Edhekiɛl 17:21 - JAM DE NHIALIC 2011

²¹ Remdɛn ril de tɔŋ abïï ke nɔ̈k në tɔŋic, ku kɔc bï döŋ apïr, abïï ke thiäi piny në aguuk yiic kedhie. Ëtɛ̈ɛ̈n abäk jɔ ŋic nɔn ee yɛn Bɛ̈nydït, yɛn aa jam.”

Edhekiɛl 17:21 ပူးပေါင်းရင်းမြစ်များ

2 Mel 25:11

Ku pec Nebudharadan kɔc ɣɔn cï döŋ wutic, ayï kɔc ɣɔn cï kɔt tëde melik de Babilon, ku jɔ aa kɔc kɔ̈kkë ëbɛ̈n.

2 Mel 25:5

Ku rem de tɔŋ de Babilon acïk keek bɛ̈n cuɔp kueer, ku dɔmkï melik në riaaŋ de Jeriko yic, ku remdɛn ë tɔŋ aake cï thiëi wei në yeciin.

Yith 26:11

Acïï ë kɔc ke aterdu ŋic nɔn bï Yïn ke luöi këtuc. Tɔ ke yäär Bɛ̈nydït ku tɔ ke nuan, tɔ ke yök nuan cï kiëët në biäkden. Nyuöth ë keek nhiëër dïït nhiɛɛr Yïn kɔcku.

Jeremia 48:44

Raan bï kat ë riɔ̈ɔ̈cdït abï lɔ lööny ë pulic, ku raan bï bɛ̈n bei ë pulic, abïï ë wïn ë dɛ̈p dɔm, në biäk cïï Bɛ̈nydït kööl de riääk ë Mowap guiir.

Jeremia 52:8

Ku rem de tɔŋ de Babilonia, acïk Dhedekia bɛ̈n cop, abïk lɔ dɔm ë riaaŋ thiääk ke Jeriko, ku aacïï remdɛn ë tɔŋ päl wei.

Edhekiɛl 12:14

Yɛn bï kɔc ke baaide, ku kɔc ee yen jääm, ku kɔc yen tiit thäi në aguuk yiic kedhie, ku abïï kɔc keek kɔɔr bïk keek nɔ̈k.

Edhekiɛl 13:14

Akaar bä pänydɛn cïk rɔɔth kɔ̈u në kïn ɣer jäp piny, ku riäär piny, ku nyääŋ kur ke këërkëër piny kapäc. Abï löny ku nɛ̈k week wedhie. Ëtɛ̈ɛ̈n abïï ë raan ëbɛ̈n jɔ ŋic nɔn ee yɛn Bɛ̈nydït.

Edhekiɛl 13:23

Ka ënɔɔnë nyuuthkuön ke lueth, ku cäärduön de tör acïk wan. Yɛn kony kɔckï në riɛldun yic, aguɔkï jɔ ŋic nɔn ee yɛn Bɛ̈nydït.”

Edhekiɛl 15:7

abä keek luöi këtuc. Acïk poth në many tök thok, ku ënɔɔnë abï mac ke nyuɔp piny. Të lan ke lɔ luöi këtuc abäk ŋic nɔn ee yɛn Bɛ̈nydït.

Edhekiɛl 5:10

Kë bï tïc, wärken ke mïth ku märken ke mïth abïk mïthken cuet, ku mïth abïk wärken ku märken cuet në Jeruthalem. Wek bä luöi këtuc ku thiäi kɔc bï pïïr në piny nɔm ëbɛ̈n.

Edhekiɛl 5:12

Biäk töŋ de diäk ë kɔckun abï thou në jɔk ku cɔk ë pänydïtic, ku thou biäk däŋ de diäk në abätäu biic në pänydït thok, ku biäk töŋ de diäk ciëën abä thiäi piny në ɣään ke yom kedhie, ku cuɔp keek në abätäu.

Edhekiɛl 5:13

“Yïn bï riɛl de agönhdï yök në yïguöp ku ja gɔ̈th agut të bän piɔ̈u thök. Të le ee kënë rɔt looi ëbɛ̈n, abä jɔ gam nɔn cän jam wo yïn, Yɛn Bɛ̈nydït në biäk cïï ciɛ̈n adötdu yɛn tɔ göth.

Edhekiɛl 5:2

Nyop këde diäŋden në pänydït, miäk cïï geeu cï ë pänydït gɛɛu cil wan, nöm diäŋ kɔ̈kë ku tɛ̈m ë keek në abätäu të le yïn ke yï cath në wut këc, wɛɛrë diäŋ kɔ̈k cï döŋë në yomic ku jɔ ke ya kaaŋiic në abätäudï.

Edhekiɛl 6:10

Abïk ŋic nɔn ee yɛn Bɛ̈nydït ku nɔn ye jänydiën yan ke jɔ̈ɔ̈ny acie riëëc tei.”

Edhekiɛl 6:7

Kɔc abï keek nɔ̈k në piny yic ëbɛ̈n, ku kɔc bïï döŋ ke ke pïïr, abïk jɔ ŋic nɔn Yan Bɛ̈nydït.

Amoth 9:1

Yɛn ë Bɛ̈nydït tïŋ ke kääc në yïk lɔ̈ɔ̈m, ku lueel an, “Yup gɔ̈ɔ̈l nu ë mën ke Luaŋdït nïïm aläl ke yiɛɛu bï lath ku thiɔ̈i ke. Dhuɔŋë ke wei, ke ke bï wïïk në kɔc nïïm kedhie. Kɔc cï döŋ ë keyiic, abä keek nɔ̈k në abätäu. Acïn raan töŋ bï kɔt wei në ke yiic, ku cïn raan töŋ bän.