Edhekiɛl 21:3 - JAM DE NHIALIC 2011

³ an yɛn Bɛ̈nydït aluɛɛl an: yɛn ee raan aterdun. Yɛn bï abätäudï bɛ̈ɛ̈i bei ku näk week wedhie, raan rac ke raan piɛth athöŋ.

Edhekiɛl 21:3 ပူးပေါင်းရင်းမြစ်များ

Jop 9:22

Akït ëbɛ̈n, yen a luɛɛl ɛn en an, aye ke riɔ̈ɔ̈r nyïïn kedhie, kek kɔc cïn guup awɛ̈ɛ̈c ayï kɔc ee karɛc looi.

Diɛt 17:13

Bä Bɛ̈nydït, bä göth we kɔc ke aterdï ku tiam ke! Bä luäkë ya bei në kɔc rac cin në abätäudu,

Diɛt 80:17

Ye kɔckuön cï lɔc kueet ku ye keek tiit, yen mɛnh ë raan cï tɔ ee jurduön ril.

Diɛt 83:15

Cuɔpë ke wei në amaŋdu ku riääcë keek në yomduön dït.

Bɛ̈n 15:9

Alueel ë kɔckuɔn ke ater an, ‘Abuk keek kuany cök ku dɔmku keek, wok bï abätɛ̈ɛ̈ukuɔ wɛ̈ɛ̈th bei, ku pecku ka cath në keek kedhie.’

Wɛ̈ɛ̈t 9:2

Acïn akeu, Yen ee thon töŋë ee bɛ̈n tëde kɔc ee karɛc looi ku kɔc piɛthpiɔ̈ɔ̈th, ku kɔc piɛth ku kɔc rac, ee kë töŋë yen ee raan ëbɛ̈n yök, ee kë töŋë tëde raan piɛthpiɔ̈u ku raan ee karɛc looi, ku ee kë töŋë tëde raan piɛth ku raan rac, ee kë töŋë tëde raan ee miɔ̈c näk gam ku raan cïn kë ye gam. Cït man nu yen kekë raan piɛth anu kekë raan rac aya, ku nu kekë raan ee gutguut lueel anu kekë raan ee riɔ̈ɔ̈c në luɛl ë gutguut.

Yith 10:5

Go Bɛ̈nydït lueel an, “Athiriya! Yɛn cï Athiriya tɔ ee thieny bän kɔc göth ë yɛn luöi këtuc.

Yith 34:5

Bɛ̈nydït acï abätäude kiëët paannhial, ku ënɔɔnë abï Edom yup, kɔc cï ke tɔ ye kɔc bï riɔ̈ɔ̈k.

Yith 57:1

Kɔc piɛth ayek thou, ku acïn raan ee ye yökic, ku cïn raan diɛɛr në yen. Ku të cï kek thou acïn riäŋ ee ke yök.

Jeremia 17:27

Ku abïk ya dhil riëëu, ku dötkï Thabath ke ee kööldiën ɣeric. Acïkï kathiek bï dhil aa tɛ̈ɛ̈k ë kal thok ë Jeruthalem ee köölë, na lek lɔ looi, yɛn bï thoŋ ë kal de Jeruthalem nyop ë mac. Mac abï ɣööt ke bääny nyuɔp piny ë Jeruthalem, ku acïn raan bï ye liɛɛu.”

Jeremia 21:13

Yïn Jeruthalem, yïn kääc tëthöny ë wɛ̈k nïïm, yïn cït kuur nu ë riaaŋ nɔm. Ku Yɛn bï thɔ̈ɔ̈r we yïn. Aye lueel an acïn raan bï yïn mak, ku acïn raan duëër rem de tɔŋdu reetic.

Jeremia 21:14

Ku wek bä luöi këtuc në biäk de kë cäk looi. Yɛn bï ɣönduön ë bääny nyop ë mac, ku mac abï këriëëc ëbɛ̈n nu ë yelɔ̈ɔ̈m nyuɔp piny. Acä lueel, Yɛn Bɛ̈nydït.”

Jeremia 50:31

“Babilonia, yïn cï thiäŋ we lɛc, ka Yɛn Bɛ̈nydït Awärjäŋ, Yɛn göth wo yïn! Akööl acïk bɛ̈n, akööl bän yïn luöi këtuc.

Jeremia 51:20

Aye Bɛ̈nydït lueel an, “Babilonia, yïn ee dëidï, yïn ee wënhdiën ë tɔŋ. Yïn cä tɔ ee këdiën yan juöör, ku ciɛɛŋ dum yiic,

Jeremia 51:25

Babilonia, yïn cït kuur ee piny nɔm riɔ̈ɔ̈k ëbɛ̈n, ku Yɛn, Yɛn Bɛ̈nydït, Yɛn ee Raan de aterdu. Yïn bä dɔm, ku raai yïnɔm piny, ku nyääŋ yï piny ke yï ye ŋeth.

Edhekiɛl 13:8

Ka aye Bɛ̈nydït Awärjäŋ lɛ̈k keek an, “Wëlkun ayek lueth, ku nyuuthkun ayek tör. Yɛn göth wo week.

Edhekiɛl 14:17

“Ku nɔn bä tɔŋ yiɛ̈n ee pinyë, ku tuöc ke tɔŋ rɛɛc bï raan ëbɛ̈n nɔ̈k ku läi athɔ̈ŋ,

Edhekiɛl 14:21

Kënë yen aye Bɛ̈nydït Awärjäŋ lueel an, “Yɛn bï karɛc kaŋuan tuɔɔc luöi yɛn Jeruthalem këtuc, tɔŋ, ku cɔk, ku läi roor, ku jɔɔk bï kɔc ku läi nɔ̈k athöŋ.

Edhekiɛl 21:19

“Mɛnh ë raan, giit kuɛɛr kaarou duëër ë melik de Babilon bɛ̈n ke ke abätäude. Keek kaarou abïk röt dhil gɔl ee piny töŋë. Ku tɛ̈ɛ̈uwë kït piny në apɔ̈k kuɛɛr thok.

Edhekiɛl 24:9

Kë lueel ë Bɛ̈nydït Awärjäŋ kï an, “Amawoou, në pänydït de nɛ̈ɛ̈k abï riääk! Yɛn guöpdï yɛn bï tiim ke mac kut nïïm.

Edhekiɛl 26:3

“Ënɔɔnë, kë luɛɛl kï yɛn Bɛ̈nydït Awärjäŋ, aluɛɛl an: Ee Yɛn ee raan de ater wo pänydït de Tayer. Yɛn bï juöör juëc bɛ̈ɛ̈i bïk yïn bɛ̈n mak, ku abïk bɛ̈n cï apiöŋ de wɛ̈ɛ̈r.

Edhekiɛl 29:10

Yɛn ee raan de aterdu ku dɛ ater wokë Kiirdu. Yɛn bï Rip ëbɛ̈n tɔ ee piny cïn yic kɔc, gɔl në pänydït de Midgol në biäk të lɔ rut lee në pänydïït de Athuan në biäk të lɔ wöuwic, lee në aken de kɔc ke Ethiopia.

Edhekiɛl 5:12

Biäk töŋ de diäk ë kɔckun abï thou në jɔk ku cɔk ë pänydïtic, ku thou biäk däŋ de diäk në abätäu biic në pänydït thok, ku biäk töŋ de diäk ciëën abä thiäi piny në ɣään ke yom kedhie, ku cuɔp keek në abätäu.

Edhekiɛl 5:8

Ka wek yɔ̈ɔ̈k keek Yɛn Bɛ̈nydït Awärjäŋ nɔn aa wek kɔc ke aterdï. Yɛn bï luŋdun teem të bïï ë juöör week woi kedhie.

Lebai 26:25

Yɛn bï week tɔ näk abätäu, bä yɛn ke luɔi cä wek mändï dhoŋ kɔ̈u guöör. Të la wek lɔ ciëën ë pɛ̈ɛ̈nydïtkun yiic, yɛn bï jɔɔk tuc thook tuöc week, ka we bï röt gäm kɔc dɛ wek ater.

Lebai 26:33

Yɛn bï tɔŋ yiɛ̈n week ku thiäi we piny ë juööriic. Pinydun abï yic ciën kɔc ku pɛ̈ɛ̈nydïtkun tɔ̈u ke ke cï riääk.

Amoth 5:6

Bä tëde Bɛ̈nydït, ku yïn bï pïïr. Na cïï bɔ̈, Yɛn bï paan ë Jothep dap nap wei ëbɛ̈n cït man ë mac. Ku Bethel abï ciët kë cï ɣɔ̈k many cïn raan lëu en në liiu.

Amoth 7:4

Go Bɛ̈nydït Nhialic yɛn nyuöth nyuuth däŋ, në nyuuthic, Bɛ̈nydït acï kïït nɔn bï En kɔcke luöi këtuc në mac. Go mac Abäpdit dït cam, ku ciɛm piny ëbɛ̈n.

Naɣum 2:13

Alueel ë Bɛ̈nydït de rɛm, an, “Tiëŋkï, Yɛn ee nɔm week. Abëëlkuön ke tɔŋ abä keek ɣɔ̈k mac, ku remduön ë tɔŋ abï keek nɔ̈k tɔŋ, ku acïn kë bä buɔ̈th week në ka wään ruömkï, ku kɔckuön wään yak tooc an bïk athölbɔ̈ bɛ̈n aa kut acïï ke bï bɛ piŋ röt.

Naɣum 3:5

Kë cïï Bɛ̈nydït de rɛm lueel kï an, “Yɛn ee nɔm yïn. Yɛn bï biɔŋku yaany nhial, ku ta yï woi ë juöör thar, ku ta ke ŋic ayärdu.

Dhep 2:12

Ku Bɛ̈nydït aya abï kɔc ke Ethiopia nɔ̈k.

Dhek 13:7

Acï Bɛ̈nydït de rɛm lueel an, “Yaakë rɔt nhial yïn abätäu, ku makë tïn luui yɛn. Yup ke thök ë ke bï thiäi. Yɛn bï kɔckï mak,