Edhekiɛl 19:12 - JAM DE NHIALIC 2011

¹² Ku jɔ ë ciin göth nyuän thar bei ayï mei ku cuɛt piny. Go yom de aköl amiäk mïthke tɔ ril wei. Go kërke dhuɔɔŋ, agokï riɛl ku cuɛtë mɛɛc bïk dëp.

Edhekiɛl 19:12 ပူးပေါင်းရင်းမြစ်များ

2 Mel 23:29

Në akööl wään ye Jothia melik, go Neko melik de Rip rem de tɔŋ jɔt ke lɔ melik de Athiriya kony në wɛ̈ɛ̈r ë Yuparat. Ago melik Jothia ye them luɔi bï yen thɔ̈ɔ̈r ke rem de tɔŋ ë Rip në Megido, gokï Jothia nɔ̈k ë tɔŋic.

2 Mel 23:34

Go melik Neko Eliakim wën ë Jothia tɔ ye melik de Juda në nyin ë Jothia yic, ku wɛɛr rin an Jeɣoyakim. Ku leer Jowaɣadh Rip, ku jɔ lɔ thou ëtɛ̈ɛ̈n.

2 Mel 24:6

Go Jeɣoyakim thou, ago Jekonia wënde lɔ në nyinde yic ke ye melik.

Diɛt 52:5

E yic Nhialic abï yïn riɔ̈ɔ̈k aɣet athɛɛr, abï yïn dɔm ku gɔp yïn yic paandu, abï yïn nyaai piny de kɔc pïïr.

Diɛt 80:16

Acïï kɔc ke aterda ɣök mac, ku yepkï piny, tïŋ keek në agɔ̈th, ku riɔ̈ɔ̈k keek!

Yith 27:11

Kër ke tiim acïk biɔɔr ku dhoŋkï, go diäär ke kuany ke ke ye tiim ke thät. Në biäk kën ë kɔc e yökic, Nhialic Aciëŋden acïï piɔ̈u bï kok ke keek, acï ke bï nyuöth kokdepiɔ̈u.

Yith 27:8

Acï Bɛ̈nydït ke luöi këtuc në luɔi cïï Yen ke lɛɛr ë pɛ̈cic. Aake jɔt wei në yom de guöp akuöörkuöör ë bɔ̈ të lɔ aköl amiäk.

Jeremia 22:30

“Monyë acï mäc luɔi bï yen nɔm ciën mïth, ke bï aa mony cïn kë bï kɔn tiaam. Abï nɔm ciën kuatdɛn bï lɔ̈ɔ̈k aa bɛ̈ny ë Juda, ke cït kɔc bï lɔ̈ɔ̈k tɔ̈u ë nyin de Debid yic. Acä lueel, Yɛn Bɛ̈nydït.”

Jeremia 31:28

Ku cït man cän e kiëët bä ke nyuän bei, ku wuöth ke bei, ku riääk ke, ku thuöör ke piny, yen abän kïït aya bä ke com, ku yiɛ̈k ke.

Dhiëëu 2:1

Bɛ̈nydït acï nyan de Dhiɔn kum ë mɔ̈ɔ̈th në agönhde. Läkdɛn de paannhial acï puk ke ee riääk. Në kööl de agönhde acï Luaŋdït pɔ̈l aya.

Edhekiɛl 15:2

“Mɛnh ë raan, duëër enap thöŋ ë tiim adï? Eeŋö ee piath de kër ke enap të thööŋë ye kër ke tiim roor?

Edhekiɛl 15:4

Apiɛth tei ke kuöth de mac. Ku na cï thar dëp ku döŋ kɔ̈u cil, de kë duëërë bɛ looi në yen?

Edhekiɛl 17:10

Ɣɛɛ, acï com, ku bïï pïïr abïï dït? Cï bï biɔɔr, të le yom de aköl amiäk ye yök? Cï bï biɔɔr ëtɛ̈ɛ̈n të wën cïï yen cil?”

Edhekiɛl 19:11

Kërke aake ril ku jɔkï dït ke ke ye thieec ke bääny. Go tim de enap jɔ dït ke bɛ̈ɛ̈r abïï luäät cuööp acïï tïŋ ë raan ëbɛ̈n luɔi bɛ̈ɛ̈r en ku de yïth juëc.

Edhekiɛl 28:17

Yïn aaye rɔt lɛɛc në dikdu, ku kɛkdu acï yïn tɔ loi rɔt cï raan piɔlpiɔ̈u. Në biäk ee kënë yïn cä cuat piny ku nyääŋ yïn piny ke yï ye kë bï meliik kɔ̈k jɔ̈ɔ̈ny.

Ɣodh 13:15

Na cakaa nɔn cï yen bäny në juööriic, ka cï ciët aguun nu ë wɛ̈ɛ̈r yɔu. Abä tuöc yom tuuc de jɔ̈ɔ̈ric ee bɛ̈n të lɔ aköl amiäk, ku awɛɛŋke abïk dëu, ku nyïïnkɛn ke pïïu abïk liu. Ka abï këriëëcdɛn cïk kuɛ̈t röt jɔt ëbɛ̈n.

Jona 4:8

Na wën aacï akɔ̈l ruɛl, ke Bɛ̈nydït Nhialic ë tɔ yom de aköl amiäk tɔ put kekë köpiör cï tucëtuc, go tuöc de akɔ̈l Jona duɛ̈ɛ̈r thööŋ abïï nïp ago thuɔɔu ŋuöön. Ku lueel an, “Aŋuɛ̈ɛ̈n ë luɔi thuɔu ɛn ku mäl në pïïr.

Math 3:10

Ku ënɔɔnë yiëp ë guɔ tääu të nu mei ke tiim, tim ëbɛ̈n tim reec luɔk në mïth piɛth aye yiɛp piny, ku cuɛtë mɛɛc.

Jɔn 15:6

Raan cie rëër ë yayic, ka cuɛtë wei cït man ë këër, ago riɔu, ago ke kut nïïm, ku cuɛtë ke mɛɛc, agokï nyop.

Nyöŋ 29:28

Go Bɛ̈nydït gɔ̈th aläldïïtë, ku në agönhdɛndït, acï kek bɛ̈n cuän bei pinyden ku cuɛt keek piny lei, ku yen të rëër kek ka e köölë.

Nyöŋ 32:22

“Agönhdï abï biöl cït mac, ku nyop këriëëc ëbɛ̈n ë pinynɔm. Ku abï lɔ ë piny thar ku nyop mei ë kur thäär.