Edhekiɛl 18:30 - JAM DE NHIALIC 2011

³⁰ “Ënɔɔnë yɛn Bɛ̈nydït Awärjäŋ, wek lɛ̈k baai de Yithriɛl nɔn bän we luöi këtuc, ŋɛk abï aa luöi këtuc rɔ̈ŋ ke kë cï looi. Jakï röt puk në luɔi de karɛc yak looiyë yiic, ku duökï awɛ̈ɛ̈ckun tɔ riäk week.

Edhekiɛl 18:30 ပူးပေါင်းရင်းမြစ်များ

Edhr 10:11

Ënɔɔnë, gamkï awɛ̈ɛ̈ckun në Bɛ̈nydït nɔm, Nhialic de kuarkun, ku yak këde piɔ̈nde looi, tɛkï weyiic në juöör ceŋ ee pinyë ku pälkï duet ke juöör ë cäk ke thiaak.”

Wɛ̈ɛ̈t 12:14

Në biäk ye Nhialic löŋ de ka yek looi ëbɛ̈n guiir, ayï ka cï moony, nɔn yek ke kapiɛth ku nɔn ee karɛc.

Wɛ̈ɛ̈t 3:17

Guɔ jɔ lɛ̈k rɔt an, “Nhialic abï löŋ de kɔc guiir atuc kedhie, kɔc piɛth piɔ̈ɔ̈th ku kɔc rac. Në biäk de yen kööl cï Nhialic kiëët në baŋ ë luɔɔi ku këriëëc ëbɛ̈n.

Yith 21:12

Guɔ bɛ̈ɛ̈r an, “Piny abï ruu ku abï wakɔ̈u abï bɛ bɛ̈n. Na kɔɔr bä bɛ lop, bä ciëën bä bɛ̈n lop.”

Yith 59:20

Aye Bɛ̈nydït lɛ̈k kɔcke an, “Yɛn bï bɛ̈n Jeruthalem bä we bɛ̈n luök, ku kuɔny week wedhie, wek kɔc cï luɔiduön de awɛ̈ɛ̈c pɔ̈l.

Jeremia 25:5

Acïk week yɔ̈ɔ̈k bäk röt puk në kuɛɛrkuön rac yiic, ku në karɛc yak looi yiic, aguɔkï rëër piny cï Bɛ̈nydït gäm week ë kuarkun ke ye këdun aɣet athɛɛr.

Jeremia 3:22

Pɔ̈kkï röt ee në wedhie, wek kɔc wään cï röt yal wei tëde Bɛ̈nydït, abï we tɔ piɔl gup ku tɔ we ye adööt. Ayak lueel an, “Ɣɛɛ, wok bɔ̈ tëde Bɛ̈nydït, në biäk ee Yen Nhialicda.

Jeremia 35:15

Wek ya cool ë tuöc keek tïtkï kedhie, kɔc ee Yɛn luööi, ku acïk we yɔ̈ɔ̈k bäk kuɛɛrkuön rac pɔ̈l, ku bäk këpiɛth aa looi. Acïk we yɔ̈ɔ̈k luɔi cä wek yiëth kɔ̈k bï aa lam ku cäkkï keek luui, aguɔkï ŋoot ke we rɛ̈ɛ̈r piny cä gäm week ku gäm kuarkun. Ku wek kën jamdï piŋ ku cäkkï wëlkï tɔ lɔ ë weyïth.

Edhekiɛl 14:6

“Ënɔɔnë, lɛ̈kë baai de Yithriɛl, kë luɛɛl yɛn Bɛ̈nydït Awärjäŋ: pɔ̈kkï we piɔ̈ɔ̈th ku pälkï yiëth rackun.

Edhekiɛl 18:21

“Na cï raan ee karɛc looi luɔi de karɛc pɔ̈l ku muk lööŋkï, na looi këpiɛth ku ee yic, acïï bï thou, abï dhil pïïr ë yic.

Edhekiɛl 18:29

Ku aye lueel yïn baai de Yithriɛl an, ‘Kë looi ë Bɛ̈nydït cie yic. Ayak tak kueerdï acie yic, yak tak aya? Ee kueerdun yen cie yic.

Edhekiɛl 24:14

Acä lueel, Yɛn Bɛ̈nydït Awärjäŋ. Akööl acïk bɛ̈n kööl bän lui. Yɛn cïï awänydu bï tɔ piɔl yic, ku cä piɔ̈u kok wo yïn, ku cä yïn päl. Yïn bï dhil luöi këtuc në biäk de kë cï looi.” Bɛ̈nydït Awärjäŋ yen aa jam.

Edhekiɛl 33:11

Lɛ̈kë keek, ee yic, ke ya ye Bɛ̈nydït Awärjäŋ, yɛn ee Nhialic pïïr, acä nhiaar bä kɔc de gup awɛ̈ɛ̈c tïŋ ke ke thou. Aya nhiaar bä raan bä ke tïŋ ke ke päl luɔidɛn de awɛ̈ɛ̈c ku pïïrkï. Baai de Yithriɛl jɔ luɔiduön de awɛ̈ɛ̈c ye looi pɔ̈l. Eeŋö kɔɔr yïn bä thou?

Edhekiɛl 33:20

Ku baai de Yithriɛl, ayak lueel an kë ya looi acie yic. Yɛn bï löŋdun lɔ guiir në kë yak looi.”

Edhekiɛl 33:9

Na jäny raan ee karɛc looi ku cïï luɔidɛn de awɛ̈ɛ̈c päl, abï thou ke ŋoot ye raan ke ye raan de guöp awɛ̈ɛ̈c, ku wëiku abï ke gël.”

Edhekiɛl 34:20

“Ka ënɔɔnë, Yɛn Bɛ̈nydït Awärjäŋ alɛ̈k week nɔn bän löŋ guiir në kaamdun wek amɛ̈l ril ku amɛ̈l kɔ̈c.

Edhekiɛl 36:19

Acä ke bɛ̈n jɔ̈ɔ̈ny në kueerdɛn ye kek pïïr ku të ye ke kaken luɔɔi thïn, guɔ ke thiäi piny në juöör ke piiny lei yiic.

Edhekiɛl 43:9

Ënɔɔnë ë ke jɔ läm de yiëth kɔ̈k pɔ̈l ku nyiɛɛikï gup ke meliikkɛn cï thou. Na lek lɔ looi, ke Yɛn bï rëër në keyiic aɣet athɛɛr.”

Edhekiɛl 7:27

Melik abï dhiau, ku wën melik abï nɔm ciën aŋäth, ku kɔc abïï ke lath në riɔ̈ɔ̈c. Wek bä luöi këtuc në biäk de ka cäk keek looi kedhie, ku guiɛɛr löŋdun në kueer wään ya wek lööŋ ke kɔc kɔ̈k guiir. Kënë abï we nyuöth nɔn ee Yɛn Bɛ̈nydït.”

Edhekiɛl 7:3

“Yithriɛl, thök acï bɛ̈n. Yïn bï agönhdï yök në yïguöp, në biäk luöi Ɛn yïn këtuc në biäk de kë cï looi. Yïn bä gäm ariöp de karɛckuön cï looi.

Danyel 9:13

ago wook tɔ luiyë këtuc wään cï lueel ë löŋ de Mothe yic ëbɛ̈n. Ku na cakaa ënɔɔnë, Bɛ̈nydït Nhialicda, akënku them buk yïn tɔ mit piɔ̈u në päl pɛ̈l wok karɛckuɔ ku kuɛnyku yithku cök.

Ɣodh 12:6

Ku ënɔɔnë, wek kuat de Jakop, puɔ̈kkï röt Nhialicdun. Muɔ̈kkï nhiëërde yic, ku luɔi de yic. Ku yak kë bï ë Nhialicdun looi tiit.

Dhek 1:4

Duökï be ciët kuarkun, kɔc ɣɔn ye tït ke guiëër jamdï. Acï Bɛ̈nydït de rɛm lueel an, ‘Pälkï karɛckuön yak looi. Ku acïkï jamdï ee piŋ, ku cïkï ya riëëu.’

Malakai 3:18

Ku ëtɛ̈ɛ̈n, wek bï kë loi rɔt jɔ ŋic në kaam de raan ɣer piɔ̈u kekë raan ee karɛc looi, ku kaam de raan ee Nhialic luööi kekë raan cïï Nhialic ee luööi.

Math 16:27

Wën ë Raan abï bɛ̈n në dhuëëŋ de Wun kekë tuuckɛn nu nhial, ago raan riɔp ëbɛ̈n në kë rɔ̈ŋ në luɔide.

Math 25:32

go juöör kut nïïm kedhie ë yenɔm, go ke pɔ̈ɔ̈c, jurë ku jurë, cït man ë tïn ë thök tiit ee amɛ̈l poc ë bɔɔth yiic.

Math 3:2

kë ye lueel an, “Pɔ̈kkï wepiɔ̈ɔ̈th, ciɛɛŋ de paannhial ë guɔ thiɔ̈k.

Math 3:8

Yen aa wek luɔk në luɔi piɛth, luɔi bï röŋ në puŋëpiɔ̈u,

Luk 13:3

Wek yɔ̈ɔ̈k an, acie yen, ku të kɛ̈n wek wepiɔ̈ɔ̈th puk, ke we bï thou wedhie cït man ë kek.

Luk 13:5

Wek yɔ̈ɔ̈k an, acie yen, ku të kɛ̈n wek wepiɔ̈ɔ̈th puk, ke we bï thou wedhie cït man ë kek.

Luɔi 26:20

Yɛn ë kɔc nu Damathko kɔn guiëër, na wën, ke ya guïïr kɔc nu Jeruthalem, ku piny ë Juda ëbɛ̈n, ku guiëër Juöör aya, yɔ̈ɔ̈k keek an, bïk kepiɔ̈ɔ̈th puk ku wëlkï kepiɔ̈ɔ̈th Nhialic, agokï käŋ aa looi ka röŋ në puŋdepiɔ̈u.

Romai 2:5

Ku yïn, në riɛl ril yïn piɔ̈u, ku në luɔi reec yïn puŋ de yïn piɔ̈u, yïn ë rɔt kuɛ̈t agönhdïït ɣet ë kööl ë agɔ̈th, akööl ë nyuöth bï löŋ piɛth cï Nhialic guiir rɔt nyuɔɔth.

Jakop 1:15

Ku ŋɔ̈ɔ̈ŋ de kërac, të cï en liac, ke dhiëth kërac, ku kërac, të cï en thök ë luɔi, ke bïï thuɔɔu.

1 Pet 1:17

Ku të ya wek Wääda cɔɔl rin, Raan ee löŋ guiir në kë rɔ̈ŋ ke luɔi de raan ëbɛ̈n, ku cïï kɔc ee kuany yiic, ke we rɛ̈ɛ̈r ë aköölkuön ë kɛ̈ny wek ee tënë ke we riɔ̈c.

Nyuuth 2:16

Yen puk yïn yïpiɔ̈u, be, an, jai, ke yɛn bï dap bɛ̈n tëde yïn, bä bɛ̈n biök wo keek në abätäu de yɛnthok.

Nyuuth 2:5

Tak yïnɔm ë të wään lööny yïn thïn, ku puk yïpiɔ̈u, bä luɔi tueŋ wään looi, be, an, cïï e loi, ke yɛn bï dap bɛ̈n tëde yïn, bä ku nyaai manyalath tëde, të kën yïn yïpiɔ̈u puk.

Nyuuth 20:12

Guɔ kɔc cï thou tïŋ, kɔc kor ayï röördït, ke ke kääc ë Nhialic nɔm, na wën, ke awereek ë ke pet yiic: ku pet awerek däŋic, awerek de pïïr: go löŋ de kɔc cï thou guiir në ka cï gɔ̈ɔ̈r ë awereek yiic në këde luɔidɛn cïk looi.

Nyuuth 22:12

Go Yecu lueel an, “Ya kï, bɔ̈yë ënɔɔnë, ku yɛn cath wo ariöpdiën bä gäm raan ëbɛ̈n në kë rɔ̈ŋ ke luɔide.