Edhekiɛl 20:39 - JAM DE NHIALIC 2011

³⁹ Acïï Bɛ̈nydït Awärjäŋ lueel an, “Ku ënɔɔnë, wek baai de Yithriɛl, takï we piɔ̈ɔ̈th mit! Luööikï yiëthkun! Ku wek jääny, në ee kake cök, wek bï ya dhil riëëu, ku pälkï luɔi ya wek rinkiën ɣeriic yɔ̈ɔ̈r, në gɛm ya wek miɔ̈c gäm yiëthkun.

Edhekiɛl 20:39 ပူးပေါင်းရင်းမြစ်များ

2 Mel 3:13

Go Elica lɛ̈k melik de Yithriɛl an, “Eeŋödï wo yï? Lɔ tëde tït ke wuur ku moor.” Go melik de Yithriɛl lɛ̈k en an, “Ei, ee Bɛ̈nydït Yen acï meliikë kadiäk cɔɔl bï ke bɛ̈n tääu në Mowap cin.”

Diɛt 81:12

Aguɔ keek tɔ lɔ në kueerdɛn de dhɔ̈ɔ̈nic, ku loikï këdɛn kɔɔrkï.

Kɛ̈ŋ 21:27

Ka näk ye kɔc ee karɛc looi gam ee gök de kërac mɛɛn Bɛ̈nydït, ku ee jɔ rac arëët tëde yenic kiɛɛr rac.

Yith 66:3

“Kɔc ayek ka nhiaarkï looi. Käŋ ëbɛ̈n akïtkï tëde keek: raan cï thɔn nɔ̈k acït raan ë näk raan, ku raan cï nyɔɔŋ amääl nɔ̈k acït raan ë dhoŋ jö yeth, ku raan ë gɛm miɔ̈c ë rap acït raan ë gɛm riɛm de kudhur, ku raan ë gɛm wal ŋïr nɔn ee läŋ acït raan ë lam yiëth. Ayek piɔ̈ɔ̈th miɛt në kuɛɛr rac ke läm.

Edhekiɛl 43:7

“Yïn Mɛnh ë raan, kënë ee thöönydï. Yɛn bï rëër eenë në baai de Yithriɛl yic, ku bä tɔ̈u ë kenïïm aɣet athɛɛr. Ku acïn raan bï rinkiën ɣeriic bɛ yɔ̈ɔ̈r gup, në läm ye kek yiëth kɔ̈k lam, ku nɔn tɔ̈ukï gup ke meliikkɛn cï thou eenë, në kɔc ke Yithriɛl yiic ku nɔn yen meliikken.

Ɣodh 4:17

Paan de Eparaim ë mɛt në yiëthiic, päl keek alɔ.

Amoth 6:10

Na lɔ raan de kɔckɛn cï thou bɛ̈n, bïï gup ke kɔckɛn cï thou bɛ̈n bɛ̈ɛ̈i bei le ke rɔk. Ku kɔc de kɔc cï thou, abïk raan cï döŋ apïïr ɣööt luɔp, an, “De raan däŋ cï döŋ kekë yïn? “Ku abïï röl bɛ̈ɛ̈r an, “Ei! Ka abï raan de kɔc cï thou lueel an, “Mimku thook! Titku röt apiɛth, duku Bɛ̈nydït be lueel rin.

Math 6:24

Acïn raan duëër rɔt tɔ ye lïm de bäny kaarou, ka bï tök maan, ku nhiaar tök, ku abï tök dɔm ku tɔ tök cïn naamde. Wek cïï röt duëër tɔ ye lïïm ke Nhialic ku lïïm ke wëu ayadäŋ.

Luɔi 7:42

Na wën, ke Nhialic yɛl rɔt wei, ku pɛ̈l keek bïk rem de kuɛl nhial aa lam, acït man cï këcïgɔ̈ɔ̈r de tït e lueel an: ‘Wek baai de Yithriɛl! Acie Yɛn ë yak näk läi ku tëmkï ke röt Ɛn ë jɔ̈ɔ̈ric në run kathiërŋuan?

2 Theth 2:11

Yen abï Nhialic kën ee kɔc math tuöc keek, ke ke bï lueth gam:

Jocua 24:15

Na cäkkï Bɛ̈nydït bï luööi, ke we lɔc raan bäk luööi ee köölë. Tɛk däŋ, bäk yiëth ɣɔn ye kuarkun lam piny de Yuparat lɔŋ tui kek bäk luööi, ku nɔn ee kek yiëth ke kɔc ke Amor, kɔc rɛ̈ɛ̈r wek pinyden. Na yɛn wokë baaidï, ee Bɛ̈nydït Yen abuk luööi.”

Bäny 10:14

Lakï ku läŋkï yiëth cäk keek lɔc. Takï keek luäk week, të täu wek ë nuanic.”