Edhekiɛl 22:12 - JAM DE NHIALIC 2011

¹² Kɔckuön kɔ̈k aye keek riɔp në luɔi bïï kek näk. Kɔ̈k ayek aŋuëk nööm ë wëu cï kek kɔckɛn ke Yithriɛl kony kɔ̈ɔ̈th, ku jɔkï kuɛth në cäm ciɛm keek. Acïk nïïm määr në yɛn.” Bɛ̈nydït Awärjäŋ yen aa jam.

Edhekiɛl 22:12 ပူးပေါင်းရင်းမြစ်များ

Neɣe 5:1

Na ɣɔn acï kaam tëëk ke kɔc juëc ke Judai, diäär ku röör ë ke go dok në kɔckɛn ke Judai.

Neɣe 5:7

Guɔ rɔt luɔp yatök, ku ja bänyken ku bäny ke luɔi jɔ̈ɔ̈ny luɛɛl an, “Wek yɔŋ kɔckuön ke Judai!” Ku caal amatnɔm ëbɛ̈n bï ë kënë jaamic bïï thöl,

Diɛt 106:21

Acïk nïïm määr ë Nhialic wään cï ke kony në riɛldɛn dït wään ë Rip.

Diɛt 15:5

Ku ayek wëu gam ke ke cïï kɔ̈ɔ̈r aŋuëk, ku acïï ke duëërë gäm kumthok, ciɛ̈k en raan cïn guöp awäc thok. Raan ee ka cït ee kake looi kedhie abï aa kony.

Kɛ̈ŋ 1:19

Cuëër ee wun nɔ̈k, yen täude ka ëbɛ̈n tëde raan de guöp akuöörkuöör.

Yith 1:23

Bänyku ayek A rɛɛc, ku mɛ̈ɛ̈thkï në cuɛ̈ɛ̈r, ku ayek miɔ̈c ku kumthok nööm kedhie. Acïkï mïth abɛɛr ee kony ë gööny yic, ku cïkï gööny de diëër abɛɛr cï yiɛ̈n keek ee piŋ.

Yith 17:10

Yithriɛl wek cïï nïïm määr në Nhialic ɣɔn luäk week, ku gël week cï kuur dït. Ënɔɔnë we cï röt cuöm duum yaath, në luɔi bä wek yiëth lei aa lam.

Yith 56:11

Acïtkï jɔ̈k dït piɔ̈ɔ̈th cie kuɛth. Kek ee bänykë acïkï käŋ ee yökiic. Raan ëbɛ̈n në keyiic aye ŋɛk kë nhiɛɛr ë piɔ̈nde looi, ku ye ŋɛk këdäŋ kɔɔr ke de kë bï yök thïn.

Jeremia 2:32

Duëër tiiŋ koor nɔm määr në kuatdɛn adhääp, ku nɔn ee yen nyan thiak duëër nɔm määr në lupɔɔkɛn ke thiëëk? Ku kɔckï acïk nïïm määr në Yɛn në nïn juëc cïï ke duëërë kueen.

Jeremia 3:21

Awuɔɔu aye piŋ në kur nïïm, ee kɔc ke Yithriɛl kek adhiau ke ke gööny, në biäk cï kek rëër në luɔi de karɛciic, ku cïk nïïm määr në Bɛ̈nydït Nhialicden.

Jeremia 6:13

Raan ëbɛ̈n, röördït ayï kɔc kor, ayek wëu ke ayäär kɔɔr, ayï tït ku bäny de kakë Nhialic ayek kɔc math.

Jeremia 9:1

Aa ya nhiaar duëër nɔmdï aa yinh ë pïïu, ku jɔ nyïïnkï aa awɛɛŋ ke pïïu, aguɔ aa dhiau aköl ku wakɔ̈u në biäk de kɔckiën cï nɔ̈k.

Edhekiɛl 18:13

ku gɛm wëu në aŋuëk. Bïï pïïr? Ei, acïï duëër pïïr,. Acï ee karɛckë looi kedhie, ka yen abï dhil thou. Abï gɔ̈k në biäk de thonde.

Edhekiɛl 18:8

Acïï wëu ee gäm kɔc në aŋuëk. Ee jaai në luɔi de kërac, ee jamde teem apiɛth tëde yen teer.

Edhekiɛl 23:35

Ënɔɔnë kë lueel ë Bɛ̈nydït Awärjäŋ kï: “Në biäk cïï yïn nɔm määr në yɛn ku wɛ̈lë yïkɔ̈u yɛn, yïn bï nuan në ŋɔ̈ɔ̈ŋdu kekë kɔ̈ɔ̈rduön ë röör.”

Edhekiɛl 36:12

Wek bä ke bɛ̈ɛ̈i kɔckiën ke Yithriɛl, dɔ̈k wenïïm bäk bɛ bɛ̈n rëër në piny yic. Abï aa pinydun, ku acïï mïthkun bï bɛ tɔ nɛ̈k cɔk.

Lebai 19:13

Du raan thiääk ke yïn ee yɔŋ ku du rum aya, ku du wëu kë raan lui yïn në ariöp ee pëën agut cï wakɔ̈u.

Lebai 25:37

Ee Yɛn Bɛ̈nydït Nhialicdun, raan ë bïï we bei në Rip, bïï we bɛ̈n gäm piny de Kanaan, ku bïï aa Nhialicdun.

Amoth 8:4

Piɛŋkï kënë, wek kɔc ee cath në kɔc kuanynyïïn kɔ̈ɔ̈th, ku yak kɔc cïn käŋ kɔɔr nɔn thɔ̈l wek kenyïïn.

Amoth 8:6

Ke wo bï kɔc kuanynyïïn ɣɔɔc në ateek, ku ɣɔcku kɔc cïn käŋ në kuën ë war ke cök, ku buk agamɔdan cïï piɛthë yɔ̈k ɣööc piɛth.

Math 23:13

“Amawoou në week, wek kɔc ë löŋ gɔ̈ɔ̈r ku Parithai, kɔc de yäc aguk! Wek ë kɔc guöör biic ë Ciɛɛŋ de paannhial, wegup wek cie lɔ thïn, ku kɔc kɔɔr lɔ thïn acäkï ke ye päl lɔ thïn ayadäŋ.

Math 23:25

“Amawoou në week, wek kɔc ë löŋ gɔ̈ɔ̈r ku Parithai, kɔc de yäc aguk! We ye abïny rɔɔth kɔ̈u ayï aduök abïk piath, ku keyiic thïn acïk thiäŋ ë cäm de kalei, ku kuny ee raan rɔt kuöc muk.

Luk 18:11

Go raan ë Parithai kɔ̈ɔ̈c nhial ku jɔ lɔ̈ŋ alë ë yepiɔ̈u an, ‘Nhialic, yïn lɛc nɔm, nɔn cän cït kɔc kɔ̈k, kɔc ee käŋ rum, kɔc ee kɔc cam, kɔc ee diëër lei kɔɔr, ku cä cït raanë aya, raan ë athölbö tɔ kutë.

Luk 19:8

Go Dhakayo rɔt jɔt, ku yöök Bɛ̈nydït an, “Tïŋ, Bɛ̈nydït, biäk töŋ de kakï abä yɛn ke kɔc kuanynyïïn miɔɔc, ku na de këde raan däŋ cä nööm në gööny ë lueth, ka bä bɛ cuööt ë ŋuan.”

Luk 3:13

Go keek yöök an, “Duökï käŋ ë kɔɔr tëde kɔc kë wär kë cï lɛ̈k week.”

1 Kor 5:11

Ku ënɔɔnë, acä gäär week an: Duökï ee mat ëtök në raan cï tɔ ye mɛnhkënëda, të ee yen dhööm, ku nɔn ee yen raan dït piɔ̈u, ku nɔn ee yen raan ë yiëth lam, ayï raan ee kɔc läät, ayï raan ee rɔt tɔ wit ë mɔu, ayï cuɛ̈ɛ̈r, raan cït ee kënë, acakaa këcam, ke we duökï rɔ̈m në yen.

1 Kor 6:10

ayï cuɛ̈ɛ̈r, ayï kɔc ee wëu nhiaar, ayï kɔc ye mɔ̈u wit, ayï kɔc ë kɔc läät, ayï kɔc ë kɔc rum, keek kedhie, acïkï ciɛɛŋ de Nhialic bï lɔ̈ɔ̈k lak.

Nyöŋ 16:19

Abïk aa kɔc cïï löŋ ee kuöc guiir, ku cïkkï kɔc ee tekiic në kuömden yic, ku acïkï kumthok bï aa nööm, në baŋ ye miɔ̈c kɔc pelnïïm ku kɔc adööt tɔ cɔɔr, ku tɔ keek tɔ guiir löŋ ë kueer rac.

Nyöŋ 23:19

“Të cä wek wëu ku nɔn ee këcam ku nɔn ee këdäŋ pei dhën raanduön ë Yithriɛl, duökï tɔ puk nɔm në aŋuëk.

Nyöŋ 27:25

‘Aciɛɛn de Nhialic abï tɔ̈u ë raan yeth, raan ye riɔp ë wëu në biäk bï yen raan cïn guöp awäc nɔ̈k.’ “Ku abïï kɔc kedhie jɔ bɛ̈ɛ̈r an, ‘Amiin!’

Nyöŋ 32:18

Acïk nïïm määr në Nhialicden, Awärjäŋ Konyden, raan ë gëm keek pïïr.

1 Tim 3:3

raan cïï mɔ̈u ee nhiaar, ku cïï kɔc ee dui, ku cïï ee wäth ë wëu ke ayäär, raan lir piɔ̈u, ku cïn piɔ̈u ater, ku acïï wëu ee nhiaar.

Juda 1:11

Amawoou në keek! Acïk cath ë kueer ë Kain. Ku acïk röt jaac lek wäc cï man cï Balaam käŋ wööc në këde ariöp. Ku acïk määr ë ater ë Kɔra, gokï riääk cï yen.