Edhekiɛl 20:40 - JAM DE NHIALIC 2011

⁴⁰ Në piny yic ëtɛ̈ɛ̈n, në kuurdiën ɣeric nɔm, kuur bɛ̈ɛ̈r de Yithriɛl, wek baai de Yithriɛl wedhie, wek bï yɛn lam. Yɛn bï piɔ̈u miɛt wo week, ku aŋääth nɔn bä wek yɛn gäm miɔ̈cduön näk, miɔ̈c piɛth, ku miɔ̈cduön ɣeric.

Edhekiɛl 20:40 ပူးပေါင်းရင်းမြစ်များ

2 Tham 24:23

Go Arauna keek gäm melik kedhie, ku lɛ̈k Debid an, “Në Bɛ̈nydït Nhialicdu gam miɔ̈cduön bä gam.”

Diɛt 2:6

Ku lueel an, “Yɛn ë meliŋdï kuany në Dhiɔn nɔm, kuurdiën ɣeric.”

Yith 56:7

an, “Wek bä bɛ̈ɛ̈i Dhiɔn, në kuurdiën ɣeric nɔm, ku gäm yïn miɛtëpiɔ̈u ɣöndiën ë lɔ̈ŋ ku gam miɔ̈cduön ye nyop ëbɛ̈n cï gam në yïïŋdï nɔm. Luaŋdït abï ya cɔl ɣön ë lɔ̈ŋ de kɔc ke juöör ëbɛ̈n.”

Yith 60:7

Thök ke Kedar ku Nebayɔth abï ke yiɛ̈n week ke ke ye miɔ̈c näk ku abï ke gam në yïk nɔm agokï Bɛ̈nydït miët piɔ̈u. Bɛ̈nydït abï ɣönde gäm dhuëëŋ dït cïn kë kït kek.

Yith 66:20

Abïk kɔckuön ke Yithriɛl bɛ̈ɛ̈i ciëën kedhie në juööriic ke ye miɔ̈c gëmë yɛn. Abïk keek bɛ̈ɛ̈i në kuurdiën ɣeric nɔm në Jeruthalem në jöŋgöör kɔ̈ɔ̈th, ku mul ku thɔ̈rɔ̈ɔ̈l ku në abëël ke jöŋgöör ke tɔŋ, cït man ye kɔc ke Yithriɛl miɔ̈c ë rap bɛ̈ɛ̈i ɣön ë Bɛ̈nydït ke cï tääu në kapiɛth cïn yiic acuɔl yiic.

Yith 66:23

Në dhuëëŋ de pɛɛi ë piac wil ëbɛ̈n, ku akööl ke Thabath kedhie, kɔc ke juöör ëbɛ̈n abïk a bɛ̈n lam ë Jeruthalem ee tënë, acïï Bɛ̈nydït lueel.

Jeremia 31:12

Abïk bɛ̈n ku kitkï diɛt ke miɛtëpiɔ̈u ë kuur ë Dhiɔn nɔm, ku abïk piɔ̈ɔ̈th miɛt ë miɔ̈cdï, miɔ̈c ë rap, ku mɔ̈u ku miök de olip, miɔ̈c de thök ku ɣɔ̈k. Abïk ciët dom cï ŋiëc piɔɔk, abïk këdɛn kɔɔrkï ëbɛ̈n aa yök.

Edhekiɛl 17:22

Kë lueel ë Bɛ̈nydït Awärjäŋ kï: “Yɛn bï tim de thidar teem nɔm, ku tɛ̈ɛ̈m këër koor bei ku cuɔm në kuur bäär nɔm,

Edhekiɛl 17:23

në kuur bɛ̈ɛ̈r de Yithriɛl nɔm abï cil ë kër ku ŋol ë mïth ku abï jɔ aa tim de thidar piɛth. Diɛt ëbɛ̈n abïk aa nyuc në yenɔm ëtɛ̈ɛ̈n, ku yökkï ɣööt në atïmde yic.

Edhekiɛl 28:14

Yɛn ë tunynhial ee kɔc riääc tääu ëtɛ̈ɛ̈n bï yï gël. Yïn cëŋ në kuurdiën ɣeric de Nhialic nɔm ku jɔ aa cath në kɛm ke kur ke mac.

Edhekiɛl 40:2

Në nyuuth yic Nhialic acï ya jɔt leer ɛn piny de Yithriɛl ku tɛ̈ɛ̈u a piny në kuur bäär nɔm. Guɔ ɣööt juëc tïŋ në yanɔm tueŋ ke ke cït pänydït cï yïk

Edhekiɛl 43:12

Kënë ee löŋ de Luaŋdït: piny thiääk ke Luaŋdït ëbɛ̈n, në kuur nɔm nhial ee tëɣeric.”

Edhekiɛl 43:27

Na ɣɔn cï nïn kadhorou tëëk, bäny ke kake Nhialic, abïk gɛm de miɔ̈c gɔl në yïk nɔm, miɔ̈c ye nyop ëbɛ̈n, ku miɔ̈c de mät. Ëtɛ̈ɛ̈n, yɛn bï piɔ̈u miɛt wo week wedhie. Acä lueel, Yɛn Bɛ̈nydït Awärjäŋ.”

Obadaya 1:16

Kɔckï acïk këtuc thok thiëëp në kuurdiën ɣeric nɔm, në biäk cän ke luöi këtuc. Ku juöör kedhie abïk këtuc thiëëp, këtuuc wär ee kënë ë caŋɣɔn, në biäk cän keek kuum ayadäŋ. Abïk këtuc thiëëp ka abïk ciët ka kën kɔn tɔ̈u ë pinynɔm.

Dhep 3:11

Në ee köölë wek kɔckï, wek cïï gup bï bɛ riɔ̈ɔ̈c në biäk ɣɔn cä wek A rɛɛc. Yɛn bï raan ëbɛ̈n nyaai, raan ee yenɔm ɣääc de guöp lɛc, ku wek cïï Ya bï bɛ rɛɛc në kuurdiën ɣeric nɔm.

Malakai 1:11

Juöör ke piny nɔm ëbɛ̈n, gɔl të lɔ aköl amiäk lee të lɔ aköl athɛ̈i, adhuëŋkï rinkï. Yɛn ye nyuöp wal ŋïr, ku yïnë ya miɔ̈c lɔ wai në piny nɔm ëbɛ̈n. Në biäk ye rinkï dhuëëŋ në juöör ke piny nɔm kedhie, kë lueel ë Bɛ̈nydït de rɛm ka.

Malakai 3:4

Ku miɔ̈c de Jeruthalem ayï piny de Juda ëbɛ̈n abï Bɛ̈nydït keek jɔ ya gam në miɛtëpiɔ̈u cït man ɣɔn tueŋ në run ɣɔn cï tëëk.

Romai 8:23

Ku acie keek kapäc, ee wook aya, wok kɔc cath në Wëi, biäk cï kɔn gäm wook, wok gup, wok ee keŋ ë woyiic, wok ee muŋ bï wo muk tiit, yen aye wɛ̈ɛ̈r bï wo wɛ̈ɛ̈r gup bei.

Ɣeberuu 13:15

Ka wook, wok kɔc nu ë kueer ë Bɛ̈nydan Yecu Kërtho yic, Bɛ̈nydan nu nhial, yok Nhialic lɛc nɔm në lɛc cïï kɔ̈u ee tɛɛm yen aye miɔ̈cda në rin ke Yecu Kërtho.

1 Pet 2:5

Ke week aya wek ee ciët kuur pïïr, ago we yïk a ye ɣön ë wëi, bäk aa bäny ɣeriic bäny ke kake Nhialic, bäny ë ka ye läm näk keek yiɛ̈n Nhialic kake wëi, kamit ë Nhialic piɔ̈u në Yecu Kërtho.

Nyuuth 12:1

Na wën, ke gökdïït gɛ̈iyë tiëc paannhial, tik aceŋ akɔ̈l cït lupɔ, ku nu pɛɛi ë yecök, ku ceŋ göl ë dhuëëŋ ë yenɔm göl de kɔ̈u kuɛl kathiëër ku rou,

Nyuuth 21:10

Go ya jɔt në riɛl ë Wëidït leer ɛn ë gök de kuurdït bäär nɔm, ku jɔ a nyuöth pänydït ɣeric Jeruthalem, ke bɔ̈ piny paannhial tëde Nhialic,