Edhekiɛl 18:6 - JAM DE NHIALIC 2011

⁶ Acïï yiëth ke baai de Yithriɛl ee lam ku acie cam në miɔ̈c näk ye gam në yïk cï pëën yiic. Acïï tiiŋ de raan däŋ ee riɔ̈ɔ̈k nɔm, ku cie tɔ̈c ke tik të thëk en.

Edhekiɛl 18:6 ပူးပေါင်းရင်းမြစ်များ

Diɛt 121:1

Yɛn ee kur woi nïïm, ee tënou bïï kuɔɔnydï bɛ̈n thïn?

Bɛ̈n 34:15

Duökï mät loi në kɔc de pinyë, ke ke cïï week bï cɔɔl në kööl lɛm kek yiëth, ayï kööl miɔɔc kek yiëth. Ke we cïï röt bï mat thïn, ku bäk piɔ̈ɔ̈th dɛ cäm de kacaam cïk näk yiëth.

Kɛ̈ŋ 6:29

Yen täude ka kekë raan ee tiiŋ lei kɔɔr. Acïn raan duëër tiiŋ ë mony däŋ nööm ku rëër ke cïn këtuuc yök en.

Edhekiɛl 18:15

Acïï yiëth ke baai de Yithriɛl ee lam, ku cïï cäm në miɔ̈c näk ye gam në yïk cï pëën nïïm. Acïï tiiŋ de raan däŋ ee riɔ̈ɔ̈k nɔm

Edhekiɛl 18:5

“Tɛk däŋ de raan piɛth ë yic, apiɛthpiɔ̈u ku acie ruëëny.

Edhekiɛl 20:24

Yɛn aa loi ee kënë në biäk cï kek ka cä lɛ̈k keek rɛɛc, ku dhoŋkï lööŋkï kɔ̈ɔ̈th, ku riäkkï kööl ë Thabath ku lamkï yiëth wään ye kuarken luööi.

Edhekiɛl 20:28

Acä ke bɛ̈ɛ̈i piny wään cän gutguut lueel an bä gäm keek. Na wën tïŋ kek kur bär ku tiim tɔ̈c, gokï miɔ̈c näk gäm keek kedhie. Acïk a tɔ göth në miɔc näk yek nyop ku mɔ̈n yek bɛ̈ɛ̈i ke ye miɔ̈c.

Edhekiɛl 20:7

Acä lɛ̈k keek bïk yiëth rackë cuat wei, yiëth nhiaarkï, ku cïkkï röt bï tɔ de acuɔl, në yiëth alueth ke Rip, në biäk yan Bɛ̈nydït Nhialicden.

Edhekiɛl 6:13

Gup ke kɔc cï thou abïï ke wɛɛr në yiëth yiic, ku në yïkken lɔ̈m, abïï ke wɛɛr në kur thöny nïïm ëbɛ̈n, ku në kur bär nïïm ëbɛ̈n, ku në tiim thäär ëbɛ̈n, ku në tiim ke ɣok thäär, ku atïïp ke tiim thäär ëbɛ̈n, të wën ye kek yiëthken miɔc në miɔ̈c nyop. Abïï ë raan ëbɛ̈n jɔ ŋic nɔn ee yɛn Bɛ̈nydït.

Lebai 20:10

Na lɔ raan tiiŋ de raandäŋ nööm, na ee tiiŋ ë raan rɛ̈ɛ̈r kek yen ë mony ë nöm tik kekë tiiŋ ë nöm abïï keek dhil nɔ̈k kedhie.

Lebai 20:18

Na tɔ̈c moc kekë tik në aköölkɛn ke thëk, acï awaŋde nyuɔɔth, ku tik acï awaŋ de riɛlde nyuɔɔth aya, ka keek kedhie abï ke dhil tɛ̈ɛ̈m bei në kɔcken yiic.

Kuɛ̈n 25:2

Ago duet keek aa caal në miɔ̈c de yiëthkeniic. Agokï aa lɔ cam ku lamkï yiëthken.

Math 5:28

Ku wek yɔ̈ɔ̈k an, “Raan ëbɛ̈n raan lɔ tik woi, ago ye dɔ̈m ŋɔ̈ɔ̈ŋ, ka ye guɔ lɔ kekë yen ë yepiɔ̈u.

1 Kor 10:20

Ku aya lueel an, “Ka ye juöör thät, ee jɔɔk rac kek yek thät, ku acie Nhialic yen yek thät: ku yɛn cïn piɔ̈u luɔi bä wek aa kɔc mät në jɔɔk rac ëtök.

Nyöŋ 4:19

Ku të cä wek nhial lieec ku tiëŋkï akɔ̈l kekë pɛɛi ku kuɛl, ku ka nu nhial kedhie, duökï röt bï tɔ them, aguɔkï keek lam. Acïï Bɛ̈nydït Nhialicdun keek gäm juöör kɔ̈k ë pinynɔm bïk keek aa lam.

Ɣeberuu 13:4

Week mïthëkɔckuɔ, ë thiëëk ë ye riëëu në kɔc kedhie. Yak kë nhiany tɔ mec në biöŋ ë thiëëkic. Kɔc cïn gup athɛɛk kedhie ku kɔc ee diëër lei kɔɔr abï Nhialic ke löŋden guiir atuc.