Edhekiɛl 20:21 - JAM DE NHIALIC 2011

²¹ “Ku remë aya acï a rɛɛc. Acïk lööŋkï dhoŋ kɔ̈ɔ̈th, ku cïkï ka cä lɛ̈k keek ë muk, kën ee raan rïïu keek gäm pïïr. Acïk kööl ë Thabath rɛɛc. Yɛn aacï rɔt guiir bä ke tɔ yök agönhdiën tuc ëtɛ̈ɛ̈n në jɔ̈ɔ̈ric ku näk keek kedhie.

Edhekiɛl 20:21 ပူးပေါင်းရင်းမြစ်များ

2 Lëk 34:21

“Lakï bäk Bɛ̈nydït lɔ luɔp në biäkdï, ku në biäk de kɔc cï döŋ Juda ku Yithriɛl, ku në biäk de jam de awerek cï yök, në biäk bï Bɛ̈nydït göth aläl kekë wook, në biäk kën ë wärkuɔ jam de Bɛ̈nydït döt, akënkï kë cïï lueel awerek yic ëbɛ̈n looi.”

2 Lëk 34:25

Acïk ya rɛɛc ku acïk miɔ̈c de wal ŋïr gäm yiëth kɔ̈k, ka cïk agönhdï jat nhial në ka cïk looi ëbɛ̈n. Agönhdï acä wɛ̈l nɔm Jeruthalem, ku acïï bï thök.

Diɛt 78:10

Akënkï löŋ cïk mac në Nhialic döt, gokï löŋde kɛ̈n riëëu.

Jeremia 32:23

Ku wään cï kek bɛ̈n ee pinyë ku nömkï, akënkï lööŋku bɛ̈n riëëu, ku akënkï rëër ë wëëtdu yic, acïn kë cïk looi në ka wään cï lɛ̈k keek yiic. Ago ee riääkkë ëbɛ̈n jɔ yiɛ̈n keek.

Dhiëëu 4:11

Bɛ̈nydït acï agönhdɛn tuc aläl wɛ̈lnɔm Dhiɔn, acï Dhiɔn ɣök many cï yen nyuɔp piny ayï këërkëërde.

Edhekiɛl 13:15

“Yen päny kekë kɔc ë rɔth yekɔ̈u në kïn ɣer, abïk tuöc de agönhdï yök. Ëtɛ̈ɛ̈n abä lɛ̈k week an päny acï lɔ ke kɔc ë rɔth yekɔ̈u në kïn ɣer,

Edhekiɛl 20:11

Acä ke yɔ̈ɔ̈k ku wɛ̈ɛ̈tke në lööŋkï, lööŋ ee raan ëbɛ̈n gäm pïïr, raan rïïu keek.

Edhekiɛl 20:13

Ku wään tɔ̈u kek ë jɔ̈ɔ̈ric baai de Yithriɛl acï a bɛ̈n rɛɛc. Acïk lööŋkï dhoŋ kɔ̈ɔ̈th, ku reeckï ka cä lɛ̈k keek, kën ee raan rïïu keek gäm pïïr. Acïk kööl de Thabath rɛɛc taitai. Yɛn aa cï rɔt guiir bä keek tɔ yök agönhdiën tuc në jɔ̈ɔ̈ric ku riääk keek.

Edhekiɛl 20:36

Wek cä bï luöi këtuc cït man wään cän kuarkun kɔn luöi këtuc në jɔ̈ɔ̈r de Thinai yic.

Edhekiɛl 20:8

Ku acïk a rɛɛc, ku cïkï yɛn ee piŋ thok. Akënkï yiëth rackɛnkë cuat wei ku mɛ̈lkï në yiëth ke Rip. Yɛn aa cï rɔt guiir, bä ke tɔ yök agönhdiën tuc wään ë Rip.

Edhekiɛl 21:31

Wek bï agönhdï yök, të la yɛn en pɔ̈l ke lääuwic në yïguöp cït many dɛ̈p. Wek bä gäm kɔc rac, kɔc ŋic riääk de käŋ.

Edhekiɛl 22:8

Wek cï ɣään ɣeriic ee riëëu, ku cäkï kööl de Thabath ee muk.

Edhekiɛl 7:8

“Në akööl lik bï bɛ̈n tueŋë, yïn bï riɛl de agönhdï yök. Yïn luöi këtuc në biäk de kë cï looi, ku yïn bä cuöl ariöp de karɛckuön cï looi ëbɛ̈n.

Danyel 11:36

“Ku melik de Thiriya abï lui cït man ë kë kɔɔr ë piɔ̈nde. Abï rɔt leec nɔn dïït en ë yiëth kɔ̈k awär Nhialic dït aya. Abï rɔt lɛɛc aya agut kööl bï Nhialic yen luöi këtuc. Ku Nhialic abï këdɛn cï kiëët looi ëdhöc tëde.

Kuɛ̈n 21:5

Gokï Nhialic jääm guöp, ku jiëëmkï Mothe guöp aya, luelkï an, “Eeŋö bɛ̈ɛ̈i wek wo bei Rip, bäk wook bɛ̈n tɔ thou në jɔ̈ɔ̈ric? Acïn këcam ku acïn pïïu dek. Wok ë bäp në këcam rɛɛcë.

Math 19:17

Go yɔ̈ɔ̈k an, “Eeŋö tɔ yïn e piɛth? Acïn raan piɛth nu, ee tök tei, yen Nhialic. Ku na kɔɔr nɔn bï yïn lɔ të nu pïïr, ke yï döt cök ke lööŋ.”

Luɔi 13:18

Go yepiɔ̈u tɔ lir në ciɛɛŋdɛn rac acït run kathiërŋuan ë jɔ̈ɔ̈ric.

Nyöŋ 31:27

Në luɔi ŋiɛc ɛn week, luɔi ya wek kɔc cïn piɔ̈ɔ̈th ku rɛɛckï Bɛ̈nydït, ku na yak Bɛ̈nydït rɛɛc thok ke ya ŋoot ke ya pïïr wo week, ee rɛɛc cït ŋö yen bä wek En lɔ̈ɔ̈k rɛɛc të la yɛn thou?

Nyuuth 16:1

Guɔ röl dïït ë raan piŋ, röl bɔ̈ bei luɛɛk, ayöök tuucnhial kadhorou, an, “Jälkï, lak luööŋkï ka nu ë guöl yiic ë piny nɔm, guöl ke agönh tuc ë Nhialic.