Edhekiɛl 18:20 - JAM DE NHIALIC 2011

²⁰ Ee yen raan ee kërac looi yen abï thou. Meth acïï duëër gum në biäk de awäny de wun, ayï wun meth acïï duëër gum në biäk de awäny ë mɛnhde. Raan piathëpiɔ̈n abïï gäm ariöp de kapiɛth cï looi, ku raan ee karɛc looi abï gum në biäk de karɛc cï looi.

Edhekiɛl 18:20 ပူးပေါင်းရင်းမြစ်များ

1 Mel 14:13

Kɔc ke Yithriɛl abïk dhiëëu ku tɔ̈ukï, në kë yen raan töŋ de baai de Jerobowam bï dhil tɔ̈ɔ̈u në biäk ee yen raan mitë Bɛ̈nydït Nhialic de Yithriɛl piɔ̈u ke yen.

1 Mel 8:32

ke Yï pïŋ Bɛ̈nydït paannhial ku guiir löŋ de kɔckuön ee Yïn luööi në kɛmken, raan gööny ku raan gɔɔnyë, ku luöiyë raan de kë cï wööc këtuc, ku päl raan ee këpiɛth looi ku thiei cït man ë tän de piathëpiɔ̈nde.

2 Mel 14:6

Ku akën mïthken bɛ̈n nɔ̈k në këde lööŋ ɣɔn cï Bɛ̈nydït lɛ̈k Mothe an: “Meth acïï bï nɔ̈k në awäny de wun, ku wun meth acïï bï nɔ̈k në awäny de meth. Raan abï aa nɔ̈k në awäny ë looi në yen guöpde.”

2 Lëk 25:4

Ku akën mïth ee kɔckë tɔ näk, acï lööŋ cï gɔ̈ɔ̈r në awerek de Mothe yic kuany cök an, “Kɔc de mïth acïï keek duëërë näk awäny cïï mïthken looi, ku mïth aya acïï keek duëërë näk awäny de röördït ken, raan abï dhil aa näk awäny ë looi ë yen guöpde.”

2 Lëk 6:23

ke yïn bï piŋ paannhial ku loi luɔidu. Ago raan de guöp awäc luöi këtuc rɔ̈ŋ ke yen, ku päl raan ee këpiɛth looi ku thiei cït man ë tän de piathëpiɔ̈nde.

2 Lëk 6:30

piŋ lɔ̈ŋden. Ye këden piŋ paannhial tëduön rëër yïn thïn, ku päl ë keek awɛ̈ɛ̈cken. Ee Yïn Yïtök yïn aŋic kë ye kɔc tak. Ye ŋɛk luööi cït man ë këdɛn rɔ̈ŋ ke yen,

Bɛ̈n 32:33

Go Bɛ̈nydït puɔ̈k nɔm an, “Ee kɔc cï ya luöi awäc kek abä keek bɛ̈ɛ̈i rin bei në awerekdï yic.

Yith 53:11

Na cï pïïr de guöm thök, abï piɔ̈u bɛ miɛt, abï ŋic nɔn kën Yen gum në ɣɔ̈ric. Awundiën cï rɔt gam, miɛt ɛn piɔ̈u we yen, abï këtuc de kɔc juëc ɣääc ku në biäkde abä keek päl karɛcken.

Edhekiɛl 14:14

Na cak kɔckë kadiäk, Nowa, ku Danyel ku Jop ë ke cak rëër ëtɛ̈ɛ̈n, piathëpiɔ̈nden aduëër keek kony wei kapäc.” Bɛ̈nydït Awärjäŋ yen aa jam.

Edhekiɛl 14:16

ku na cak ee kɔckë kadiäk rëër ëtɛ̈ɛ̈n, ee yic, ke ya ye Bɛ̈nydït Awärjäŋ, yɛn ee Nhialic pïïr, acïkï wɛ̈ɛ̈tken ayï duetken duëër lëu në kuny. Ee wëiken kek abïk kony kapäc, ku piny abï aa jɔ̈ɔ̈r.

Edhekiɛl 18:13

ku gɛm wëu në aŋuëk. Bïï pïïr? Ei, acïï duëër pïïr,. Acï ee karɛckë looi kedhie, ka yen abï dhil thou. Abï gɔ̈k në biäk de thonde.

Edhekiɛl 18:30

“Ënɔɔnë yɛn Bɛ̈nydït Awärjäŋ, wek lɛ̈k baai de Yithriɛl nɔn bän we luöi këtuc, ŋɛk abï aa luöi këtuc rɔ̈ŋ ke kë cï looi. Jakï röt puk në luɔi de karɛc yak looiyë yiic, ku duökï awɛ̈ɛ̈ckun tɔ riäk week.

Edhekiɛl 18:4

Pïïr de raan ëbɛ̈n ee këdï, pïïr de wärken ke mïth ku märken ayï pïïr de mïth. Raan ee kërac looi ee yen abï thou.

Edhekiɛl 33:10

Go jam de Bɛ̈nydït bɛ̈n tëde yɛn an. “Mɛnh ë raan, nyɔk kënë yic baai de Yithriɛl kë yek lueelë an: ‘Wok cïï duɔɔny në awɛ̈ɛ̈ckuɔ, ku ka cuk ke wuööc. Wok bï thök. Duëërku pïïr adï?’

Edhekiɛl 33:6

Ku na cï tïït kɔc ke ater tïŋ ke ke bɔ̈ ku cïï kaaŋ koth, ke kɔc ke ater abïk bɛ̈n bïk kɔc de gup awɛ̈ɛ̈cë bɛ̈n nɔ̈k, ku yɛn bï gääk tääu në tïït yeth në biäk de thon ee kɔckë.

Edhekiɛl 4:4

“Ëtɛ̈ɛ̈n tɔ̈c në biäk camdu, ku yɛn bï awäny de baai de Yithriɛl tääu në yïyeth.

Lebai 10:17

Ago keek thiëëc an, “Eeŋö cä wek miɔ̈c de kërac cam në tëɣeric yic? Ee kë ɣeric aläl, aa gëmë week, në biäk bä wek karɛc ke akutnɔm nyaai, në luöi bä wek keek teem gup në Bɛ̈nydït nɔm.

Lebai 16:22

Ku nyɔk, abï karɛcken kedhie jɔ lɛɛr wei piny cïn raan ceŋ en, ku jɔ nyɔk lɔ nyääŋ ë jɔ̈ɔ̈ric.

Lebai 19:8

Ku raan lɔ en cam, abï yiëk yeth gääk, në luɔi cïï yen kë ɣeric de Bɛ̈nydït luöi dhääl. Yen ee raanë abï nyaai në kɔcke yiic.

Lebai 5:1

Na cï raan kërac looi, në biäk kën en jam në kɔc nïïm, në biäk de kë cï tïŋ ku nɔn ŋic luɔi cï yen rɔt looi, abïï yiëk yeth gääk.

Lebai 5:17

Na cï raan kërac looi ke cïï ŋic, në luɔi cï yen löŋ töŋ de Bɛ̈nydït dhoŋ kɔ̈u, ka acï wäc, abï miɔ̈c de awäc dhil gam.

Kuɛ̈n 15:31

Në biäk cï yen kë cï Bɛ̈nydït lueel rɛɛc, ku dhoŋ löŋ tök në lööŋ ke Bɛ̈nydït yiic, thonde anu në yeyeth.

Kuɛ̈n 18:1

Go Bɛ̈nydït lɛ̈k Aron an, “Yïn wekë wɛ̈ɛ̈tku, ku Lebai, wek bï këtuc aa guum wedhie tëde yen awäny cï rɔt wööc në luɔi de tëɣeric yic. Ku na awäny wäc rɔt në luɔi de kake Nhialic, ee yïn wekë wɛ̈ɛ̈tku wapäc wek abï këtuc guum.

Math 16:27

Wën ë Raan abï bɛ̈n në dhuëëŋ de Wun kekë tuuckɛn nu nhial, ago raan riɔp ëbɛ̈n në kë rɔ̈ŋ në luɔide.

Nyöŋ 24:16

“Wärken ë mïth acïï keek bï aa nɔ̈k në biäk de awäny cïï mïthken looi, ku mïth acïï keek bï aa nɔ̈k në biäk de awäny cïï wärken looi, raan abï aa nɔ̈k në biäk de kërɛɛcdɛn cï looi yetök.

Ɣeberuu 9:28

Yen acï Kërtho thou, nyiɛɛi karɛc ke kɔc juëc. Ku miäk të le Yen bɛ bɛ̈n në bɛ̈n ee kek rou, acie karɛc kek bï bɛ̈n bɛ nyaai, abï bɛ̈n bï raan ëbɛ̈n raan tit En bɛ̈n kony wëi.

1 Pet 2:24

Yenguöp ë karɛckuɔ ɣääc ë yeguöp ë tim kɔ̈u, luɔi bï wok thou tëde kërac, ku jɔku pïïr tëde piathëpiɔ̈u, dui ë duiyë ye, en aa tɔ we dem.

Nyuuth 2:23

Ku mïthke abä ke nɔ̈k abïk thou, ku abï ɣööt ke Nhialic ŋic kedhie, nɔn aa yɛn raan ee kɔc caath piɔ̈ɔ̈th, ku wɔi kë nu ee kɔc yiic thïn: ku yɛn bï raan ëbɛ̈n gäm kë rɔ̈ŋ ke luɔide week wedhie.

Nyuuth 20:12

Guɔ kɔc cï thou tïŋ, kɔc kor ayï röördït, ke ke kääc ë Nhialic nɔm, na wën, ke awereek ë ke pet yiic: ku pet awerek däŋic, awerek de pïïr: go löŋ de kɔc cï thou guiir në ka cï gɔ̈ɔ̈r ë awereek yiic në këde luɔidɛn cïk looi.