Edhekiɛl 20:3 - JAM DE NHIALIC 2011

³ “Mɛnh ë raan, jamë wek ee röördït ku lɛ̈kë keek an acïï Bɛ̈nydït Awärjäŋ lueel an: ‘Wek cï bɛ̈n bäk këde piɔ̈ndï kɔɔr, cie tɔ̈u de ka? Në yic, ke ya ye Nhialic pïïr. Acä lueel, Yɛn Bɛ̈nydït Awärjäŋ.

Edhekiɛl 20:3 ပူးပေါင်းရင်းမြစ်များ

Kɛ̈ŋ 15:8

Miɔ̈c näk ye kɔc ee karɛc looi gam ee gök de kërɛɛc mɛɛn ë Bɛ̈nydït, ee lɔ̈ŋ de kɔc piɛth piɔ̈ɔ̈th yen anhiɛɛr.

Kɛ̈ŋ 21:27

Ka näk ye kɔc ee karɛc looi gam ee gök de kërac mɛɛn Bɛ̈nydït, ku ee jɔ rac arëët tëde yenic kiɛɛr rac.

Kɛ̈ŋ 28:9

Të cïï raan yeyïc pɛ̈n pïŋ de löŋ, ke lɔ̈ŋde ee gök de kërɛɛc mɛɛn Bɛ̈nydït.

Yith 1:12

Eeŋa cï we thiëëc bäk kakë ëbɛ̈n yiɛ̈n Ɛn të bä wek A bɛ̈n lɔ̈ŋ? Eeŋa cï we thiëëc bäk kakë looi ëbɛ̈n, ke ke dum ɣöndiën ɣeric yic?

Yith 1:15

“Të la wek we cin taar në lɔ̈ŋ, wek cä bï lieec, na we cak lɔ̈ŋ në lɔ̈ŋ yïndï, ke acä bï piŋ, në luɔi cïï cinkun thiäŋ në rim.

Yith 58:2

Ayek a lam aköölnyïïn, ku yek lueel nɔn kɔɔr kek bïk kuɛɛrkï ŋic ku bïk lööŋkï riëëu, abïk ciët jur ee piathëpiɔ̈u looi. Akɔɔrkï bä keek gäm lööŋ kapäc, ku an yek piɔ̈ɔ̈th miɛt ë läm ye kek Yɛn lam.”

Edhekiɛl 14:1

Ku röördït kɔ̈k ke Yithriɛl acïk a bɛ̈n luɔp në biäk de këde Bɛ̈nydït piɔ̈u.

Edhekiɛl 20:2

Go jam de Bɛ̈nydït bɛ̈n tëde yɛn an:

Edhekiɛl 20:31

Agut cï ee köölë, wek ee miɔ̈c töŋë gam, ku jakï röt riɔ̈ɔ̈k në ee yiëth mankë, në gɛm ya wek mïthkun gam, tɔ ke ye miɔ̈c ye nyop ëbɛ̈n në mac yic. Ku ayadäŋ baai de Yithriɛl wek ee ŋoot ke we thiëc ɛn, eeŋö ye ee këde piɔ̈ndï! Ee yic, ke ya ye Bɛ̈nydït Awärjäŋ, yɛn ee Nhialic pïïr, wek cä bï bɛ pɔ̈l athiëc këdäŋ tëde yɛn.

Edhekiɛl 33:30

Go ë Bɛ̈nydït lueel an, “Mɛnh ë raan, kɔckun ayek yï jääm guöp të cïï kek lɔ mat në pɛ̈ɛ̈ny ke pänydït kɔ̈u ku në kuɛɛr ke ɣöötken thook. Ayek lɛ̈k röt an, ‘Lokku ku piŋku ee jam ŋö cï bɛ̈n tëde Bɛ̈nydït ënɔɔnë.’

Amoth 8:12

Ku kɔc abïk piny wiëël në cäth në kaam ë wɛ̈ɛ̈rë ke wɛ̈ɛ̈rë. Ku bïk aa ɣet të lɔ rut ku të lɔ aköl amiäk. Ku abïk aa kat ke ke lɔ tɛ̈n ku lek tɛ̈n, ke ke kɔɔr jam de Bɛ̈nydït, ku acïkï bï kɔn yök ëtɔt.

Maika 3:7

Ku kɔc ee nyuuth tïŋ, abïk yäär, ku tït abïk guöp riɔ̈ɔ̈c. Abïk kenyïïn kum kedhie, në luɔi cän jamden bï bɛ aa puk nɔm Yɛn Nhialic.

Math 3:7

Na wën, acï kɔc juëc tïŋ, kɔc ke Parithai kekë Thadokai, ke ke bɔ̈ bïï ke bɛ̈n baptith në yen, ke ke jɔ yɔ̈ɔ̈k an, “Wek mïth ke karɛc, eeŋa ë yöök week an, bäk kat e agönh bï bɛ̈n?

Luk 3:7

Na wën, aacï kuut dïït ë kɔc bɛ̈n, bï ke bɛ̈n baptith në yen, ke jɔ keek yɔ̈ɔ̈k an, “Wek mïth ke karɛc! Eeŋa ë yöök week an, bäk kat agönh bï bɛ̈n?

Jɔn 4:24

Nhialic ee Wëi, ku kɔc lam en abïk e dhil lam në wëi ku në yic.”

1 Tham 28:6

ago Thaulo Bɛ̈nydït luɔp në kë bï looi. Ku Bɛ̈nydït akën jamde bɛ̈n bɛ̈ɛ̈r taitai, akën nyuöth në cuɛt de Yurim ku Thumim ku nɔn ee tiët.