n kekë kɔc ëthiäu.

Nyöŋ 29:20

Bɛ̈nydït acïï raan cït ee kënë bï päl awäc. Atuny de agönh de Bɛ̈nydït abï ciët lɔ̈k de mac ë yeguöp, ku riääk cï keek gɔ̈ɔ̈r në awerekë yic kedhie abïk lööny në yekɔ̈u agut të bï Bɛ̈nydït yen riɔ̈ɔ̈k taitai ë pinynɔm.

Nyöŋ 32:22

“Agönhdï abï biöl cït mac, ku nyop këriëëc ëbɛ̈n ë pinynɔm. Ku abï lɔ ë piny thar ku nyop mei ë kur thäär.

Nyöŋ 4:24

në biäk cït ë Bɛ̈nydït Nhialicdun lɔ̈k de mac, acïï kë tɛɛr ke Yen ee pɔ̈l.