Edhekiɛl 20:7 - JAM DE NHIALIC 2011

⁷ Acä lɛ̈k keek bïk yiëth rackë cuat wei, yiëth nhiaarkï, ku cïkkï röt bï tɔ de acuɔl, në yiëth alueth ke Rip, në biäk yan Bɛ̈nydït Nhialicden.

Edhekiɛl 20:7 ပူးပေါင်းရင်းမြစ်များ

2 Lëk 15:8

Na wën aa piŋ Atha wël cï tiët Adharia wën ë Oded ke caar, acï yen bɛ̈n gäm riɛl ë piɔ̈u. Ago yiëth riɔ̈ɔ̈k kedhie yiëth tɔ̈u ë Juda ku Benjamin, ku lɔ yiëth kedhie nu ë pɛ̈ɛ̈nydït cï ke peec piny ë kuur de Eparaim yic. Ku tɔ yïïŋ de Bɛ̈nydït tɔ nyɔk ë luɔi, yïïŋ nu ë kal de Luaŋdït yic cil.

Bɛ̈n 16:12

“Yɛn ë dok de kɔc ke Yithriɛl piŋ. Abïk aa cuet në rïŋ thëën, na miäk adurduur ke ke cäm në kuïn cït man ë kë kɔɔrkï, ke bïk ŋic nɔn Yan Bɛ̈nydït Nhialicden.”

Bɛ̈n 20:2

“Ee Yɛn Bɛ̈nydït Nhialicdun, Nhialic ɣɔn bïï we bei Paan ë Rip, të ɣɔn lïïmë week thïn.

Bɛ̈n 20:4

“Du rɔt lui yanh thöŋ guöp kekë kë nu nhial, ku nɔn ee yen kë nu ë tiɔp nɔm, ku nɔn ee yen kë nu në pïïuwiic në tiɔp thar piny.

Bɛ̈n 20:5

Du yïnɔm kɔn guöt piny në yath nɔm, ku du läŋ. Yɛn aye Bɛ̈nydït Nhialicdun, ku Yɛn ee mantil. Kɔc man ɛn aya ke luöi këtuc, ayï mïthken agut cï rem ye rɛm diäk, ayï ŋuan, rɛm man Ɛn.

Bɛ̈n 22:20

“Ku raan ëbɛ̈n raan ee yiëth kɔ̈k pei miɔɔc ke cie Bɛ̈nydït, abï riɔ̈ɔ̈r nyin taitai.

Yith 31:7

Ade kööl bï bɛ̈n, kööl bï raan ëbɛ̈n ë we yiic yanhdɛn rɛɛc cï looi në atek ku adhɛ̈p cuat wei.

Edhekiɛl 14:6

“Ënɔɔnë, lɛ̈kë baai de Yithriɛl, kë luɛɛl yɛn Bɛ̈nydït Awärjäŋ: pɔ̈kkï we piɔ̈ɔ̈th ku pälkï yiëth rackun.

Edhekiɛl 18:15

Acïï yiëth ke baai de Yithriɛl ee lam, ku cïï cäm në miɔ̈c näk ye gam në yïk cï pëën nïïm. Acïï tiiŋ de raan däŋ ee riɔ̈ɔ̈k nɔm

Edhekiɛl 18:31

Pälkï luɔi de karɛc wään yak looi, ku gämkï röt täŋ piɛth ku piɔ̈ɔ̈th piɛth. Eeŋö kaar wek thuɔɔu baai de Yithriɛl?

Edhekiɛl 18:6

Acïï yiëth ke baai de Yithriɛl ee lam ku acie cam në miɔ̈c näk ye gam në yïk cï pëën yiic. Acïï tiiŋ de raan däŋ ee riɔ̈ɔ̈k nɔm, ku cie tɔ̈c ke tik të thëk en.

Edhekiɛl 20:19

Yɛn ee Bɛ̈nydït Nhialicdun. Riëëukï lööŋkï ku ka cä lɛ̈k week.

Edhekiɛl 20:8

Ku acïk a rɛɛc, ku cïkï yɛn ee piŋ thok. Akënkï yiëth rackɛnkë cuat wei ku mɛ̈lkï në yiëth ke Rip. Yɛn aa cï rɔt guiir, bä ke tɔ yök agönhdiën tuc wään ë Rip.

Edhekiɛl 23:3

Wään ŋoot kek ke ke kor, aake rɛ̈ɛ̈r ë Rip, acïk dhuɛɛcden riɔ̈ɔ̈k, ku tɔkï röt aa akɔɔrröör.

Edhekiɛl 23:7

Yen aaye akɔɔr röör de bäny ke rem de tɔŋ de Athiriya kedhie, ku ŋɔ̈ɔ̈ŋdɛnë acïï yen tɔ riäk rɔt në läm ee yen yiëth ke Athiriya lam.

Edhekiɛl 23:8

Ku jɔ ŋoot ke loi këdɛn ë cï gɔl ë luɔi ke ye akɔɔr röör ë Rip, të wäŋ cï yen dhuɛɛcde riɔ̈ɔ̈k. Gɔl ɣɔn ŋoot en ke ye duet röör aake ye tɔ̈c ë yen ayek looi ke cït akɔɔr röör.

Edhekiɛl 34:24

Yɛn Bɛ̈nydït Awärjäŋ, Yɛn bï ya Nhialicden, ku melik cït awundiën Debid abï aa bɛ̈nyden. Acä lueel.

Edhekiɛl 6:9

të bïï kek lɔ rëër ë juöör yiic. Abïk a tak, ku ŋickï nɔn cän keek luöi këtuc ku cä ke yɔ̈ɔ̈r gup, në biäk cïn kek piɔ̈ɔ̈th gäm, acïk a nyääŋ piny, gamkï yiëth ku pälkï yɛn. Ku keek gupken abïk kërac tïŋ në biäk de karɛcken, ku ka yäär ke gup cïk looi.

Lebai 11:44

Ee yɛn Bɛ̈nydït Nhialicdun. Takï weyiic ɣer në biäkdï, në luɔi ɣɛɛr Ɛn yic. Duökï röt tɔ rac në biäk de lɛ̈n töŋ ee mol piny.

Lebai 17:7

Kɔc ë ke cïï miɔ̈cden be näk yanh cɔl Bou, yanh wään cï kek röt gäm en yek lam, kënë abï aa ciɛɛŋden aɣet athɛɛr wadäŋ agut cï rɛm kɔ̈k bï lɔ̈ɔ̈k bɛ̈n.

Lebai 18:2

bïï lɛ̈k kɔc ke Yithriɛl ku yɔ̈ɔ̈k ë keek an, ‘Ee Yɛn Bɛ̈nydït Nhialicdun.

Lebai 18:3

Duökï ciɛɛŋde kɔc ke Rip kuanyic, të wään rɛ̈ɛ̈r wek thïn, ku duökï ciɛɛŋ de kɔc ke Kanaan kuanyic, të wään lɛɛr Ɛn we thïn. Duökï ciɛɛŋden kuanyic taitai.

Lebai 20:7

Takï we yiic ɣer në biäk ee yɛn Bɛ̈nydït Nhialicdun.

Jocua 24:14

Na wën, ke lëk ë Jocua keek an, “Ka week, jakï Bɛ̈nydït riëëu guöp arëët, ku yak luööi aläl në wepiɔ̈ɔ̈th ëbɛ̈n. Cuatkï yiëth wei kedhie, yiëth ɣɔn ye kuarkun lam lɔŋ de wɛ̈ɛ̈r ë Yuparat, ayï Rip. Ku Bɛ̈nydït yetök yen luööikï.