Edhekiɛl 21:27 - JAM DE NHIALIC 2011

²⁷ Riääk, riääk! Ɣɛɛ, yɛn bï pänydït tɔ riääk. Ku kënë acïï rɔt bï looi, agut të bï raan töŋë wään cä lɔc bïï pänydït bɛ̈n luöi këtuc bɛ̈n. Tëde yen abä gäm.

Edhekiɛl 21:27 ပူးပေါင်းရင်းမြစ်များ

Cäk 49:10

Ku thieny ë bääny acïï bï jäl tëde Juda. Mïthke abïk aa bäny ë caaŋden. Abï juöör en aa kuöt athölbɔ̈, ku abïk kenïïm aa guöt piny në yenɔm në riëëu.

Diɛt 2:6

Ku lueel an, “Yɛn ë meliŋdï kuany në Dhiɔn nɔm, kuurdiën ɣeric.”

Jeremia 30:21

Wën melikden abï aa raan ë jurden guöp, ku bɛ̈nyden abï aa bɛ̈n ë kɔcken yiic. Abï aa bɛ̈n tëde Yɛn të cän ye cɔɔl, ku eeŋa duëër bɛ̈n ë Yalɔ̈ɔ̈m ke kënë cɔɔl?

Jeremia 32:24

“Ku kɔc ke Babilon acïk pänydït tuɔɔk cil ku akɔɔrkï bïk peec, ku amɛkkï ënɔɔnë. Tɔŋ, ku cɔk, ku jɔk abï pänydït tɔ lööny ë kecin. Aduëërë tïŋ kek ka wään cï lueel ëbɛ̈n acïk aa yic.

Jeremia 33:21

Ku yen acït luöi cän löŋ mac wo awundï Debid, nɔn bï yen nɔm aa dɛ kuatdɛn töŋ bï aa melik ë ceŋ, ku Yɛn cï löŋ mac wökë bäny ke kakë Nhialic de dhiën ë Lebi, nɔn bï kek Yɛn aa luööi ë ceŋ, ku kek ee lööŋ cï macë acïï ke duëërë dhoŋ kɔ̈ɔ̈th.

Jeremia 33:26

Ku cït man cän ee kënë looi ë yic, ka Yɛn bï löŋdiën cä mac wo mïth ke Jakop muk kekë awundï Debid. Yɛn bï mɛnh tök në käu de Debid lɔc, bïï aa bɛ̈ny de kuat de Abraɣam, ku Yithaak ku Jakop. Yɛn bï piɔ̈u kok wo kɔckï ku bɛ ke tɔ kueth.”

Jeremia 52:4

go Nebukadnedhar bɛ̈n kekë remdɛn de tɔŋ, ku mɛk Jeruthalem në kööl de thiëër ë pɛɛi de thiëër, ë ruöön ye Dhedekia run dhoŋuan ë bääny yic. Gokï pɛɛnyken piäät ë Jeruthalem këc, ku geeukï cil ëbɛ̈n,

Edhekiɛl 21:13

Yɛn them kɔckï, ku na lek jaai bïk kepiɔ̈ɔ̈th puk, kek ee kakë kedhie abïk röt luöi keek.

Edhekiɛl 34:23

Abä ke gäm melik cït awundiën Debid bï ya tïndɛn tök, ku abï ke gël.

Edhekiɛl 34:24

Yɛn Bɛ̈nydït Awärjäŋ, Yɛn bï ya Nhialicden, ku melik cït awundiën Debid abï aa bɛ̈nyden. Acä lueel.

Edhekiɛl 4:2

Ku tääuwë gɛ̈u në kal kɔ̈u, ku wec puöl, ku tiɔp, ku pɛɛny ku nyök ke amɛ̈l riŋ në yelɔ̈ɔ̈m.

Danyel 2:44

Ku të ceŋ ee bänykë piny, Nhialic de paannhial abï ciɛɛŋde looi, ciɛɛŋ cïï bï thök athɛɛr. Acïï bï tiaam, ku abï ee meliikë riɔ̈ɔ̈r kedhie taitai, ku jɔ ceŋ aɣet athɛɛr.

Danyel 9:25

Gäärë kënë piny ku yökic. Gɔl ë kööl bïï ë löŋ tääu piny në luɔi bïï ë Jeruthalem bɛ lɔ yïk, agut kööl le ë bɛ̈ny cïï Nhialic lɔc bɛ̈n, run kadhorou raan dhorou abïk wan. Ku Jeruthalem abïï yïk kekë kuɛɛr ku karil bï yen tiit, ku abï kɔ̈ɔ̈c në run kadhorou raan thiërdhetem ku rou, ku abï ya kööl ke nuɛɛn.

Ɣodh 3:5

Ku ëtɛ̈ɛ̈n, mïth ke Yithriɛl abïk kenïïm puk, ku kɔɔrkï Bɛ̈nydït Nhialicden, ku kɔɔrkï meliŋ cït Debid. Wadäŋ në akööl ciëën, abïk aa bɛ̈n në Bɛ̈nydït lɔ̈ɔ̈m në riëëu, bïï ë keek bɛ̈n thieei.

Maika 5:2

Aye Bɛ̈nydït lueel an, “Ku yïn Bethleɣem Eparatha. Na cakaa nɔn yïn wun koor ë dhiën ë Juda, Yɛn bï bɛ̈nydï bɛ̈ɛ̈i bei në yïyic, raandiën bï Yithriɛl mac, raan cïï kuatden rɔt gɔl ɣɔn thɛɛr.

Ɣagai 2:7

Aye Bɛ̈nydït de rɛm lueel an, Yɛn bï juöör pɔ̈k piny kedhie, ka wëuken abïk guëër eenë, ka Luaŋdït abï thiäŋ ke athiɛɛi.

Dhek 9:9

Miɛtëpiɔ̈u arëët, nyan de Dhiɔn, moc kiɛɛu, nyan de Jeruthalem! Tiëŋkï, melikdun abɔ̈ tënu wek thïn! Abɔ̈ ke cï duaŋ nɔm, ku ë tiam, ku ë rɔt kuɔɔr piny, ka acath në muul kɔ̈u, acath adhäny thiin ë muul kɔ̈u.

Malakai 3:1

Go Bɛ̈nydït de rɛm ke yɔ̈ɔ̈k an, “Piɛŋkï, Yɛn bï tunydï tuɔɔc tueŋ, le kueerdï kiɛm piny. Ku bïï löŋdiën cï mac bɛ̈n caal, yen tuny nhiaarkï. Ku ëtɛ̈ɛ̈n, Bɛ̈nydïïtduön kaarkï abï dap guɔ bɛ̈n Luaŋdït ëthiäu.

Malakai 4:2

Ku na week, wek kɔc ee rinkï riëëu, wek bä yiɛ̈n piathëpiɔ̈u ku rëër lɔ dïu cït man ye akɔ̈l thok bɛ̈n. Wek bï nïïm lääu, ku miɛtkï piɔ̈ɔ̈th cït man ë dɛɛu cï luöny bei kɛl.

Kuɛ̈n 24:19

Abï Yithriɛl keek duöm piny, ku riëëk pɛ̈ɛ̈nydït ke kɔc cï döŋ ke ke pïr.

Math 28:18

Go Yecu bɛ̈n, bïï ku yöök keek an, “Riɛl ëbɛ̈n acï gäm ɛn paannhial ayï piny nɔm.

Luk 1:32

Abï dït arëët ku abï cɔl wën ë Nhialic Awärjäŋ: ku abïï Bɛ̈nydït Nhialic yiɛ̈n thööny de kuɛɛrëdɛn Debid:

Luk 1:69

Ku acï tuŋ de kunydewëi jat nhial në këda, Tuŋ de dhiën ë Debid awunde,

Luk 2:11

Konyduön ë wëi acï dhiëëth ee köölë Pänydït de Debid, yen Kërtho Bɛ̈nydït.

Jɔn 1:4

Yen aa de yic pïïr, ku pïïrë aaye ɣɛɛrëpiny ë kɔc.

Jɔn 1:9

Ɣɛɛrëpiny yic ka, ɣɛɛrëpiny ë raan riaau ëbɛ̈n, raan ëbɛ̈n ë piny nɔm.

1 Pet 3:22

raan cï lɔ paannhial, ku ye tɔ̈u ë ciin cuëëny de Nhialic, ku tuucnhial ku bäny ku riɛl acï ke tɔ piŋ këde.