Edhekiɛl 20:1 - JAM DE NHIALIC 2011

¹ Aa ye kööl de thiëër në pɛɛi de dhïc në ruöön ë dhorou de pɛ̈c. Röördït kɔ̈k ke Yithriɛl acïk bɛ̈n tëde yɛn, bïk a bɛ̈n luɔp në këde piɔ̈n ë Bɛ̈nydït, agokï nyuc piny në yanɔm.

Edhekiɛl 20:1 ပူးပေါင်းရင်းမြစ်များ

2 Mel 3:13

Go Elica lɛ̈k melik de Yithriɛl an, “Eeŋödï wo yï? Lɔ tëde tït ke wuur ku moor.” Go melik de Yithriɛl lɛ̈k en an, “Ei, ee Bɛ̈nydït Yen acï meliikë kadiäk cɔɔl bï ke bɛ̈n tääu në Mowap cin.”

2 Mel 6:32

Go melik tuc tuöc Elica. Ku Elica aa rɛ̈ɛ̈r ɣönde ke röördït cï ye bɛ̈n neem. Ku të wën ŋoot ë raan cï melik tooc ke kën ɣëët, acï Elica lɛ̈k röördït, an, “Raan ee kɔc luc ë ya tuöc raan bï ya bɛ̈n nɔ̈k, na le bɛ̈n ee tënë ke we thiök ɣöt thok, ku duökï tɔ bɔ̈ ɣöt, melik athiɔ̈k ë yecök ciëën.”

Yith 29:13

Acï Bɛ̈nydït lueel an, “Kɔckë ayek röt tɔ ye kɔc lam ɛn, ku jamden ee ɣɔ̈ric, ku piɔ̈ɔ̈thken anukï tëdäŋ pei. Ka yek theek ee lööŋ ke kɔc tei, ku ciɛɛŋ thɛɛr, ka cïk keek tääu ë kenïïm.

Yith 58:2

Ayek a lam aköölnyïïn, ku yek lueel nɔn kɔɔr kek bïk kuɛɛrkï ŋic ku bïk lööŋkï riëëu, abïk ciët jur ee piathëpiɔ̈u looi. Akɔɔrkï bä keek gäm lööŋ kapäc, ku an yek piɔ̈ɔ̈th miɛt ë läm ye kek Yɛn lam.”

Jeremia 21:2

“Luɔpë Bɛ̈nydït në biäkda, në biäk luiyë wo tɔŋ ë Nebukadnedhar melik de Babilon kekë remdɛn ë tɔŋ, tɛkdäŋ bï Bɛ̈nydït këdïït de gäi looi ë biäkda ku tɔ Nebukadnedhar tɔ puk rɔt.”

Jeremia 37:17

Na wën ke melik Dhedekia tuc ya raan, ku jɔ yɛn luɔp yatök ɣön ë bääny an, “De jam cï bɛ̈n tëde Bɛ̈nydït?” Aguɔ bɛ̈ɛ̈r ku luɛɛl an, “Ade jam, ku yïn bïï gäm melik de Babilonia.”

Edhekiɛl 1:2

Në kööl de dhïc në pɛɛi yic (Aa ye ruöön de dhïc de pɛ̈c ë melik Jekonia ɣɔn leerë yen Babilonia.)

Edhekiɛl 20:2

Go jam de Bɛ̈nydït bɛ̈n tëde yɛn an:

Edhekiɛl 24:1

Në kööl de thiëër, në pɛɛi de thiëër, në ruöön ye run ke pɛ̈c dhoŋuan, go jam de Bɛ̈nydït bɛ̈n tëde yɛn an:

Edhekiɛl 26:1

Në kööl tueŋ në pɛɛi yic, në ruöön de thiëër ku tök ë pɛ̈cic, go jam de Bɛ̈nydït bɛ̈n tëde yɛn an:

Edhekiɛl 29:1

Në kööl de thiëër ku rou, në pɛɛi de thiëër, në ruöön ye run ë peec ë wook thiëër, go jam de Bɛ̈nydït bɛ̈n tëde yɛn an.

Edhekiɛl 29:17

Në kööl tueŋ, në pɛɛi tueŋ de ruöön ye run cï ë wook peec thiërrou ku dhorou, go jam de Bɛ̈nydït bɛ̈n tëde yɛn an:

Edhekiɛl 30:20

Në kööl de dhorou, në pɛɛi tueŋ, de ruöön ye run ë peec ë wook thiëër ku tök, go jam de Bɛ̈nydït bɛ̈n tëde yɛn an:

Edhekiɛl 31:1

Në kööl tueŋ, në pɛɛi de diäk, në ruöön ye run ë peec ë wook thiëër ku tök, go jam de Bɛ̈nydït bɛ̈n tëde yɛn an:

Edhekiɛl 32:1

Në kööl tueŋ de pɛɛi de thiëër ku rou, në ruöön ye run ë peec ë wook thiëër ku rou, go jam de Bɛ̈nydït bɛ̈n tëde yɛn an:

Edhekiɛl 40:1

Aa ye kööl de thiëër, de ruöön ë piac bɛ̈n, ku ye ruöön ye runkuɔn ke pɛ̈c thiërrou ku dhïc, ku ye ruöön de thiëër ku ŋuan në dɔ̈m de Jeruthalem cök. Në ye köölë yɛn cï riɛldïït de Bɛ̈nydït yök në yaguöp, ku jɔt yɛn wei.

Edhekiɛl 8:1

Në kööl ë dhïc, në pɛɛi de dhetem në ruöön de dhetem, të wään cï ë wo peec, röördït ke dhiën ë Juda aake rɛ̈ɛ̈r në yɛn ë tök baaidï. Na wën ke riɛl de Bɛ̈nydït ë bɔ̈ në yaguöp ëthiäu.

Edhekiɛl 8:11

Röördït ke baai de Yithriɛl kathiërdhorou, aake tɔ̈u ëtɛ̈ɛ̈n, ade yic Jadharia wën de Capan. Raan ëbɛ̈n në keyiic aa amuk thaŋ ye wal ŋïr nyop, ka tol de aŋïïr de wal alɔ nhial.

Math 22:16

Gokï kɔckɛn ë piööcë tuöc en, në kɔc ke Ɣerod ëtök, agokï lueel an, “Bɛ̈ny de wëët, yïn ŋicku nɔn ee yïn yic, ku nɔn ee yïn kɔc wɛ̈ɛ̈t në kueer ë Nhialic ë yic, ku acïn raan bï yïn riɔ̈ɔ̈c ë yen, yïn cïï kɔc ë woi gup biic.

Luk 10:39

Ku de nɔm nyankënë cɔl Meri, nyan cï nyuc ë Bɛ̈nydït cök, ke piŋ wëëtde.

Luk 2:46

Na wën, aa cï nïn aa diäk, ke jɔkï yök ë Luaŋdït yic, ke rɛ̈ɛ̈r ë kɔc yiic cil kɔc ee wëët, ke piŋ këden, ku thiëc keek käŋ aya.

Luk 8:35

Go kɔc lɔ biic lek ke cï looi tïŋ, gokï bɛ̈n të nu Yecu, ku yökkï raan wën cï jɔɔk rac jäl ë yeguöp, arɛ̈ɛ̈r ë Yecu cök, ke ceŋ lupɔ, acï nɔm piath, agokï riɔ̈ɔ̈c.

Luɔi 22:3

“Yɛn ë Judai nɔm ëgɔk, ku yɛn aa dhiëëth ë Tartho ë Kilikia, ku yɛn aa muk ë pänydïïtëyic, ke ya piɔ̈ɔ̈c ë Gamaliɛl, ku ye ya wɛ̈ɛ̈t ë täu de löŋ de kuarkuɔ, täu a gɔk, aguɔ yic lɛ̈th në këde Nhialic, acït man ë wek wedhie ëköölë.