Edhekiɛl 18:8 - JAM DE NHIALIC 2011

⁸ Acïï wëu ee gäm kɔc në aŋuëk. Ee jaai në luɔi de kërac, ee jamde teem apiɛth tëde yen teer.

Edhekiɛl 18:8 ပူးပေါင်းရင်းမြစ်များ

2 Tham 22:24

Aŋic nɔn ciën ɛn awäc në Yenɔm, ku cä rɔt tiit ke cïn kërɛɛc luɔi.

Neɣe 5:15

Bɛ̈ny ëbɛ̈n bɛ̈ny ɣɔn cï tɔ̈u ë yanɔm tueŋ aake cï röt tääu në kɔc yiëth, ku aake ye wëu ke atek kathiërŋuan kɔɔr tëde kɔc ke ye këcam ku mɔ̈u në kööl tökic. Ayïï lïïmken aake ye kɔc yɔŋ, ku yɛn kën luui aya, në biäk yan Nhialic riëëu guöp.

Diɛt 15:5

Ku ayek wëu gam ke ke cïï kɔ̈ɔ̈r aŋuëk, ku acïï ke duëërë gäm kumthok, ciɛ̈k en raan cïn guöp awäc thok. Raan ee ka cït ee kake looi kedhie abï aa kony.

Bɛ̈n 22:25

“Të de yen raan kuany nyin cï kony në wëu në kɔckï yiic, wëu bï ke pɔ̈k nïïm raan de keek. Ke raanë ë cï rɔt tɔ cït kɔc ee wëu dhɛɛn, ku cïï wëu ee tɔ col në wëu wär ke.

Kɛ̈ŋ 28:8

Raan ee känyke ŋuak nïïm, kake ayek bɛ̈n lɔ tëde kɔc ee kɔc kuanynyïïn kuɔny.

Yith 1:17

ku wɛ̈ɛ̈tkï bäk yic aa looi. Abäk dhil tïŋ ke yic ye looi, ku kuɔnykï kɔc cï yɔŋ, ku yak mïth abɛɛr gäm yicden ku kuɔnykï diëër abɛɛr.”

Yith 33:15

Wek duëër pïïr të ya wek yic lueel ku luɔikï. Duökï riɛldun tɔ ye kë math wek kɔc kuanynyïïn ku duökï kumthok ee nööm. Duökï ee mat në kɔc loi kiɛɛr de nääk de raan, ku nɔn loikï karɛc kɔ̈k.

Jeremia 15:10

Amawoou yɛn dhiau piɔ̈u! Eeŋö jɔ amaar yɛn bɛ̈ɛ̈i ë piny nɔm? Yɛn ee göth ku tɛɛr wo kɔc ëbɛ̈n kɔc ke pinyda. Yɛn cïn wënh cä nööm ku cïn wënh cä gam, ku kɔc kedhie ayek ya läm aciɛɛn.

Edhekiɛl 11:12

Abäk ŋic nɔn ee yɛn Bɛ̈nydït, ku të wään muɔ̈k wek lööŋ ke juöör thiääk në week, ke wek aake dhuuŋ lööŋkï kɔ̈ɔ̈th, ku rɛɛckï ka cä lɛ̈k week.”

Edhekiɛl 18:13

ku gɛm wëu në aŋuëk. Bïï pïïr? Ei, acïï duëër pïïr,. Acï ee karɛckë looi kedhie, ka yen abï dhil thou. Abï gɔ̈k në biäk de thonde.

Edhekiɛl 18:17

Ee jaai në luɔi de kërac, ku cïï wëu ee gam në aŋuëk. Ee lööŋkï döt ku rïïu ka cä lɛ̈k en. Acïï bï thou në biäk de awɛ̈ɛ̈c ke wun, abï dhil pïïr ëyic.

Edhekiɛl 22:12

Kɔckuön kɔ̈k aye keek riɔp në luɔi bïï kek näk. Kɔ̈k ayek aŋuëk nööm ë wëu cï kek kɔckɛn ke Yithriɛl kony kɔ̈ɔ̈th, ku jɔkï kuɛth në cäm ciɛm keek. Acïk nïïm määr në yɛn.” Bɛ̈nydït Awärjäŋ yen aa jam.

Lebai 19:15

Du yic ee dhɔ̈ŋic ë luɔi rac, du raan kuany nyin ee kuɛ̈ny bei, ku du ee riɔ̈ɔ̈c në raan kueth, ye gööny de kɔc rɛ̈ɛ̈r në yïn guiir në piathëpiɔ̈u.

Lebai 19:35

“Du raandäŋ mɛth në luɔi bï yïn en them në ruëëny të them yïn bɛ̈ɛ̈r de käŋ, ayï të them yïn thiek de käŋ, ayï të wɛɛr yïn käŋ.

Dhek 8:16

Ku ka bäk looi kï: yak röt jääm në yith. Yak ŋɛk gäm yicde në göny yiic, yic wën ee rëër lɔ dïu bɛ̈ɛ̈i.

Dhek 8:19

“Kë cï Bɛ̈nydït de rɛm lueelkï: an thɛ̈k ye pɛɛi ye pɛ̈i ŋuan theek, ayï pɛɛi ye pɛ̈i dhïc, ayï pɛɛi ye pɛ̈i dhorou, ayï pɛɛi ye pɛ̈i thiëër abïk aa dhuëŋ ku miɛtëpiɔ̈u arëët tëde baai de Juda. Ka week nhiaarkï yic, ku mät.

Nyöŋ 23:21

“Të cä wek gutguut lɛ̈k Bɛ̈nydït Nhialicdun, duökï këduön cä wek gutguut lueel be pɔ̈l, Bɛ̈nydït abï kë cï yïn gutguut lueel mukic, ku abï aa kërac të kën wek gutguut döt.