Edhekiɛl 20:42 - JAM DE NHIALIC 2011

⁴² Të puɔ̈k ɛn wenïïm piny de Yithriɛl, piny wään cän gutguut lueel an bä gäm kuarkun, ëtɛ̈ɛ̈n abäk jɔ ŋic nɔn ee yɛn Bɛ̈nydït.

Edhekiɛl 20:42 ပူးပေါင်းရင်းမြစ်များ

Jeremia 24:7

Abä keek gäm piɔ̈n bï kek ye ŋic nɔn Yɛn Bɛ̈nydït. Ku ëtɛ̈ɛ̈n abïk aa kɔckï, ku Yɛn bï aa Nhialicden, në biäk bï kek kenïïm pɔ̈k Ɛn në piɔ̈nden ëbɛ̈n.

Jeremia 30:3

Në biäk cï akööl bɛ̈n akööl bän ke kɔckï luök, kɔc ke Yithriɛl ku Juda. Abä ke bɛ̈ɛ̈i ciëën piny wään cä gäm kuarken, ku abïk bɛ nööm. Acä lueel, Yɛn Bɛ̈nydït.”

Jeremia 31:34

Acïn raan bï raanden aa wɛ̈ɛ̈t bïï Bɛ̈nydït ŋic, në biäk bï kek Yɛn ŋic kedhie gɔl ë mɛnh koor alee guööt raan dït. Yɛn bï karɛcken pɔ̈l ku Yɛn cïï ka cïk wööc bï bɛ tak. Acä lueel, Yɛn Bɛ̈nydït.”

Edhekiɛl 20:15

Guɔ gutguut looi në jɔ̈ɔ̈ric ëtɛ̈ɛ̈n, në biäk cän keek bï lɛɛr piny wään cä gäm keek, piny ee wat ë ca ku miök ë kiëc, piny wär piiny kedhie.

Edhekiɛl 20:38

Yɛn bï kɔc ee löŋ rɛɛc ku kɔc ee karɛc looi nyaai në we yiic. Abä ke bɛ̈ɛ̈i bei pinydɛn ciɛŋkï ënɔɔnë, ku acä ke bï bɛ tɔ puk kenïïm piny de Yithriɛl. Ëtɛ̈ɛ̈n abäk jɔ ŋic nɔn ee yɛn Bɛ̈nydït.”

Edhekiɛl 20:44

Të lan lɔ lui ke ya gël dhuëëŋdï, abäk ŋic wek baai de Yithriɛl nɔn aa yɛn Bɛ̈nydït, në biäk cän bï lui wo week cït man ë kë röŋ ke karɛc, ku kanhiany yak looi.” Bɛ̈nydït Awärjäŋ yen aa jam.

Edhekiɛl 20:6

Ee wään ë lɛ̈k Ɛn keek gutguut, luɔi bän keek bɛ̈ɛ̈i bei ë Rip ku lɛɛr keek pinydiën cä lɔ̈c keek, piny ee wat ë ca ku miök ë kiëc, piny wär piiny kedhie.

Edhekiɛl 24:24

Ëtɛ̈ɛ̈n yɛn bï aa kïndun, wek bï këriëëc ëbɛ̈n cä looi looi. Aye Bɛ̈nydït lueel na cï ee kënë rɔt looi, abäk jɔ ŋic nɔn ee yɛn Bɛ̈nydït Awärjäŋ.”

Edhekiɛl 26:13

Yɛn bï diɛtkun tɔ päl ëbɛ̈n, ku ta thoomkuön yak keek gut tɔ lɔ lik.

Edhekiɛl 34:13

Abä ke lɔ bɛ̈ɛ̈i bei në piiny ke alɛi yiic, ku määt ke yiic tëtök, ku ja ke pɔ̈k nïïm pinyden. Abä ke wat ciëën ku pɔ̈k kenïïm në kur nïïm ku në nyïïn ke pïïu ke piny de Yithriɛl yiic, ku cääm keek në ɣään ke wal piɛth.

Edhekiɛl 37:21

Ku lɛ̈kë keek an, Yɛn Bɛ̈nydït Awärjäŋ, Yɛn bï kɔckï lɔ bɛ̈ɛ̈i bei kedhie në juöör wään cïï kek lɔ thïn, ku määt ke yiic tëtök, ku pɔ̈k kenïïm ciëën pinyden.

Edhekiɛl 37:25

Abïk rëër piny wään cä gäm awundï Jakop, të ɣɔn rëër ë kuarken. Abïk rëër ëtɛ̈ɛ̈n aɣet athɛɛr, ku yen ee täu bïï mïthken ku kuatden ëbɛ̈n tɔ̈u. Melik cït awundiën Debid abï ke cieŋ aɣet athɛɛr.

Edhekiɛl 38:23

Në ye kueerë abä jɔ nyuöth juöör ëbɛ̈n, luɔi diëët Ɛn, ku ɣɛɛr yic. Abïk jɔ ŋic ëtɛ̈ɛ̈n nɔn ee Yɛn Bɛ̈nydït.”

Jɔn 17:3

Ku kënë yen aye pïïr athɛɛr an, Ŋïny bï kek yïn ŋic, yïn Nhialic yic, yïn yïtök, ku ŋickï Yecu Kërtho raan ë yïn ë toc en.

1 Jɔn 5:20

Ku aŋicku nɔn cï wën ë Nhialic bɛ̈n, bï ku gɛ̈m wook ŋïnydekäŋ, buk raan yic ŋic, ku wok tɔ̈u ë raan yicic, yen aye Wëndɛn Yecu Kërtho. Nhialic yic kï, ku pïïr athɛɛr ka.