Edhekiɛl 20:32 - JAM DE NHIALIC 2011

³² Acäk tak ë wepiɔ̈ɔ̈th, nɔn kaar wek bäk ciët juöör kɔ̈k, ku bäk ciët dhiëën kɔ̈k rëër në juöör kɔ̈k yiic, ku bäk tiim ayï kur lam. Ku kënë acïï rɔt duëër looi.

Edhekiɛl 20:32 ပူးပေါင်းရင်းမြစ်များ

Diɛt 139:2

Yïn ŋic këriëëc ya looi ëbɛ̈n. Yïn ŋic ka ya tak tëmec.

Diɛt 33:10

Bɛ̈nydït ee täŋ de juöör riɔ̈ɔ̈k, ku pën keek luɔi looi kek kë cïk kiëët.

Kɛ̈ŋ 19:21

Kajuëc aye raan ke kiëët, ku kë kɔɔr Bɛ̈nydït yen aye rɔt lëu.

Yith 37:19

ku nyop yiëthken, ka ɣɔn cie yiëth ë yic yic, ayek kak ë guaŋ ë tiim ku kur, luɔi de kɔc cin tei.

Jeremia 2:25

Yïn Yithriɛl du yïcök tɔ baat, ku nɔn bïï yïn röl ril wei ke yï cop yiëth kɔ̈k cök. Ku acï lueel an, ‘Ei! Yɛn cïï rɔt bï pɔ̈k ciëën. Yɛn nhiaar yiëth ke juöör kɔ̈k, ku yɛn bï lɔ në kecök.”’

Jeremia 44:17

Ku wo bï këriëëc ëbɛ̈n looi, kë cuk lueel an buk looi. Wok bï wal ŋïr nyuöp tiiŋ melik de paannhial, ku abuk wäl nɔm mɔ̈u, cït man ɣɔn ye wok ye looi në kuarkuɔ, ku meliikuɔ ku bänykuɔ ë wuöt ke Juda yiic ku kuɛɛr ke Jeruthalem yiic. Wok cï nïïm dɛ kacaam juëc, ku kuethku, ku aa cïn nuan ë nu.

Jeremia 44:29

Yɛn Bɛ̈nydït, we bä nyuöth kïn bän we luöi këtuc ee tënë, ku thöndiën cä lueel nɔn bän we luöi këtuc abï ya yic.

Dhiëëu 3:37

Këde piɔ̈n ë Bɛ̈nydït yetök, yen aye looi aköölnyïïn.

Edhekiɛl 11:5

Wëi ke Bɛ̈nydït acïk a lɔ̈ny go ë Bɛ̈nydït lɛ̈k ɛn bä kɔc lɔ gäm ee wëlkë: “Baai de Yithriɛl, yɛn ŋic kë luɛlkï, ku kakuön guiɛɛrkï keek.

Edhekiɛl 38:10

Yen kë cïï Bɛ̈nydït Awärjäŋ lɛ̈k Gok ka: “Të le köölë bɛ̈n yïn bï täŋ de kiɛɛr rac gɔl.

Danyel 5:4

ku piɔnykï yiëth ë loi në adhääp, ku ateek, ku maläŋ, ku wëëth, ku tim, ku kuur.

Ɣodh 4:12

Ka ayek luny de tim ril yɔ̈ɔ̈k an nyuth keek nyuuth! Ku lëkkï thieec an guïïr keek kë kɔɔrkï bïk ŋic! Acïk Ɛn nyääŋ piny Yɛn Nhialicden. Acïï dhööm ë kepiɔ̈ɔ̈th keek thɛl wei, ka acïkï be diɛɛr në Nhialic.

Romai 12:2

Ku duökï täu de pinyë nɔm ënɔɔnë ee dɔmic, jakï röt puk në luɔi ë piɛcë we looi nïïm, ke we bï këde piɔ̈n ë Nhialic aa them nɔn yïn en dï, piɔ̈n piɛthë, ku mit, ku cï dikëdik.

Nyöŋ 28:36

“Bɛ̈nydït abï week lɛɛr piny lei në melikdun, jur kɛ̈n wek kɔn lɔ rëër thïn ayï kuarkun, ku wek bï yiëth cï looi në kur ku tiim aa lɔ luööi ëtɛ̈ɛ̈n.

Nyöŋ 28:64

“Bɛ̈nydït abï week thiäi piny në juööriic ëbɛ̈n, gɔl në piny thar biäkë leer ë biäkë, ku ëtɛ̈ɛ̈n we bï yiëth ë loi në tiim ku kur aa luööi, yiëth kɛ̈nkï keek kɔn lam ayï kuarkun.

Nyöŋ 29:17

Wek cï yiëthkɛn nhiany tïŋ, yiëth cï looi në tiim, ku kur, ku ateek, ku adhääp.

Nyöŋ 4:28

Ku ëtɛ̈ɛ̈n, wek bï yiëth ye guaŋ ë kɔc cin aa luööi, yiëth ë loi keek në tiim ku kur, yiëth cie daai, ku cïkkï ee piŋ, ku cïkkï cäm, ku cïkkï ee ŋör.

Nyuuth 9:20

Ku kɔc cï döŋ, kɔc kënë jɔɔkkë nɔ̈k, aŋootkï ke ke kën kepiɔ̈ɔ̈th puk në luɔidɛn yek looi ë kecin, ke ke cïï jɔɔk rac bï aa lam, ayï ka cï cuëëc ë adhääp, ku ateek, ku maläŋ, ku kuur, ku tim, ka cie daai, ku cïkï ye piŋ, ku cïkï ye cath:

1 Tham 8:5

Gokï lɛ̈k en an, “Yïn cï dhiɔp ku wɛ̈ɛ̈tku acïkï luɔɔidu kuany yic, ënɔɔnë kuany melik bï wook wat, cït juöör kɔ̈k de nïïm melik.”