Edhekiɛl 18:25 - JAM DE NHIALIC 2011

²⁵ “Ku ayak lueel an, ‘Kë looi ë Bɛ̈nydït acie yic.’ Piɛŋkï kë luɛɛl wek baai de Yithriɛl. Yak tak kueer ee yɛn käŋ looi acie yic? Ee kueerdun yen cie yic.

Edhekiɛl 18:25 ပူးပေါင်းရင်းမြစ်များ

Cäk 18:25

Aŋiɛc ëgɔk nɔn cïn kɔc cïn gup awäc bï nɔ̈k në kɔc de gup awɛ̈ɛ̈c. Acïï rɔt duëër lëu! Yïn cï kë cït ee kënë duëër looi. Ku na lɔ looi, ke kɔc cïn gup awɛ̈ɛ̈c, abï keek jɔ kuum në kɔc de gup awɛ̈ɛ̈c ëtök. Ku kënë acïï rɔt duëër lëu. Raan ee löŋ guiir ë pinynɔm ëbɛ̈n cï bï looi në yith?”

Jop 15:13

ku wɛ̈lë agönhdu nɔm Nhialic, abä wël cït ee kakë bɛ̈ɛ̈i bei në yïthok?

Jop 32:2

Ku jɔ Eliɣu wën ë Barakel, raan de Buth në baai de Ram gɔ̈th aläl ke Jop në këdɛn lueel an, cïn guöp awäc ku gɛ̈k Nhialic,

Jop 35:2

“Acie yic Jop, bä lueel nɔn cïn yïn guöp awäc në Nhialic nɔm,

Jop 40:8

Yïn athem bä nyooth nɔn ciën Ɛn yic, ku tääuwë awäc në Ya yeth, ku jɔ aa raan cïn kë cï wööc?

Diɛt 145:17

Bɛ̈nydït apiɛthpiɔ̈u në ka ye looi yiic ëbɛ̈n, ee piɔ̈u kok ë ka looi keek kedhie.

Diɛt 50:21

Yïn cï ë kakë looi kedhie, ku Yɛn aa mim thok, aye cät an, Ya Raan cït yïn. Ku ënɔɔnë yïn bä jääm ku kuɛɛn awɛ̈ɛ̈cku në yïnɔm.

Diɛt 50:6

Paannhial alueel piathëpiɔ̈u de Nhialic, an Yen guöpde ee Bɛ̈nydïït ee löŋ guiir.

Kɛ̈ŋ 19:3

Raan piɔl piɔ̈u të cï yen lööny në riäŋdɛn ë looi yic ee agɔ̈th pɔ̈k nɔm Bɛ̈nydït.

Jeremia 12:1

Go Jeremia lueel an, “Bɛ̈nydït na luɛɛl göönydï wo Yïn, Yïn bïï yök ke yï de nɔm yic. Ku Yïn bä dhil luɔp në biäk de kake guiɛɛr de löŋ yic. Eeŋö ye kɔc ee karɛc looi kuɛth? Eeŋö ye kɔc ee ruëëny looi tiam?

Edhekiɛl 18:26

Të pɛ̈l ë raan ee këpiɛth looi luɔi de piathëpiɔ̈u, ku gɔl luɔi de karɛc, na le thou, aa thou në biäk de kërɛɛc cï looi.

Edhekiɛl 18:29

Ku aye lueel yïn baai de Yithriɛl an, ‘Kë looi ë Bɛ̈nydït cie yic. Ayak tak kueerdï acie yic, yak tak aya? Ee kueerdun yen cie yic.

Edhekiɛl 33:17

“Ku wek kɔc ayak lueel an kë ya looi acie yic! Ei, ee kueerden yen acie yic.

Edhekiɛl 33:20

Ku baai de Yithriɛl, ayak lueel an kë ya looi acie yic. Yɛn bï löŋdun lɔ guiir në kë yak looi.”

Dhep 3:5

Ku Bɛ̈nydït atɔ̈u ë pänydït yic, ku abï këpiɛth looi ke cie kërac. Ee yicde nyuöth kɔcke aköölnyïïn ke cïn kööl töŋ lööny nɔm piny, ku kɔc ee karɛc looi ëtɛ̈ɛ̈n, ayek ŋoot ke ke loi awɛ̈ɛ̈c ku cïkï gup ee riɔ̈ɔ̈c.

Malakai 2:17

Wek ë Bɛ̈nydït nuaan në jam. Ku wek ee lop an, “Cuk nuaan adï? Acäk nuaan në luɔiduön ya wek en lueel an, “Kɔc ee karɛc looi ëbɛ̈n, kek aye kɔc piɛth tëde Bɛ̈nydït. Ku luɛlkï an, ye Bɛ̈nydït piɔ̈u miɛt ke keek. Ku ayï lop ya wek lop ayadäŋ an, “Nu Nhialic ë nou, Nhialic de yic?

Romai 10:3

Ku keek, në kuny kuc kek piathëpiɔ̈u bɔ̈ tëde Nhialic, ku ŋäth ŋɛ̈ɛ̈th kek piathdɛn ë piɔ̈u etök, aake ye piathëpiɔ̈u bɔ̈ tëde Nhialic rɛɛc gam.

Romai 3:20

Acïn raan töŋ bï tɔ piɛthpiɔ̈u ë yenɔm në luɔi de löŋ, ee löŋ yen ë bïï ŋïny de kërac.

Romai 3:5

Ku na rac de wopiɔ̈ɔ̈th, të cï en piath ë Nhialic piɔ̈u nyuɔɔth, buk ŋö lueel? Rac Nhialic, të cï en kɔc luöi këtuc ë agɔ̈th? (Yɛn jam cït man ë raan tei.)

Romai 9:20

Ku yïn ŋadï, yee ŋa raan bëër Nhialic thok? Kë cï cuëëc bï raan ë cuëc en yɔ̈ɔ̈k, Eeŋö ee yïn a looi aya?”

Nyöŋ 32:4

Yen acït kuur, ku wëlke ayek dikëdik, ku kuɛɛrke kedhie ayek yic. Ee Nhialiny adöt cïï kërac ë looi, raan ee yic looi ku le piɔ̈u wai.