Edhekiɛl 18:4 - JAM DE NHIALIC 2011

⁴ Pïïr de raan ëbɛ̈n ee këdï, pïïr de wärken ke mïth ku märken ayï pïïr de mïth. Raan ee kërac looi ee yen abï thou.

Edhekiɛl 18:4 ပူးပေါင်းရင်းမြစ်များ

2 Mel 14:6

Ku akën mïthken bɛ̈n nɔ̈k në këde lööŋ ɣɔn cï Bɛ̈nydït lɛ̈k Mothe an: “Meth acïï bï nɔ̈k në awäny de wun, ku wun meth acïï bï nɔ̈k në awäny de meth. Raan abï aa nɔ̈k në awäny ë looi në yen guöpde.”

Jop 21:20

Në ke tïŋ riäŋden në nyïïnken, ku yökkï thok yen agönh Nhialic Awärjäŋ.

Jop 8:4

Na cï mïthku awäc looi Yen tei, ka cï ke tääu në riɛl ë kërac ciin.

Yith 42:5

Nhialic aa cak paannhial ku thieth keek piny, ku gëm piny ciɛɛŋ ku këriëëc ëbɛ̈n tɔ̈u thïn, ee pïïr ku wëi gäm kɔcke. Ku ënɔɔnë acïï Bɛ̈nydït Nhialic lɛ̈k awuutke.

Yith 57:16

Yɛn cï kɔckï gäm pïïr, ku Yɛn cïï bï bɛ ŋoot ke ke gaany ku cä göth wo keek aɣet athɛɛr, në luɔi cï kek bï thou, kek kɔc cä gäm wëi.

Jeremia 31:30

Kɔc cï enap kec cam kedhie, lecken abïï ke tääu këëc, ku abïk thou kedhie në biäk de karɛcken.”

Edhekiɛl 18:20

Ee yen raan ee kërac looi yen abï thou. Meth acïï duëër gum në biäk de awäny de wun, ayï wun meth acïï duëër gum në biäk de awäny ë mɛnhde. Raan piathëpiɔ̈n abïï gäm ariöp de kapiɛth cï looi, ku raan ee karɛc looi abï gum në biäk de karɛc cï looi.

Edhekiɛl 18:3

Aye Bɛ̈nydït Awärjäŋ lueel an, “Në yic, ke ya ye Nhialic pïïr, wek cïï ee kääŋë bï bɛ nyɔk në luɛl piny de Yithriɛl anandun.

Edhekiɛl 18:5

“Tɛk däŋ de raan piɛth ë yic, apiɛthpiɔ̈u ku acie ruëëny.

Edhekiɛl 3:18

Na luɛɛl en an raan ee karɛc looi abï thou, ku kɛ̈në jɔ̈ɔ̈ny ke bï pïïrdɛn de luɔi de karɛc waar, ke bï wëike kony, abï thou ke ŋoot ke de guöp awɛ̈ɛ̈c, ku yɛn bï gääk de thonde tääu në yïyeth.

Edhekiɛl 33:8

Na luɛɛl en an raan ee karɛc looiyë abï thou, ku akënë lɔ jɔ̈ɔ̈ny bïï kueerdɛn ë pïïr waar yic ago kony wëi ke cïï bï thou, ke raanë abï thou ke ye de guöp awɛ̈ɛ̈c, ku yïn gɔ̈k në këde thon ee raanë.

Dhek 12:1

Jam de Bɛ̈nydït kï, jam ë bɔ̈ në biäk de Yithriɛl. Bɛ̈nydït ë yen ë cak tënhial kekë piny, ku yïk raanic wëi. Acï lueel an,

Kuɛ̈n 16:22

Go Mothe yenɔm guöt piny kekë Aron lɛ̈ŋkï luelkï an, “Acie yen Nhialic, yïn aye Nhialic de pïïr de këriëëc ëbɛ̈n. Bä akutnɔm dïït ë kɔc nɔ̈k në baŋ de kërɛɛc ë raan tök?

Kuɛ̈n 27:16

“Yïn läŋ Bɛ̈nydït Nhialic muk wëi ke raan ëbɛ̈n, nɔn kuëny yïn akutnɔm raan bï keek wat.

Romai 6:23

Ariöp de kërac yen aye thuɔɔu, ku miɔ̈c de Nhialic yen aye pïïr athɛɛr në Bɛ̈nydan Yecu Kërtho.

Galatai 3:22

Ku këcïgɔ̈ɔ̈r acï jäŋ ëbɛ̈n mac ë këracic, luɔi bï kë cï kɔn lueel an, bï yiɛ̈n kɔc, në gäm cï kek Yecu Kërtho gam, luɔi bï e yiɛ̈n kɔc cï gam.

Nyöŋ 24:16

“Wärken ë mïth acïï keek bï aa nɔ̈k në biäk de awäny cïï mïthken looi, ku mïth acïï keek bï aa nɔ̈k në biäk de awäny cïï wärken looi, raan abï aa nɔ̈k në biäk de kërɛɛcdɛn cï looi yetök.

Ɣeberuu 12:9

Wärkuɔn ke piny nɔm ayek wo dui në dui rac ku ŋootku ke ke riëëuku, ku cïï ŋuän duëërku Wäärdan ë wëikuɔ riëëu ku buk pïïr!